وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

بیروڕا

كوردستان دەبێتە ئیسرائیلی دووەم؟

لەلایەن عارف قوربانی 11/7/2018
عارف قوربانی
عارف قوربانی
بەكاربردنی دەستەواژەی (ئیسرائیلی دووەم) بۆ ناساندنی كوردستان، لە سەروبەندی بڕیاردان لە گشتپرسی و ئەنجامدانی ریفراندۆم بۆ سەربەخۆیی كوردستان، لەو كاتەوە لە چەند ناوەندێكی بەشێك لە وڵاتە هەرێمییەكانی دژ بە كورد، بەكاردەبرێت. مەبەستیشیان لەمە ورووژاندنی رای گشتی و ناوەندەكانی بڕیاری وڵاتەكانیان و هەروەها راكێشانی سۆز و پشتیوانیی جیهانی ئیسلامییە بۆ زیاتر دژایەتیكردنی كورد و كێشە رەواكەی.

ئیسرائیل لە گۆشەنیگای جیهانی عەرەبی و ئیسلامییەوە، دوژمنی دین و دونیایە. بۆیە دەیانەوێ‌ بەو جۆرەش وێنای كوردستان بكەن تا بەرەی سەنگەرگرتوو لە ئیسرائیل لە هەڕەشەیەكی تر بە ئاگا بێننەوە، گوایە ئیسرائیلێكی تر خەریكە رەگ دادەكوتێ‌. بێگومان ئەم ئاماژەیە بۆ ئەوەیە هەموو ئەو هێزانەی دژی كیانی جوون لە ناوچەكەدا، بهێننە سەنگەری دژ بە كوردیشەوە. بۆیە ئەمە لە ساكارترین لێكدانەوەدا ئاماژە و دەرخەری ئەو حەقیقەتەیە كە پلان و بەرنامەیەكی مەترسیدار دژ بە كوردستان لەئارادایە و پێویستە كورد بەدوای رێگەچارەی خۆپارێزیدا بگەڕێت، تا بمێنێتەوە.

وڵاتە داگیركەرەكانی كوردستان لە رابردوودا زۆر جار پەنجەی تۆمەتیان درێژ كردووە بۆ رابەران و سەركردەی راپەڕین و شۆڕشەكانی كورد، گوایە هاوپەیمانی ئیسرائیلن، یان بە فیتی ئیسرائیل دەیانەوێ‌ سەقامگیریی ئەم وڵاتانە تێكبدەن. ئەوكات تەنها سەركردە كوردەكان، یا لە خراپترین حاڵەتدا حیزبێكی سیاسی یان بزووتنەوەیەكیان بەو جۆرە لەقەڵەمداوە، بەڵام ئێستا وێناكە بەجۆرێكی تر دەكەن، هەموو كورد بە جوو دەشوبهێنن و كوردستانیش بە ئیسرائیل. ئەمەش نیشانەی ئەوەیە لە ستراتیجیەتی خۆیاندا كوردیان وەك دوژمن و مەترسی وێنا كردووە. بێگومان لە حاڵێكی لەو جۆرەشدا پلانی دوورخستنەوەی ئەو مەترسیەشیان دەبێت.

لە هەموو ئەو قۆناغانەی كوردیان بە هاوپەیمان یان نزیك لە ئیسرائیل وێناكردووە، كورد پاكانەی ئەوەی بۆ كردوون كە بە ئەندازەی ئەوان لە ئیسرائیل دوورن و هیچ كات كاری بەو هاوكێشەیە نەكردووە كە (دوژمنی دوژمنم دۆستمە)، بە پێچەوانەوە زۆرجار بۆ رەواندنەوەی گومانی نەیارەكانی، بە پاساوی هاوسۆزی بۆ فەڵەستین، دژایەتی ئیسرائیلیشیان كردووە. بەڵام پاكانەی سەركردە و رابەرانی شۆڕشەكانی كورد نەیخواردووە و ئەوەی ئیسرائیل بە عەرەب و موسڵمانەكانی فەلەستینی كردووە، ئەمان زۆر لەوە زیاتریان بە كورد كردووە.

