وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

بیروڕا

تەپوتۆزی داڕمانەكەیان نەبینی

لەلایەن رەحمان غەریب 14/3/2019
رەحمان غەریب
رەحمان غەریب

كۆنگرە رۆژنامەنووسییەكەی تیمی كابینەی هەشت لەبارەی لابردنی پاشەكەوتی مووچە، بومەلەرزەیەك بوو لەناو ئەو یەقینە سیاسییەی پشووی نەدەدا، شەو و رۆژی خستبووە سەر یەك، تا بیسەلمێنێ كە ریفراندۆم هەموو دەرگاكانی بەڕووی كوردستاندا داخستووە و تەنانەت پەنجەرەیەكیش نەماوە بۆ روانین لە داهاتووی ئەم ئەزموونە، لایان ئاسایی بوو بۆ ئەوەی كابینەیەكی یەكێتی و پارتی بڕووخێت، كوردستانیشی بەدەمەوە بڕوا.

یەقینیان هەبوو (نێچیرڤان بارزانی و قوباد تاڵەبانی) دەكەونە ژێر داروبەردی كابینەی هەشتەوە، بۆیە نەك بە هێمنی كشانەوە، بەڵكو كردیانە بۆنەیەكیش بۆ موزایەداتی سیاسی ‌و چاوەڕوانی بینینی تەپوتۆزی داڕمانەكە بوون، كورد واتەنی ئاو بوەستایە ئەمان نەدەوەستان. یەقینیان هێندە قایم بوو، تەنانەت بۆ ساتێكیش بیروڕاكانیان نەخستە ژێر تیلسكۆبی رێژەییبوون.

باسم لە لابردنی پاشەكەوت نییە ‌و وەك كەسێكی چەپ پێموایە كۆی سیاسەتی ئابووری ئەم حكومەتە كە لەسەر بناغەی بازاڕی بەربەرەڵا دامەزراوە، پێویستی بە چاوپێداخشانەوە هەیە، بەڵكو هەندێكیان ئەوەندە هەڵەن دەبێت لە بنچینەوە هەڵتەكێ وەك ئەوەی كە حكومەت بە رێكخراوەیی لەبەردەم چاوچنۆكیی كەرتی تایبەت پاشەكشە دەكات. كەرتی گشتی رەزیل ‌و سەفیل دەكات تا بۆ خزمەتگوزارییەكانی خوێندن ‌و تەندروستی و هی تریش، پەنایان بۆ ببەین ‌و گیرفانی هەژاران هەڵتەكێنن.

 من قسەم لەسەر ئەو یەقینەیە كە دەیگوت: ریفراندۆم دوا بزمار بوو لە تابووتی ئەزموونی حوكمڕانی كوردستان درا ‌و ریزیان بەستبوو بچن بینێژن. كشانەوە و پاكانەیان كرد، نوقڵانەی داڕمانی ئەزموونی حوكمڕانی هەرێمی كوردستانیان لێدا، بەڵام خاوەن ئیرادە كەم بوون، كەم بوون ئەوانەی دەستیان بە ئومێدەوە گرتبوو، كەم بوون ئەوانەی لە كۆتایی تونێلەكە تروسكایی ئومێدیان دەبینی (نێچیرڤان ئیدریس بارزانی ‌و قوبادی مام جەلال) دوو كەسە گەشبینەكەی ناو ئەو زەمەنە ئاڵۆز و تاریكە بوون.

هاوپەیمانەكانیان لەناو حكومەت و دەرەوەش تەماشاكەرێكی دڵڕەق بوون، بۆ ئەوەی یەكێتی و پارتی و كابینەی هەشت بڕوخێت، ئامادەبوون ئەزموونی حوكمڕانی كوردستانیش بكەنە قوربانی ئەم یەقینەیان. هەق وا بوو رێژەیەك دابنێن بۆ هەڵە، تا ناچار نەبن سەرلەنوێ بچنەوە سەرباسی یەكڕیزی.

ئیتر ئەزموون وامان فێر دەكات كە زۆر بۆچوون ‌و هەڵوێستی سیاسی چونكە حساباتی رێژەییبوونی تێدا نەكرا، رادەستی رەهابوون و موتڵەقگەرایی ‌و یەقینی سیاسی كرا، لە نێوان رەنگی رەش ‌و سپیدا رەنگە كاڵ ‌و تۆخەكانی رەساسییان نەبینی، لەیەك سووچەوە تەماشای تابلۆ گەورەكەی كوردستانیان كرد، بۆیە حزب ‌و خاوەنەكانیانی تووشی ئیحراجبوونی زۆر كرد.

هەوڵی بەشداریی حزبەكان لە كابینەی نۆ سەلمێنەری راستی رێژەییبوونە لە دەربڕینی هەڵوێستی سیاسی، ئەوەی كە بەتەواوی دوێنی بەلاتەوە هەڵە بووە، ئێستا بەڕاستی دەزانیت. لێرەدا سیاسەت نەك هونەری مومكین، بەڵكو هونەری دەربازبوونیشە لە كەوتنە ناو خەرەندی موتڵەق.

ئیدی ئەمجارەیان نەڕووخا، خۆ گەر هەر خەونی سیاسیتان بوو تا تەپوتۆزی داڕمانی كابینەی نۆ ببینن، نە ئەوەندە ئاسانی بكەن كە خوار هەژدە ساڵیش بتوانێت دەنگی لەسەر بدات، نە ئەوەندەش ئاڵۆز كە زانای ئەتۆمیش سەری لێ دەرنەكات. پەنا بۆ وردبینی پیشەی بەرگدروو بەرن، جوان قوماشەكە بپێون، ئەوسا مقەستی لێبدەن.

کۆمێنتەکان

 
کۆمێنتێکی نوێ دابنێ
وەکو میوان کۆمێنت دادەنێی یان بە چوونە ژوورەوە؟
نیشانەکردن : رەحمان غەریب ,
2553 ژمارەی بینین

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

داود | 24/03/2019 05:53:24 ص
زۆر بە داخەوە بۆ خەلکی مووسلی بەڕێز،هاوخەمی لێقەوماوین،زوای گەورە دلنەوایی و ئارامییەن پێ ببەخشێت،خوا تۆلەیان لە سیاسی و دەسەلاتدارانی بەغدای عیراق...
120 تەرم لە رووباری دیجلە دەرهێنراون
| دوێنێ کاژێر 11:22 | (1)
ئەحمەد | 24/03/2019 05:19:56 ص
بەردێک نەزانێک بیخاتە گۆمەوە، بە دە زانا، دەرنایەتەوە. باشترین چارەسەر قەدەغەکردنی یەکجارەکی دیاردەی چەکدارییە.
دوو ئامۆزا لەسەر كێشەیەكی بچووك دەكوژرێن
| 22/3/2019 | (1)
Azad Azad | 22/03/2019 10:34:07 ص
پیرۆز بێت له‌ روداو و خانمه‌ جوانه‌كه‌ی روداو به‌ڕێز ئاڵا شاڵی به‌راستی شایانی ئه‌و ناسنامه‌یه‌یه‌ هه‌ر سه‌ر كه‌وتو بن.
ئه‌نجوومەنی یەكێتی ئەوروپا وێنەی ئاڵا شاڵی لە پێشانگەکەیدا دادەنێت
| 22/3/2019 | (1)

لە بەشەکانی دیکەی رووداوەوە

هەنگاوەکانی وازهێنان لە جگەرەکێشان 4 کاژێر لەمەو بەر |

هەنگاوەکانی وازهێنان لە جگەرەکێشان

جێگرەوەکانی نیکۆتین بەکاربهێنە زۆرتر
تەندروستی جیهانی  داوادەکات ریکلامی جگەرە و تووتن قەدەخەبکرێت 6 کاژێر لەمەو بەر |

تەندروستی جیهانی داوادەکات ریکلامی جگەرە و تووتن قەدەخەبکرێت

نابێت سپۆنسەریکردنی یانەکانی پێشبڕکێ لەلایەن زۆرتر
0.578 seconds