وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

بیروڕا

ژیان لەگەڵ دز

لەلایەن ژیلەمۆ عەبدولقادر 10/11/2017
ژیلەمۆ عەبدولقادر
ژیلەمۆ عەبدولقادر

رووداو- هەولێر

هەموو هەوڵی ژنەكە بۆ ئەوەبوو بزانێ‌ مێردەكەی چ كارێك دەكات، بەڵام بۆی ئاشكرا نەبوو، تاوەكو رۆژێك پەیوەندییان پێوەكرد كە مێردەكەی دەستگیركراوە، ئیدی بۆی دەركەوت ئەو پارەیەی هاوژینەكەی پەیدای دەكرد، پارەیەكی حەڵاڵ نەبووە، بۆیە بڕیار دەدات لێی جیاببێتەوە. 


ئەو ژنە سەردانی ئێمەی كرد بۆ ئەوەی دەرچەیەكی یاسایی بۆ بدۆزینەوە كە چۆن لە هاوژینەكەی جیاببێتەوە، چونكە دەیگوت ئەو تاوانەی مێردەكەی لەسەری گیراوە، لێخۆشبوونی نییە و هەر دەیەوێ‌ لێی جیاببێتەوە. سەرەتا پێویست بوو گوێ‌ لە بەسەرهاتەكەی بگرین بۆ ئەوەی رێگەچارەی یاسایی بۆ بدۆزینەوە. 

ئەو گوتی "مێردەكەم زۆربەی كات لە ماڵەوە بوو، بە رۆژ هیچ كار و كاسبییەكی نەدەكرد، كەچی بەردەوام گیرفانی پڕ لە پارە بوو. زۆربەی شەوان لە دەرەوە بوو، كاتێك پرسیارم لێدەكرد، ئەو پارەیەت لە كوێ‌ بووە، دەیگوت كاڵا دەكڕم و دەفرۆشمەوە. زۆربەی شەوان تەلەفۆنی بۆ دەكرا، ئینجا دەچووە دەرەوە. چەندینجار پێمدەگوت من بە تەنیا دەترسێم، دەیگوت بۆچی دەترسی؟ دەرگا لەسەر خۆت دابخە، منیش كە ئەو دەڕۆیشت و كلیلی لەگەڵ خۆی دەبرد، ناچار دەرگام لەسەر خۆم دادەخست. كاتێك دەگەڕایەوە من نووستبووم". 

ئەو هەڵسوكەوتەی پیاوەكە، ژنەكە تەواو بێزار دەكات، بۆیە لای كەسوكارەكەی سكاڵا دەكات، بەڵام باوكی پێیدەڵێ ئارام بگرە، تازە ئێوە خاوەن منداڵێكن و ناتوانی وا بە ئاسانی جیاببیتەوە، چاوەڕێ‌ بكە بەڵكو هەڵسوكەوتی بەرامبەرت بگۆڕێ‌. ژنەكە هەمان سكاڵای لەدەست مێردەكەی لەلای خەزووریشی كردبوو، بەڵام ئەویش تەنیا ئەوەندەی پێگوتبوو كە كوڕەكەی گەورە و تەواوە و چی لێ بكات. 

ئەو ژنە ماوەیەكی زۆر ژیانی لەگەڵ ئەو پیاوەدا بەو شێوەیە بەسەربرد، تاوەكو بەیانییەك هەڵسا و بینی مێردەكەی نەگەڕاوەتەوە، دواتر كەسێك تەلەفۆنی بۆ دەكات و پێیدەڵێت "مێردەكەت بەهۆی دزیكردنەوە لەلایەن پۆلیسەوە دەستگیركراوە". ئیدی ژنەكە بۆی دەردەكەوێ‌ كە هاوژینەكەی بە درێژایی ئەو ماوەیە شەوان بۆ دزیكردن چووەتە دەرەوە، هەر بۆیە بڕیار دەدات لێی جیاببێتەوە.  
 