هیچكات لە خۆمان نەپرسی ئایا ئەگەر هەر بەڕاست دۆستی ئیسرائیل بووینایە چی دەبوو؟ لەوە خراپتریان بەسەر دەهێناین كە تا ئێستا كردوویانە؟ یا لە بنەڕەتدا ئەگەر دۆستی ئیسرائیل بووینایە بەو جۆرە دەبووین بە پاروویەكی ئاسان بۆ نەتەوە سەردەستەكانی ناوچەكە؟ كێشەی كورد ئەوەیە كە ئێمەش لە تێڕوانینی عەرەب و ئیسلامەوە دەوڵەتی ئیسرائیلمان هەڵسەنگاندووە. مەحكومین بەوەی لەگەڵ داگیركەرانی خاكی كوردستان هەڵبكەین، بەڵام بۆمان نەبووە لەگەڵ وەك خۆیان دەڵێن (داگیركەری خاكی عەرەب) مامەڵە بكەین. 

ئێستا بێ‌ ئەوەی كورد بەشێك بێت لە ستراتیجیەتی ئیسرائیل، بەو جۆرە وێنا دەكرێت و گەلەكۆمەكێی لێ‌ دەكەن. بەڵام ئەگەر لە حەقیقەتدا كورد هاوپەیمانی ئیسرائیل بووایە، یا بەشێك بووایە لە ستراتیجیەتی ئەو وڵاتە، بە دڵنیاییەوە هیچكام لەم وڵاتانەی ناوچەكە ئازایەتی ئەوەیان نەدەبوو بەو ئەندازەیە بیچەوسێننەوە، وەك چۆن ناتوانن بەرانبەر بە خودی ئیسرائیل هیچ بكەن.

ئەی كەواتە كورد بۆ نابێتە دۆستی ئیسرائیل؟ یاخود چۆن دەتوانێ‌ ببێ‌ بە ئیسرائیلی دووەم، وەك ئەوەی ئەوان وێنامان دەكەن؟

جیاواز لەو پێناسەیەی وڵاتە هەرێمییەكان بۆ كوردستان، كورد دەرفەتی ئەوەی هەیە بە كردار و بەدیوەكەی تریدا ببێتە ئیسرائیلی دووەم بۆ ئەمریكا. ئەوەی یارمەتیدەری سەرەكی لەسەرپێ راوەستان و مانەوەی ئیسرائیلە بە بەهێزی، كۆمەك و یارمەتییە جۆراوجۆرەكانی ئەمریكایە. لە كاتێكدا ئەگەر سوود و زیانەكانی ئەمریكا لە دۆستایەتی و پشتیوانیكردنی ئیسرائیل هەڵبسەنگێنین، ئەمریكا زیانی زیاتری بەركەوتووە وەك لە قازانج لەو هاوپەیمانێتییە. سەرچاوەی نەیاری و ناكۆكییەكانی جیهانی ئیسلامی و عەرەبی بۆ ئەمریكا، بەهۆی ئیسرائیل و چەوساندنەوەی عەرەبەكانی فەلەستینەوەیە. 

ئەگەر ئەمریكا كۆمەكی بە كورد بكردایە، لە خراپترین حاڵەتدا تەنها چوار دەوڵەتی سەردەستەی ناوچەكە دوژمنایەتی ئەمریكایان دەكرد كە ئێستاش هەر نەیاری بەرژەوەندییەكانی ئەمریكان لە ناوچەكەدا. بەڵام كورد دەیتوانی زۆر لەوە زیاتر بۆ ئەمریكا بكات كە ئیسرائیل بۆی كردووە. بۆ داهاتووش كورد دەتوانێ‌ یارمەتیدەری گەورەتری ئەمریكا بێت لە دەستەبەركردن و پاراستنی بەرژەوەندییەكانی وەك لەوەی چاوی لەوە بێت ئیسرائیل بەرژەوەندییەكانی بپارێزێت. 

