وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

بیروڕا

یەكێتی لە سەردەمی گڵۆبالیزمدا

لەلایەن مامۆستا جەعفەر 15/11/2015
مامۆستا جەعفەر
مامۆستا جەعفەر

كتێبی (یەكێتی نیشتیمانی كوردستان لەسەردەمی گڵۆبالیزمدا) بەناو كتێبێكی تری (مامۆستا جەعفەر)ەو ناوی ئەو لەسەر بەرگی كتێبەكە نووسراوە و هەرچی لەسۆنگەی ئەم كتێبەدا بەرپرسیارێتی دێتە پێشەوە، ئەو خۆی بەتەنیا، لەڕووی یاسایی و سیاسییەوە لەئەستۆی دەگرێت. ئەوەی ڕاستی بێت، ئەم كتێبە لەسەر پێشنیاز و داوای ژمارەیەك سەركردە و كادری ناوداری سیاسی و پێشمەرگەیی نووسراوە و تێڕوانین و بۆچوون و ڕامان و لێكدانەوەی ئەوانی تێدا چڕكراوەتەوە.

ئەم سەركردەو كادر و ئەندامانە، سەرجەمی ڕەشنووسەكەیان بینیوە و سەرنج و تێبینیی خۆیان لەسەر زۆربەی بابەتەكان نووسیوە و هەندێ‌ ڕستەیان لێ دەرهاویشتووە و كۆپلەی گرنگیان سەرلەنوێ‌ مشتوماڵا كردووەتەوە و بەشێكیان پێیان باش بوو نێویان لەسەر بەرگی كتێبەكە بنووسرێت. بەڵام پاشان ئەوە بەباش زانرا، تەنیا ناوی یەك كەسی لەسەر بنووسرێت بۆ ئەوەی ڕاڤەكاریی سیاسی هەڵەی بۆ نەكرێت!

زۆربەی زۆری ئەم سەركردە و كادر و ئەندامانە، پاش شیكاری و تاوتوێكردن و هەڵسەنگاندنی بارودۆخی سیاسی و ئابووریی هەرێمی كوردستان و باری ناوخۆی (ی.ن.ك) ئەوەیان بەباش زانی، ئەم كتێبە وەكو خۆی بڵاوبكرێتەوە و هەندێ‌ پاژی بۆ كاتێكی تر هەڵبگیرێت. چونكە ئەگەر یەكێتی بیەوێت سوودی لێوەربگرێت، ئەوە ئەم كتێبە نەخشەڕێگایە و وێستگەكان لەبەر چاوان دانراون. یەكێتی دەتوانێت گەورەترین قازانجی لێ بكات و چاوێك بەڕەوتی سیاسی و ڕێكخراوەیی خۆیدا بگێڕێت و هەڵەو كەموكورتییەكان ڕاست بكاتەوە. گریمان سەركردایەتی بەلایەوە زەحمەت بوو، بۆچوون و تێگەیشتنی ئەندامێكی خواری خوارەوە بەگەشبینییەوە ببینێت و لەروانگەی هاوكێشەی دەستەگەری و باڵباڵێنەوە سەیری بكات و خەتی چەپ و ڕاستی بەسەردا بهێنێت! ئەوە گومانی تێدا نییە قەیرانەكان قووڵتر دەكاتەوە!

هