وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

بیروڕا

ئەمریکا.. ترەمپ بردیەوە یان دۆڕاندی ؟

لەلایەن هێمن لهۆنی 7/11/2018
هێمن لهۆنی
هێمن لهۆنی
شەوی سێشەممە لە ئەمریکا یەکێک لە گرنگترین هەڵبژاردنەکانی کۆنگرێس بەڕێوەچوو، ئەم هەڵبژاردنە وەک گشتپرسییەک بوو لەسەر دوو ساڵی رابردووی سیاسەتی دۆناڵد ترەمپ. 

ئەمریکییەکان وانەیەکی نوێیان پێشکەش بە سەرکردەکانیان کرد، کە هەموو شتێک ئابووری نییە و گەشەکردنی ئابووریش نابێ لەسەر حیسابی بەهاکانی ئەو وڵاتە بێت. ئەوەی لە ماوەی 24  کاژێری رابردوو لە ئەمریکا روویاندا ئەمانە بوون: 

یەکەم: دیموکراتەکان لەڕێگەی هەڵمەتێکی بەهێزی باراک ئۆباما و جۆو بایدن، کە لە هەندێک شوێن ماڵ بە ماڵ دەگەڕان، دوای هەشت ساڵ جارێکی دیکە زۆینەی ئەنجوومەنی نوێنەرانیان بەدەستهێنایەوە و هەروەها چەند پۆستێکی حاکمی ویلایەتەکانیان وەرگرتەوە. لەڕێگەی ئەم ئەنجوومەنەوە ئیدی دەبنەوە هاوبەشێکی کاریگەری داڕشتنی سیاسەتی ناوخۆی وڵات لە واشنتن دی سی و چاودێرێکی بەهێز بەسەر کۆشکی سپی.

دووەم: کۆمارییەکان لە ئەنجوومەنی پیران وەک زۆرینە مانەوە و بەمەش دۆناڵد ترەمپ دەتوانێت لە زۆرێک لە سیاسەتەکانی دەرەوەی خۆی بەردەوام بێت، لەوانە گەمارۆی ئێران. بۆیە لە سیاسەتی دەرەوە گۆڕانکاری گەورە روونادات، بەڵام وەک جاران ئەوەی دەیەوێت ناتوانێت بە ئاسانی ئەنجامی بدات و ئێستا ئەو دوو ساڵە نەما بەبێ دانوستاندن لەگەڵ دیموکراتەکان بڕیاربدات.

سێیەم: ئەو قسەیەی کە دەگوترا ئەمریکییەکان تەنیا ئابووری و گیرفانیان بەلاوە گرنگە، وا دەرنەچوو. ئێستا ئابووری وڵاتەکەیان لە باشترین دۆخە و بێکاری لە کەمترین ئاستیدایە، بەڵام لەکۆی گشتی دەنگدانی هەموو ویلایەتەکان، کۆمارییەکان بە جیاوازییەکی زۆر لە دواوەن. هەموو کەس هاوڕابوو کە ئەم هەڵبژاردنە گشتپرسییەکە بۆ کارەکانی ترەمپ لە دوو ساڵی رابردوودا، بۆیە ئەوەی ترەمپ چاوەڕوانی دەکرد وا دەرنەچوو، سەرەڕای ئەوەی لە 75%ـی ئەمریکییەکان لە ئابووری وڵاتەکەیان رازین لە 50%ـی دەنگیان بە دیموکراتەکان دا نەک حیزبەکەی ترەمپ. راستە ترەمپ ئابووری وڵاتەکەی زۆر پێشخست، بەڵام دەرکەوت قسەگوتن بە رۆژنامەڤان و ژن و رەگەزپەرستی لە ئەمریکا باجی خۆی هەیە.

چوارەم: راستە کە کۆمارییەکان زۆرینەی ئەنجوومەنی پیرانن، بەڵام مانای وانییە هەموو سیناتۆرە کۆمارییەکان هاوڕای ترەمپ بن. لەم هەڵبژاردنە کەسێکی وەک میت رۆمنی بووەتە سیناتۆری کۆماریی کە زۆر جیاواز لە ترەمپ بیردەکاتەوە و لەم جۆرە سیناتۆرەش لەناو ئەنجوومەنی پیران زۆرن و لەمەودوا دەستکراوەتریش دەبن، بۆیان دەرکەوت کە ئەمریکییەکان زۆر لە ترەمپ رازینین.

پێنجەم: ئەو ویلایەتانەی بە قەڵای کۆمارییەکان و ترەمپ دادەنرێن، وەک تەکساس و فلۆریدا، دیموکراتەکان توانیان رکابەرێکی بەهێزبن و بە جیاوازی کەم بدۆڕێن. هەروەها لە ئێستادا دیموکراتەکان توانیان هەڵبژاردنی داهاتوو لە فلۆریدا مسۆگەربکەن پاش ئەوەی لەگەڵ ئەم هەڵبژاردنە یاسایەکیان بەدەنگی خەڵکی ویلایەتەکە هەموارکردەوە، کە ئەوانەی پێشتر زیندانی بوون تاوانی گەورەیان نەکردووە بتوانن دەنگ بدەن کە خۆیان لە ملیۆنێک و 500 هەزار دەنگدەر دەبیننەوە.

شەشەم: ئەم هەڵبژاردنە گڕوتینێکی نوێیە بۆ دیموکراتەکان کە جگە لە بردنەوەیان نوێبوونەوەی خۆشیان راگەیاندووە. بەهۆی ئەم هەڵبژاردنەوە کۆمەڵێک ژن و گەنج و چالاکوانی مەدەنی بوونەتە ئەندامی کۆنگرێس و خوێنێکی تازەن بۆ حیزبەکەیان. هەروەها سەرکردەی نوێیان دەرکەوت بە تایبەتی بێتۆ کە لە تەکساس هەڵمەتێکی گەورەی بەڕێوەبرد.