لەو كاتەوەی دەوڵەتی ئیسرائیل دامەزراوە و ئەمریكا پاراستنی كیانەكەی وەك بەشێك لە ستراتیژی خۆی ناساندووە، دەیان وڵاتی ناوچەكە و جیهان بوونەتە نەیاری ئەمریكا، دەیان رێكخراوی ئیسلامیی جیهادی دروست بوون و ئامانجیان لێدان بووە لە بەرژەوەندییەكانی و زیانی زۆریان پێ‌ گەیاندووە. لە بەرانبەردا ئەمریكا بۆ پاراستنی بەرژەوەندییەكانی ناچار بووە خۆی هێز بێنێتە ناوچەكە. بەڵام هیچكام لەو جارانەی شەڕی كەنداو و ئەفغانستان و شەڕی تیرۆر، ئیسرائیل بەپاساو و بیانووی ئەوەی كێشەكان ئاڵۆزتر نەبن، نەیتوانیوە هاوكاریی راستەوخۆی ئەمریكا بكات. 

بەڵام لە جەنگی ئازادكردنی عێراقدا كە توركیا دەروازەكانی بە رووی ئەمریكادا داخست، كوردستان هاوكاری سەرەكیی ئەمریكا بوو. ئەگەر خاكی كوردستان نەخرایەتە خزمەتی ئەمریكاوە، شەڕەكە بۆ ئەمریكا سەختتر دەبوو. هەروەها لە شەڕی سێ‌ ساڵەی دژ بە داعش و بۆ داهاتووش، لە ئەگەری زیاتر قوڵبوونەوەی كێشەی ئەمریكا لەگەڵ ئێران، سووریا، توركیا و عێراق، كورد دەتوانێ‌ هاوكێشەكان بە قازانجی ئەمریكا بگۆڕێت. هاوكێشەكانی ناوچەكە و جیهان بەرەو ئەوە دەڕۆن زەمینەی ئەوە بۆ كورد و ئەمریكا خۆش بكەن بیر لە ستراتیجێكی لەو جۆرە بكەنەوە. بەتایبەت بەهۆی گەورەبوونی رێكخراوە تیرۆریستییەكان و بە ئاسانی دەستڕاگەیشتنیان بەناو ماڵی ئەمریكا، لە داهاتوودا لە ناوەندەكانی ئەمریكا ئەو مشتومڕانە زیاتر پەرەدەستێنن كە ئەمریكا بەهۆی ئیسرائیلەوە تووشی ئەم كێشانە بووە و ئیسرائیلیش ناتوانێ‌ هیچ بۆ ئەمریكا بكات، ئەمەش لە ناوەندە ستراتیجیی و گرنگەكانی ئەو وڵاتەدا دەرفەتی تێگەیشتنێكی جیاواز لە ئێستا بۆ كورد خۆش دەكات كە بە كردار كوردستان ببێتە ئیسرائیلی دووەم. كورد دوژمن و نەیاری زیاتر بۆ ئەمریكا دروست ناكات و لە هەمانكاتدا كوردستان دەتوانێ‌ شەڕ بۆ ئەمریكاش بكات. ئەگەر مێژووی لۆبیكردنی ئیسرائیل و كۆمەككردنەكانی ئەمریكا بەو وڵاتە بخوێنیتەوە، هەست دەكەیت كوردستان دەتوانێ‌ بكەوێتە سەر هەمان رێگا، كە تەنیا رێگاشە كوردستان بە پارێزراوی بهێڵێتەوە.

