وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

بیروڕا

پارتی شەراكەت لەگەڵ كێ دەكات؟

لەلایەن هێڤیدار ئەحمەد 13/11/2018
هیڤیدار ئەحمەد
هیڤیدار ئەحمەد
باری پارتی لە چوار ساڵی داهاتوودا ئێجگار قورسە، لەبەر ئەوە نییە كە 45 كورسی لە هەڵبژاردنەكانی 30ی ئەیلولی ئەمساڵدا بەدەستهێناوە، پارتی حوكمڕانی هەرێمی كوردستانە و پەیوەندی لەگەڵ بەغدا بەڕێوەدەبات، وەك بەڕێز نێچیرڤان بارزانی گوتی: "عەقڵی بەغدا لە هەولێر دەبێ". بۆ ئەوەی لەم دوو هەنگاوەدا سەركەوتوو بێ، دەبێ سەقامگیری سیاسی هەبێت. لە كوردستانیش بۆ ئەوەی سەقامگیری سیاسی بەرقەراربێ، دەبێ ئەركی براگەورەیی بنوێنێ نە بە كورسیی زۆر، بەڵكو بە پێكەوەكاركردن و روحی یەك تیمی لە حكومەتدا.

پارتی و یەكێتی

سەقامگیریی سیاسی بەدی نایەت، ئەگەر لەگەڵ دەوروبەرەكەت كێشەت هەبێ. پێویستە پارتی لەسەر ئاستی ناوخۆ و دەرەوە كێشەكانی سفر بكاتەوە، چونكە بوونی كێشە لەگەڵ لایەنی نێوخۆیی و دەرەكی وا دەكات لە بەڕێوەبردنی هەرێمی كوردستاندا ئاستەنگی مەزن دروست ببێ. بگرە پارتی دەتوانێ ئەو هێزەبێ كە بۆ یارمەتیدانی دەوڵەتانی دەوروبەریش رۆڵی كاریگەری هەبێ لە چارەسەركردنی كێشەكانیان نەك تەنیا لەسەر ئاستی نێوخۆ و عێراق.

ئەوەی گرنگە، پارتی بەدوای شەریكی راستەقینەدا دەگەڕێ كە لە چوار ساڵی داهاتوودا حكومەت بەجێنەهێڵێ. یەكێك لەو شەریكانە رەنگە یەكێتی بێت. یەكێتی ئێستا دوو باڵە، هەندێجار پارتی لەگەڵ باڵی ماڵباتی تاڵەبانی رێكدەكەوێ و پەشیمان دەبێتەوە و هەندێجار لەگەڵ باڵی كۆسرەت رەسوڵ رێكدەكەوێ و لەویش پەشیمان دەبێتەوە، چونكە هەردوو باڵ بۆ دەستكەوتی كورتخایەن پاڵپشتی پارتی دەكەن.

ئێستا هەم دوای 16ی ئۆكتۆبەر (ماڵباتی تاڵەبانی) و هەم دوای 2ی ئۆكتۆبەر (باڵی كاك كۆسرەت) كە لە مەسەلەی یەكلاكردنەوەی پۆستی سەرۆككۆماری عێراق رۆڵی هەبوو، پارتی لەسەر پشكی یەكێتی لە دەستەی سەرۆكایەتی پەرلەمان و حكومەت چۆن باڵانسی نێو یەكێتی رادەگرێ؟ لەگەڵ كام باڵی یەكێتی رێكدەكەوێت؟ پارتی لێرەدا دیراسەی ورد دەكات كە كام باڵی نێو یەكێتی ئەساسی بەهێزی بڕیاردانی هەیە و كام باڵ ئامادەیە بۆ چوار ساڵ شەریكی راستەقینەی پارتی بێت لە حوكمڕانیی كوردستاندا؟ ئەوەی ئاشكرایە، ئێستا پارتی سەرەڕای ئەوەی نیگەرانە لە باڵی كاك كۆسرەت، هیچ گەرەنتییەكیش نییە كە بۆ چوار ساڵی دیكە لە حكومەت و دەستەی سەرۆكایەتی پەرلەمان ئەو تیمەی دەینێرن تیمێكی تۆكمە و بەهێز بێت، بەڵام باڵی ماڵباتی تاڵەبانی ئامادەن گەرەنتی بدەن كە لە دەستەی سەرۆكایەتی و لە حكومەتیش پشت لە پارتی نەكەن!