حەوتەم: سەرەڕای سیاسەتی تووندی ترەمپ لە دژی کۆچبەران کە رەنگە لە هەندێک ویلایەت لەسەر دەنگەکانی کۆمارییەکان کاریگەر بووبێت، بەڵام دیموکراتەکان توانیان دوو موسوڵمانی بە رەچەڵەک فەلەستینی و سۆماڵی ببەنە ئەنجوومەنی نوێنەران.

هەشتەم: ئەنجامی ئەم هەڵبژاردنە و هاتنەوە مەیدانی بەهێزی دیموکراتەکان ئەو هیوایەی بەو حیزبە دا کە دەتوانن بە پلانێکی باش و بەربژێرێکی باش لە 2020 کۆتایی بە ترەمپ بێنن و نەهێڵن هەشت ساڵ سەرۆک بێت.

نۆیەم: لەم هەڵبژاردنە دەرکەوت کە میدیا لە ماوەی دوو ساڵی رابردوودا زۆر کاریگەربووە و هەرچەندە ترەمپ لەڕووی ئابوورییەوە کاری گەورەی کردووە، بەڵام لەبەرئەوەی زۆرینەی میدیای وڵاتەکەی لەگەڵ نەبوو، نەیتوانی بە باشی وەبەرهێنان لە کارەکانی بکات و بە دژایەتیکردنی میدیا هیچ سوودێکی بۆ نەبوو. 

دەیەم: هەرچەندە دیموکراتەکان زۆرینەی نوێنەرانیان بردەوە، بەڵام قورسە بتوانن ترەمپ لابدەن و خۆشیان نایانەوێت لەم قۆناخەدا ئەوە بکەن، چونکە بەهۆی کەمینەییان لە ئەنجوومەنی پیران بە ئاسانی بۆیان ناکرێت. بەڵام دوو ساڵی داهاتوو بە هیچ شێوەیەک وەک دوو ساڵی رابردوو نابێت و کۆمەڵێک کارتی گەورەیان هەیە وەک؛ لێپێچینەوە لە باج و لێکۆڵینەوە لە کەیسەکانی ترەمپ، بەمەش ناهێڵن سەرۆکی ئێستای ئەمریکا بە ئاسانی بەڵێنەکانی خۆی بباتە سەر.

کۆمێنتەکان

 
کۆمێنتێکی نوێ دابنێ
وەکو میوان کۆمێنت دادەنێی یان بە چوونە ژوورەوە؟
نیشانەکردن : ئەمریکا
5214 ژمارەی بینین

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

کاوە | 18/11/2018 02:17:58 ص
ئەو سمێل زلە جەمانە لەسەرە لەناو خوپیشاندانەکەدا دەرکەوت ناوی مام خدر بو لە کوردستان، نازانم چ ناویکی بوخی داناوە وەک دیارە ناوە نویەکەی کردووە بە ی...
حەوت هەزار کورد لە بەریتانیا گرفتی نوێکردنەوەی پاسپۆرتیان هەیە
| دوێنێ کاژێر 10:24 | (1)
Azad Azad | 17/11/2018 06:02:02 م
ترامپ ڕاست ناكات ترامپ كابراێكی زۆر مه‌كار ه‌ چاوه‌ڕێی ئابلۆقه‌ی ئێران ده‌كات به‌ته‌واو بونی ئێران ئۆردوغان له‌ حوكم نامێنێت.
ترەمپ ستایشی ئەردۆغان دەکات: پیاوێکی بەهێز و عاقڵە
| 17/11/2018 | (1)
ئالان عزیز | 17/11/2018 06:18:13 ص
دەست خۆشی لەو کەسانە ئەکەم کەئەو بیرۆکە جوانەیان بەمێشکدا هاتوە وە ئەوانەشی کە کاری تێدا دەکەن، ژنانی کورد ئیتر دەبێ پارێزگاری لەخۆیان بکەن لە جیاتی...
ئەمریكییەك كچانی كورد فێری بەرگری لەخۆكردن دەكات
| 17/11/2018 | (1)
Azad Azad | 16/11/2018 07:36:07 م
با شیعه‌ پاداشتی ئه‌مه‌ریكا بداته‌وه‌..!!! ئه‌مه‌ریكا باباش تێبگات له‌ شیعه‌ و عه‌رب نه‌ختێك قه‌دری گه‌لی كورد بزانێت.
لە بەغدا خۆپیشاندەران ئاڵای ئەمریکا و ئیسرائیلیان سووتاند
| 16/11/2018 | (1)

لە بەشەکانی دیکەی رووداوەوە

پیاوێك لەبەر خۆشەویستەکەی بە فیلەر چووکی گەورە دەکات 21 کاژێر لەمەو بەر |

پیاوێك لەبەر خۆشەویستەکەی بە فیلەر چووکی گەورە دەکات

بیرۆکەکەی 100% سەرکەوتوو بووە زۆرتر
هەفتەی هۆشیارییە لەبارەی دەرمانە دژەزیندەکان دوێنێ کاژێر 10:23 |

هەفتەی هۆشیارییە لەبارەی دەرمانە دژەزیندەکان

بۆ دوورکەوتنەوەیە لە خراپبەکارهێنانی دەرمانەکان زۆرتر
شیردانی سرووشتی مەترسی جەڵتەی مێشک کەمدەکاتەوە 17/11/2018 |

شیردانی سرووشتی مەترسی جەڵتەی مێشک کەمدەکاتەوە

ئەگەری تووشبوونیان بەجەڵتەی مێشک بەرێژەی %23 زۆرتر
0.204 seconds