کۆمێنتەکان

 
Khoshi Tahir | 11/7/2018
کردنەوەی گەورەترین کۆنسولگەری لە هەولێر پێدەچی نیشانەک بی کە ئەمەریکاش درکی بەو راستیە کردبی و بیر لە ستراتیجەکی لەو جۆرە بکاتەوە لەگەر کوردستان
ره شید | 11/7/2018
بریا ئه م نووسینه شتان بو وایت هاوس و به ریز ترامپ وه زیری به رگری و ده ره وه ی ئه مریکا ، کونگریس و سیناتی ئه مریکا و هه مو بالویزخانه کانی ئه مریکا له جیهان ناردبایه
Rizgar Khoshnaw
Rizgar Khoshnaw | 11/7/2018
ئه م ئارتیکله جێگای سه رنجه ، به ڵام ئه مریکا شه وو ڕۆژ هه‌ وڵی یه کیه تی خاکی عیراق ئه دات ، له مه لیک مه لیکتره ، ئه مریکا ته نها کورد به خزمه تکارێکی هه‌ رزان ئه زانێت ،بۆ دروستی وشه کانم ته ما شای ژماره ی یا رمه تی بلیۆن دۆلا ری ئه مریکا بکه بۆ ئوردن وه میسر وه ئیسرا ئیل . ساڵی ۲۰۰۳ سه رانی کورد گه ره ترین غه ڵه تی ستراتیجیان کرد ، وه کورد هه‌ رزان فرۆشرا ...کورد زۆر له چیڕۆکی ماري شيلي به ناوی فرانک ئه نیشتاین ساڵی ۱۸۱۸ ناوبانگی ده رکرد ....ڤیکتۆر دڕنده یه ک دروست ئه کات ...ئنجا دڕنده که له ده ست ده ستی ڤیکتۆر ده ر ئه چێت ...ماڵی ڤیکتۆر وێران ئه کات ، ژنه که ی ئه کوژێت ، شا ره که ی ئه سووتێنێ ...باوکی ڤیکتۆر ئه خنکێنی.....کوردیش فرانک ئه نیشتاینی به ده ستی خۆی دروست کرده وه له نه زانین . ڕه حمه ت له گۆڕی محمد علی جناح ، که غا ندی داوای لێکرد ببێت به سه رۆکی هند ۱۹۴۷....محمد گووتی من داوای ئازادی پاکستان ئه که م ، چیم له هیند ...ئێمه ۳۰۰ساڵه عه بدی انگلیزین ، نا ما نه ێ ۳۰۰ ساڵیش له ژێر چه پۆ کی هیند بین .....پاکستان ئا زاد بوو وه هیند قبوڵی کرد ۱۹۴۷.
یاسین حمە غریب | 12/7/2018
دەست خۆش کاک عارف بابەتێکی سەرنج ڕاکێشت ھەژاند، من تەنھا یەک شت تێناگەم ئەویش ئەوەیە کە بۆ کورد لۆبی ناکات لە جیھاندا؟ کاری نوێنەرانی حوکومەتی کوردستان چیە لە ڕوسیاو ئەمەریکا ؟، بۆ ئەبێت ڕوسیا گوێ لە (ئەسەد)ێکی شەق و شڕ بگرێت ، بەڵام لە کوردستانێکی دەوڵەمەندو خاوەن نەوت نەگرێ؟ ئەوە کاری نوێنەرامی حوکومەتی کوردستانە، من نازانم ئەوان چی دەکەنلە مۆسکۆو واشنتۆن؟ ئەگەر من ئەو نوێنەرانە بومایە ، زۆر شتی زیاترم دەکرد بۆ کوردستان وە زۆر لە ئیسرائیلیش زیاتر، چونکە کوردستان دەوڵەمەندەو بە سامانەکەی دەتوانێت لوبی دروست بکات. زۆربەی کات سامانی کوردستان لەلایەن حوکومەتی عێراقەوە کراوە بە ئاگرو ئاسن داویانە بەسەری کوردا، ئەگەر کورد بزانێت سیاسەت بکات پێویستە ڕێژەیەکی ئەو سامانە بۆ لوبی ووڵاتە زلھێزەکانی وەک ڕوسیاو ئەمریکاو ئیسرائیل و ئەوروپا بەکار بھێنێت. ئەگەر ئەو ڕێژە سامانە باش بەکارھات با لوبی، ئەو کاتە سامانی کوردستان دەبێتە خێروبەرەکەت نەک ئاگرو ئاسن
کۆمێنتێکی نوێ دابنێ
وەکو میوان کۆمێنت دادەنێی یان بە چوونە ژوورەوە؟
نیشانەکردن : عارف قوربانی
6638 ژمارەی بینین

