وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

بیروڕا

پارتی دەبێ خۆی لەو داوە رزگار بكات

لەلایەن رێبوار کەریم وەلی 11/2/2019
رێبوار کەریم وەلی
رێبوار کەریم وەلی

(1)
ئێستاش درەنگ نییە بۆ پارتی ئەگەر بیەوێ خۆی لەو داوەی تێیكەوتووە رزگار بكات. رێككەوتنی هەفتەی رابردووی پارتی و یەكێتی لەسەر وادەی كۆبوونەوەكانی پەرلەمان و ئەنجوومەنی پارێزگای كەركووك لە 18ی شوبات، هەر لەسەرەتاوە ناعەمەلی هاتە پێش چاو، چونكە یەكێتی دەیەوێ هەر هەمان كۆبوونەوە پارێزگارێكی (ئۆكتۆبەرچی) بۆ كەركووك دابنرێت و لەبەرامبەریشدا پارتی هیچ پشكێكی لە ئیدارەدانی كەركووك بەرنەكەوێت! پارتی ئەوە قەبوڵ ناكات.

هەڵەی كوشندەی پارتی ئەو ئاڵوگۆڕە ناوخۆییە بوو كە كردی، لێرە بەدواوە ئەگەر پارتی نەتوانێ لەگەڵ لایەنەكانی وەكو گۆڕان و كۆمەڵی ئیسلامی لەسەر كاراكردنەوەی سەرۆكایەتیی هەرێمی كوردستان و پێكهێنانی حكومەتی هەرێم رێكبكەوێت و، بەبێ یەكێتی بچێتە پەرلەمان، ئەوا ناچارە بچێتە ژێر باری بەشی هەرە زۆری داواكاریی باڵە جیاجیاكانی ناو یەكێتی.

لە رۆژانی رابردوودا هەموو ئەوانەی پارتی لە رابردوودا بە خیانەتكار ناوی دەبردن، لەسەر یەك مێز لەگەڵ پارتی دانیشتن و مەرجەكانی خۆشیان بە ئاسانی فەرز كرد. ئەو مەرجانە كۆتاییان نایەت، چونكە پێیانوایە پارتی كەوتووەتە هەڵوێستێكەوە كە ئیتر بۆ پاراستنی سومعەی ئەزموونی كوردستان هەموو سازشێك دەكات، كە لەڕاستیدا نەدەبوو حیزبی یەكەمی كوردستان و تەنانەت وڵاتی بەناو عێراقیش خۆی بەدەستی خۆی وا لە خۆی بكات.

ئەوەی باڵی خیانەتكاری ناو یەكێتی لە پێش شانزدەی ئۆكتۆبەریشەوە پلان و پیلانیان بۆ دانابوو، ئەمڕۆ لە سۆنگەی ئەو بارودۆخەی پارتی دروستی كردووە، هەمووی دەبێ بە هاوكاریی پارتی شەرعییەتی پێ بدرێت و خیانەتكارەكان ببنەوە شەریك و برابەشی خەبات!

ئەگەر یەكێتی بەو شێوەیە بەردەوام بێت، بۆ پارتی دەبێ گەڕانەوە لە بڕیاری 3ی كانوونی یەكەمی پارساڵ كارێكی ئاسان بێت. جارێكی دیكە نێچیرڤان بارزانی بۆ پۆستی سەرۆكی حكومەت كاندید بكاتەوە و دۆسیەی سەرۆكایەتی هەرێمیش بۆ كاتێكی گونجاو هەڵگرێت. ئەوكاتە ئیتر نەك پارتی مەجبوور نییە لەوە زیاتر ناز و فیزی یەكێتی هەڵگرێ، بگرە ناچێتە ژێر باری هیچ داوایەكی ناڕەوای خیانەتكارانیشەوە. حكومەت پێكدێت و دوو ئیدارەییش دروست نابێت. یەكێتییەك نەتوانێ خۆی بەڕێوەبەرێ، چۆن ئیدارەیەكی پێ بەڕێوەدەچێت!؟