بە ژنەكە راگەیەنرا كە دەتوانێ‌ لە دادگای باری كەسی سكاڵا لەسەر هاوژینەكەی تۆمار بكات و داوای جیابوونەوەی لێ‌ بكات، بەڵام ژنەكە باری دارایی باش نەبوو، بۆیە ناونیشانی رێكخراوێكی پێدرا بۆ ئەوەی پارێزەرێكی خۆبەخشی بۆ دابین بكەن و لە دادگا بەرگریی لێ‌ بكات. 

ئایا یاسا لەسەر ئەو كارەی پیاوەكە، رێگە بە جیابوونەوەی ئافرەتەكە دەدات، لە كاتێكدا تەڵاق و جیابوونەوە بە دەست پیاوە؟ بەڵێ‌ لە زۆر حاڵەتدا ئافرەت دەتوانێ‌ داوای جیابوونەوە بكات، یەكێك لەو حاڵەتانەش ئەوەیە كە ئەگەر پیاوەكە تاوانێكی كرد و بۆ ماوەیەك كەوتە زیندانەوە. 

 لە ماددە 43ی یاسای باری كەسیدا هاتووە: "ژن بۆی هەیە داوای جیابوونەوە لە هاوژینەكەی بكات، ئەگەر هاوژینەكەی بەهۆی تاوانێكەوە سزا درا و ئازادیی سنووردار كرا بۆ ماوەی سێ‌ ساڵ یان زیاتر، بە مەرجێك ساڵێك بەسەر جێبەجێكردنی حوكمەكەی تێپەڕیبێت، تەنانەت ئەگەر پیاوەكە باری دارایی باش بێ‌ و خەرجیی خێزانەكەشی بكێشێ‌". 
 

نیشانەکردن : کۆمەڵایەتی
2121 ژمارەی بینین

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

Rawand | 12/12/2018 10:16:46 م
پشکنین بۆئەوانە دەکرێت کەوازیان هێناوە یان ئەوانەی دەیانەوێ واز بێنن
فەرەیدون | 16/12/2018 09:41:00 ص
تکایە بۆ ناوی من نەهاتۆتەوە ناویشم تۆمار کردوە وازم لە جگەرە هێناوە
پشکنینی بەشداربووانی ئەنتیتۆباکۆ دەستپێدەکات
| 12/12/2018 | (3)
Azad Azad | 15/12/2018 03:52:47 م
كێشه‌ی شه‌نگال كێشه‌ی خه‌ڵكه‌كه‌ی خۆیانه‌ هه‌ندێكی په‌كه‌كه‌ی هێناوه‌ بۆ شه‌نگال هه‌ندێكی تریشیان بونه‌ته‌ حه‌ژدی شه‌عبی ماڵ و منداڵه‌كانیشیان له‌...
ئەردۆغان: چووینە شنگال و بەردەوامیش دەبین
| 15/12/2018 | (1)
دلشاد رمضات جمعه | 15/12/2018 10:03:58 ص
من هيج جكاری ناكيشم
پشکنین بۆ بەشداربووانی ئەنتیتۆباکۆ لەدهۆک ئەنجامدەدرێت
| 15/12/2018 | (1)

لە بەشەکانی دیکەی رووداوەوە

لە چیلی سوورێژە بڵاودەبێتەوە 6 کاژێر لەمەو بەر |

لە چیلی سوورێژە بڵاودەبێتەوە

داوادەکرێت خەڵکی کوتان دژی نەخۆشییەکە ئەنجامبدەن زۆرتر
کەمخەوی ئارەزووی خواردنی خۆراکە خێراکان زیاددەکات 9 کاژێر لەمەو بەر |

کەمخەوی ئارەزووی خواردنی خۆراکە خێراکان زیاددەکات

کەسێک خەوی رێک نەبێت بەدرێژایی رۆژ خۆراکە زۆرتر
پسپۆرانی شێرپەنجە لە ئەمریکا داوادەکەن پشکنینی پێشوەختەی شێرپەنجە ئەنجامبدرێت 10 کاژێر لەمەو بەر |

پسپۆرانی شێرپەنجە لە ئەمریکا داوادەکەن پشکنینی پێشوەختەی شێرپەنجە ئەنجامبدرێت

بەتایبەت شێرپەنجەی مەمک، ملی منداڵدان، سییەکان و زۆرتر
0.422 seconds