پاڤڵ تاڵەبانی ئێستا كە بڕیاری كۆتایی یەكێتی دەدات، داواكاری سەرەكیی لە پارتی كە زۆر پێداگیری لەسەر دەكات، ئەوەیە براكەی (واتە قوباد تاڵەبانی) وەك جێگری سەرۆكی حكومەت بمێنێتەوە، هەروەها وەزارەتێكی سیادیش وەربگرن كە زۆرتر چاویان لە وەزارەتی ناوخۆیە. بێگومان ئەگەر پارتی رازی بێ پۆستی سەرۆكی پەرلەمانیش بدات بە یەكێتی، ماڵی مام جەلال دەست بەسەر ئەو پۆستەشدا دەگرن و ئەمە بە ئاشكرا گوتوویانە و نەیانشاردووەتەوە.

تەنانەت كاك باڤڵ بە پارتی دەڵێت، لە ناوچەی خەزرای بەغدا لەسەر پۆستی سەرۆككۆمار من لەگەڵ پارتی رێككەوتم، بەڵام ئەوە كاك كۆسرەت بوو ئەو رێككەوتنەی تێكدا و لە بەرژەوەندیی بەرهەم ساڵحی شكاندەوە كە هیچی لێ قازانج نەكرد. ئەوكات باڤڵ تاڵەبانی حیسابی پێكهێنانی حكومەتی هەرێمی كوردستانی كردبوو، بەڵام كاك كۆسرەت تەنیا بیری لە پۆستەكەی بەرهەم ساڵح كردەوە كە نە بۆ خۆی و نە بۆ یەكێتی و بگرە نە بۆ كوردیش هیچ سوودی نییە، جگە لە بەرهەم ساڵح كەسێكی دیكە سوود لەو پۆستە وەرناگرێ.

كۆماری ئیسلامی ئێرانیش حەز دەكات ماڵباتی تاڵەبانی پێگەی بەهێزیان لە حكومەتی هەرێمی كوردستاندا هەبێت بۆ ئەوەی تا قوناغێك لە هەرێمی كوردستان سەقامگیری دروست ببێت، چونكە دوای گەمارۆكانی ئەمریكا، ئێران پێویستی بە بازاڕی سەقامگیر و بەهێزی دراوسێكانیەتی.

پارتی و گۆڕان

یەكێتی پێداگری دەكات كە بزووتنەوەی گۆڕان بەشێك نەبێت لە كابینەی نوێ، بەڵام گۆڕان وەكو هێزی سێیەمی براوەی هەڵبژاردن مافی ئەوەی هەیە بەشدار بێ لە حكومەت.

راستییەكەش ئەوەیە كە دڵی گۆڕان بۆ رێككەوتن لەگەڵ پارتی بۆ ئەوەی بەشێك بێ لە كابینەی نوێ‌ لێدەدات، بەڵام حاڵی گۆڕان هیچ باشتر نییە لە حاڵی یەكێتی. نێو ماڵی گۆڕان كە باش نەبێ، پێناچێت بتوانن تیمێكی باش و سەقامگیرییان هەبێ لەنێو حكومەتدا، چونكە دۆخی نێوخۆی گۆڕان رەنگدانەوەی لەسەر ئەدای تیمەكەی دەبێ لە حكومەت و پەرلەماندا. كێشەی سەرەكی بزووتنەوەی گۆڕان جەماوەرەكەیەتی كە لەسەر فیكری لە ئۆپۆزیسیۆن ئۆپۆزیسیۆنتر پەروەردە كراون. ناتوانن دابنیشن. یەكێتیش ئاوا دانانیشێت پارتی لەسەر حیسابیان (دیسانەوە) لە گۆڕان نزیك ببێتەوە. تەنانەت هەندێجار دەگوترێ ماڵباتی تاڵەبانی، بەتایبەت لاهور تاڵەبانی ئەوەندە كاریگەری لەسەر گۆڕان هەیە، هەر كاتێك مەرحەبایەكی گۆڕان بكات، دەتوانێ ئەو پەیوەندییەی بڕیارە سەرلەنوێ لەنێوان پارتی و گۆڕان دروستبكرێ، وەكو 23ی حوزەیران تێكی بدات.