رێككەوتن لەگەڵ بەشێكی یەكێتی
(2)
ئەگەر پارتی هەر سووربێت لەسەرئەوەی لەگەڵ تێكڕای یەكێتی رێكبكەوێ و پێداگر بێت لەسەر ئەوەی پۆستی سەرۆكی هەرێم و سەرۆكی حكومەت وەكو یەك پاكێجی رێككەوتن موناقەشە بكات، یەكێتیش بە هەموو باڵەكانیانەوە هەموو مەتڵەبەكانی خۆیان دەكەنە یەك پاكێج. لە حاڵەتێكی وەهادا پارتی هیچ رێگەیەكی لەبەردەمدا نییە جگە لەوەی لەگەڵ بەشێكی یەكێتی رێكبكەوێت نەك هەمووی. ئەوەش نەك وەكو رێككەوتنی حزبی، بگرە لەسەر بنەمای قورسایی ئەو باڵانە لەناو پەرلەماندا. پارتی بەنیازە رۆژی 18ی شوبات، هەر چۆنێك بێت پەرلەمان كۆبكاتەوە و دەستەی سەرۆكایەتیی پەرلەمان دیاری بكات. ئەگەر تا ئەوكاتە نەگاتە رێككەوتن لەگەڵ یەكێتی یان بەشێكی یەكێتی، ئەوا پۆستی سەرۆكی پەرلەمان بە وەكالەت دادەنێت.

هەنگاوی دوای ئەوە پەیوەستە بەوەی چەند حزبەكانی دیكە بەدەم كاراكردنەوەی یاسای سەرۆكایەتی هەرێم و پێكهێنانی كابینەوە دێن؟ لەوەشیاندا پارتی پێی باشترە پشكی زیاتر بداتە ئەو حزبانەی كە لە پەرلەمان و لە پڕۆسەكەدا لەگەڵی دەبن، تا ئیمتیازاتی نابەجێ بە باڵەكانی ناو یەكێتی. پارتی و گۆڕان لە پەرلەماندا، بە یەك دانیشتن یاسای سەرۆكایەتی هەرێمیان سڕ كرد و بە یەك دانیشتنیش دەسەڵاتەكانیان دابەش كرد، ئێستاش دەتوانن بە هەمان میكانیزم و بە یەك دانیشتن یاساكە كارا بكەنەوە و بە یەك دانیشتنیش سەرۆكی هەرێم دیاری بكەن و دواتریش سەرۆكی حكومەت، وەك عادل عەبدولمەهدی بە نیوە زیاتری كابینەكەی بێتە بەردەم پەرلەمان.

لە غیابی تێكڕای یەكێتی لە پڕۆسەی سیاسیدا، گۆڕان و كۆمەڵی ئیسلامی رۆڵی یەكلاكەرەوە دەبینن و یەكێتیش هێدی هێدی لە ئاستی داواكارییەكانی دادەبەزێت، چونكە جگە لە بەشداریكردن هیچ رێگەیەكی دیكەی لەبەردەمدا نامێنێ. ئەوە تەنها رێگەیەكە كە ئەگەر پارتی پێیوابێت دەبێ بە هەر نرخێك بێت سەرۆكایەتیی هەرێم كارا بكرێتەوە و حكومەتیش بە خێرایی پێكبێت.

مشكخۆرەكان 
(3)
دەڵێن كاتێك لە یەكێك لە شارەكانی ئەمریكا رێژەی زاوزێی مشكەكان هێندە زیادی كرد كە بە هیچ شێوەیەك كۆنترۆڵ نەدەكران و شارەكەیان هەراسان كردبوو، زاناكان جۆرێك مشكیان پەروەردە كرد كە مشكەكانی دیكە بخوات. ئینجا ئەو مشكە گەورانەیان بەردایە گیانی مشكە بچووكەكان و، ئەوانیش لە ماوەیەكی كەمدا هەموو مشكەكانی دیكەیان خوارد و قەڵاچۆیان كردن. دواییش مشكە گەورەكانیان لەناو برد و بەو شێوەیە كێشەكە چارە كرا.

لەم رۆژانە لە سلێمانی گوایە دەستەیەك دروست كراوە بۆ بەرەنگاربوونەوە و قەڵاچۆكردنی مافیاكان! جارێ كە سەیری ناوەكانیان دەكەی كەسەكان هەمووی خەڵكی حزبی و ئەوانەن كە خەڵكی شار لەدەستیان زیڕەیان كردووە و ئەگەر لە خەڵی سلێمانی بپرسن كێ دەبێ لەم شارە بڕوات تا ئارامی بەخۆیەوە ببینێ، یەك دوو ناوی دیكەش بۆ لیژنەكە زیاد دەكەن و دەڵێن ئەوانە.