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

sarkawt saeed | 17/07/2018 08:16:27 ص
زۆر بە داخە وە دووبارە بە کوشت دانی کورد له پێناو ولاتێکی بێ خێر و هیچ
شاخه‌وان | 18/07/2018 07:38:43 ص
به‌ هه‌مووی دوو ئه‌مريكي نه‌بوون به‌شدار بوون و ته‌ياره‌كانيش ته‌نها بۆ پۆز هاتبوون گه‌رنا 5 پيشمه‌رگه‌ شه‌هيد نه‌ده‌بوون. ئه‌مريكي ته‌نها بۆ...
وردەکاریی ئۆپەراسیۆنەکەی پێشمەرگە و هاوپەیمانان لە چیای قەرەچووغ
| 16/7/2018 | (4)
سێنیار بامەڕنی | 17/07/2018 09:06:45 م
دوور لە سیاسەت و مەرامە گڵاوەكانی سیاسیەت، من لە رووی مرۆڤایەتییەوە ئەم پەیامە ئاراستەی (نادیە موراد و نەتەوە یەكگرتووەكان) دەكەم و دەڵێم: من كەسێكی...
رزگاركەری نادیە موراد داوای یارمەتی دەكات
| 17/7/2018 | (1)
معتصم شوانی | 10/07/2018 06:30:40 م
ئه‌زانن ئه‌م هه‌واڵه‌ی ئێوه‌ ڕوون نییه‌؟
Danar | 17/07/2018 07:11:34 م
کەی کەم ئەندام دابەش دەکرێت
 دابەشکردنی مووچەی بەشێک لە خانەنشینان راگەیێندرا
| 9/7/2018 | (3)
Khoshi Tahir | 17/07/2018 03:15:00 م
بە قوربانی هەموو پێشمەرگەکان بم
شیخ محمد امین | 17/07/2018 04:59:57 م
ئه ی پیشمه رگه ، که ی بو حه شدی شه عبی چول ده که ن؟ ولله حه یفم دیتی و دلم ده تاویته وه بو شه هیدانی ئه م شه ره و خه لک ده بی لیپرسینه وه ی توند له...
ئۆپەراسیۆنی پێشمەرگە بە پاڵپشتی هاوپەیمانان لە قەرەچووخ کۆتاییهات
| 17/7/2018 | (2)

لە بەشەکانی دیکەی رووداوەوە

خواردنی هێلکە  تووشبوون بە شەکرەی جۆری دوو کەمدەکاتەوە 11 کاژێر لەمەو بەر |

خواردنی هێلکە تووشبوون بە شەکرەی جۆری دوو کەمدەکاتەوە

هێلکەی کوڵاو سوودەکانی زۆرتن زۆرتر
چەرەس توانای بەپیتی پیاوان زیاددەکات 12 کاژێر لەمەو بەر |

چەرەس توانای بەپیتی پیاوان زیاددەکات

چەرەسەکان بە برێکی زۆر لە ماددە دژەئۆکسێنەکان زۆرتر
غەززە؛ لەماوەی 110 رۆژدا 150 فەڵەستینی و یەک ئیسرائیلی کوژراون دوێنێ کاژێر 11:07 |

غەززە؛ لەماوەی 110 رۆژدا 150 فەڵەستینی و یەک ئیسرائیلی کوژراون

خۆپیشاندانی فەڵەستینییەکان دژ بە ئیسرائیل زۆرتر
0.235 seconds