باری پارتی لەگەڵ بزووتنەوەی گۆڕانیش پێدەچێ قورستربێ لەوەی یەكێتی. گۆڕان داوای سێ وەزارەت و چەند دەستەیەك دەكات كە یەكێك لە وەزارەتەكانیان سیادی بێت. هێشتا پارتی لەسەر ئەم داوایەی گۆڕان قسەی كۆتایی نەكردووە.
رۆڵی پارتی لێرەدا ئەوەیە بە نزیكبووونەوەی لە گۆڕان، یەكێتی ئیستیفزاز نەكات و هەڕەشەی لێنەكات بۆ هەندێ حاڵەتی نێو پەرلەمان بۆ تێپەڕاندنی یاسایەك كە پێویستی بە كۆدەنگی نیشتیمانی دەبێت، بۆ ئەوەی سەقامگیری سیاسی بپارێزرێت. بەڵكو دەبێ یەكێتی وەك ئەوەی هەیە تەماشا بكات.

ئامانجی سەرەكی پارتی ئەوەیە كار بكات بۆ ئەوەی ژمارەی كورسییەكانی لە هەڵبژاردنی داهاتوو كەم نەكات. یەكێتی دەیەوێ لە حكومەتێكی بەهێزدابێت و كار لەسەر لاوازكردنی بزووتنەوەی گۆڕان بكات، بۆ ئەوەی ئەو جیاوازیە زۆرەی لە نێوان ژمارە كورسییەكانی پارتی و یەكێتیدا هەن كەم بكاتەوە. هەرچی گۆڕانە دەیەوێ بەشداربێت لەم حكومەتە بۆ ئەوەی هەر نەبێ، دەست بەوەی هەیە بگرن و پۆستی حكومی بەدەست بهێنن و ئومێدێك بۆ خەڵكی خۆیان دروست بكەن.

كۆمەڵی ئیسلامی ئاوت كراوە

ئەوەندەی كە پارتی لە دڵەوە بە ئەمیری كۆمەڵی ئیسلامیی دەگوت (مامۆستا)، برادەرانی كۆمەڵی ئیسلامی بەو شێوەیە بانگی ئەمیری خۆیان نەدەكرد! بەڵام لەهەندێ مەوقیفدا كۆمەڵی ئیسلامی بەشێوەیەك رەفتاریان كرد كە متمانەی پارتییان دۆڕاند. پارتی بەشێوەیەك لە كۆمەڵ ناڕەحەتە كە پێناچێ وا بەئاسانی وەكو رابردوو متمانە بەوان بكاتەوە. هەم لە 23ی حوزەیران و هەم لە بەشدارینەكردنیان لە ریفراندۆم و هەم ئەو كاتەی لە حكومەتدابوون لە ئۆپۆزیسیۆن ئۆپۆزیسیۆنتر بوون، لە پەرلەمانیش هەر مەڵێ‌. بۆیە ئەستەمە پارتی بتوانێ شوێنێك بۆ كۆمەڵی ئیسلامی لەنێو حكومەتدا ببینێتەوە. 

نەوەی نوێ و یەكگرتوو

یەكگرتووی ئیسلامی ئۆپۆزیسیۆنبوونی خۆی راگەیاندووە، زیاتریش ئەم بڕیارەی یەكگرتوو بۆ بنكەی جەماوەریی خۆی بووە، چونكە گفتوگۆی زۆر لەنێو یەكگرتوودا هەبوو كە نابێ ببنە ئۆپۆزیسیۆن، بەڵام بۆ ئەوەی ناڕەزایەتی لەسەر كەمبوونەوەی ژمارەی دەنگەكان و كورسییەكانی ئەو حیزبە بێدەنگ بكرێ، سەركردایەتی یەكگرتوو بڕیاری ئوپۆزیسیۆنبوونی دا. پارتیش رێز لەو بڕیارەی یەكگرتوو دەگرێ.