خودی دروستكردنی لیژنەی لەو شێوەیە تەجاوەزی كاری حكومەت و دامودەزگاكانی ئاسایش و پۆلیسی كوردستانە، تەنانەت سووكایەتیشە بە دەسەڵاتی پارێزگار كە سەرۆكی لیژنەی ئەمنیی شارەكەیە. ئینجا سووكایەتییە بە دەسەڵاتی قانوون و حكومەتیش.

خوردەمافیا، دز و چەقۆكێشی لابەلا ئەوە ناهێنن لیژنەی بۆ دروست بكەن، بەڵام پێدەچێ ئەو لیژنەیە بۆ راوی یەكێكی قەڵەو دروست كرابێت كە بەودواییە تەنگی بەوانیش هەڵچنیوە!


کۆمێنتەکان

 
Rebwar | 11/2/2019
Dastxosh
کۆمێنتێکی نوێ دابنێ
وەکو میوان کۆمێنت دادەنێی یان بە چوونە ژوورەوە؟
نیشانەکردن : رێبوار كەریم وەلی
11462 ژمارەی بینین

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

Srur barzani | 11/02/2019 03:00:29 م
زۆر سوپاسی ئەم مامۆستایە و برایە دەکەم بە راسی ئەوە کارێکە کە بۆ کەسێک و دوو کەس نیە بۆ میلەتێکە ئەو کارە ئینشاللە بە هیوای سەرکەوتن و کاری باشتر و...
کەریم | 14/02/2019 09:43:37 ص
زۆر سپاس بۆ کاک بۆکانی بەڕێز بۆ ئەم کارە گەورەیە دەست خۆش و سەرکەوتوبیت.
گەنجێک هەوڵدەدات شێوەزاری سۆرانی بۆ گوگڵ زیادبکات
| 11/2/2019 | (2)
hershhaji | 11/02/2019 02:53:55 م
باشە لێرەدا پرسیار ئەوە یە ئەی چۆن بڕوانامەی پۆلی ۱۱ و۱۲یان داوەتێ ؟؟؟؟
omer salem | 13/02/2019 08:33:21 م
slaw
قوتابییەك لە زانكۆوە دەگەڕێندرێتەوە ئامادەیی
| 11/2/2019 | (2)
Rebwar | 11/02/2019 01:53:12 م
Dastxosh
پارتی دەبێ خۆی لەو داوە رزگار بكات
| 11/2/2019 | (1)
Adnan sherwani | 11/02/2019 12:16:27 م
كاك قوباد باسی لیڤەرپول دەكات لە بەر ئەوەی زۆر دەناڵێنن لە دەستی گەورەكەی ئینگلتڕا ولە 24 مانگ دوبارە لێتان دەبەینەوە لە ناو ئۆلتڕافۆرد
قوباد تاڵه‌بانی: سندان له‌ لیڤه‌رپوول
| 10/2/2019 | (1)

لە بەشەکانی دیکەی رووداوەوە

 ئەمڕۆ نەخۆشخانەی گشتیی بلێ یادی سێیەمین ساڵیادی دامەزراندنی دەکاتەوە 5 کاژێر لەمەو بەر |

ئەمڕۆ نەخۆشخانەی گشتیی بلێ یادی سێیەمین ساڵیادی دامەزراندنی دەکاتەوە

نەخۆشخانەکەیان چەندین پێشکەوتنی بەرچاوی بەخۆیەوە زۆرتر
جەواد زەریف بۆ رووداو: پەیوەندییەکی ئابووری باشتر لەگەڵ کوردستان بنیاددەنێین دوێنێ کاژێر 01:48 |

جەواد زەریف بۆ رووداو: پەیوەندییەکی ئابووری باشتر لەگەڵ کوردستان بنیاددەنێین

"کۆبوونەوەیەکی زۆر باشمان لەگەڵ راوێژکاری زۆرتر
خەوی باش، سیستەمی بەرگری جەستە بەهێزدەکات 14/2/2019 |

خەوی باش، سیستەمی بەرگری جەستە بەهێزدەکات

سیستەمی بەرگری وەڵامدانەوەی باشترە زۆرتر
0.172 seconds