نەوەی نوێ، هێزێك نییە پشتی پێ ببەستی چ ئۆپۆزیسیۆن بێت یان لەنێو حكومەتدا بێت. هەرچەندە باش دەیزانی بەشدارییان پێناكرێ بۆ ئەوەی ببنە شەریكی حكومەت، هەرزوو ئۆپۆزیسیۆنبوونی خۆیان راگەیاند. ئەم هێزە لەنێو كێشمەكێشی سیاسیی هەرێمی كوردستاندا تاسەر بە تۆكمەیی نامێنێتەوە، چونكە لای من ئەوان نەوەی نوێ نین! بەڵكو نەوەی پارتی و یەكێتی و گۆڕان و ئیسلامییەكانن.

کۆمێنتەکان

 
ره شید | 14/11/2018
هیفیدار ئه حمه د به م نووسینه پوخت و ریک و پیکه و ئه م لیکدانه وه واقیعیه سه لماندی که روژنامه نووسیکی ره سه ن، هه م ده توانی سیاسه تمه داریکی ئاگا و خاوه ن بیر وباوه ر و پره نسیپ بیت و هه م په رله مانتاریکی ژیر و لیوه شاوه ؛ هه روه ها فریاد و فرمیسکه کانی ئه م که له روژنامه نووسه له شه ره حه ماسیه که ی پردی ، سه لماندی که ئه م پیاوه لاوه ئه وه ی به لایه وه گرینگه به رژه وه ندی کوردستان و سه رکه وتنی کورده و ده کری بروا و متمانه ی پیبکری!
کۆمێنتێکی نوێ دابنێ
وەکو میوان کۆمێنت دادەنێی یان بە چوونە ژوورەوە؟
نیشانەکردن : پارتی
5377 ژمارەی بینین

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

Rawand | 12/12/2018 10:16:46 م
پشکنین بۆئەوانە دەکرێت کەوازیان هێناوە یان ئەوانەی دەیانەوێ واز بێنن
فەرەیدون | 16/12/2018 09:41:00 ص
تکایە بۆ ناوی من نەهاتۆتەوە ناویشم تۆمار کردوە وازم لە جگەرە هێناوە
پشکنینی بەشداربووانی ئەنتیتۆباکۆ دەستپێدەکات
| 12/12/2018 | (3)
Azad Azad | 15/12/2018 03:52:47 م
كێشه‌ی شه‌نگال كێشه‌ی خه‌ڵكه‌كه‌ی خۆیانه‌ هه‌ندێكی په‌كه‌كه‌ی هێناوه‌ بۆ شه‌نگال هه‌ندێكی تریشیان بونه‌ته‌ حه‌ژدی شه‌عبی ماڵ و منداڵه‌كانیشیان له‌...
ئەردۆغان: چووینە شنگال و بەردەوامیش دەبین
| 15/12/2018 | (1)
دلشاد رمضات جمعه | 15/12/2018 10:03:58 ص
من هيج جكاری ناكيشم
پشکنین بۆ بەشداربووانی ئەنتیتۆباکۆ لەدهۆک ئەنجامدەدرێت
| 15/12/2018 | (1)

لە بەشەکانی دیکەی رووداوەوە

  ئەمساڵ لە نەخۆشخانەی رزگاریی هەولێر زیاتر لە 8000 هەناوبینی ئەنجامدراون 6 کاژێر لەمەو بەر |

ئەمساڵ لە نەخۆشخانەی رزگاریی هەولێر زیاتر لە 8000 هەناوبینی ئەنجامدراون

هەناوبینی بۆ دەستنیشانکردن و چارەسەری گرفتەکانی زۆرتر
لە چیلی سوورێژە بڵاودەبێتەوە 19 کاژێر لەمەو بەر |

لە چیلی سوورێژە بڵاودەبێتەوە

داوادەکرێت خەڵکی کوتان دژی نەخۆشییەکە ئەنجامبدەن زۆرتر
کەمخەوی ئارەزووی خواردنی خۆراکە خێراکان زیاددەکات 22 کاژێر لەمەو بەر |

کەمخەوی ئارەزووی خواردنی خۆراکە خێراکان زیاددەکات

کەسێک خەوی رێک نەبێت بەدرێژایی رۆژ خۆراکە زۆرتر
0.235 seconds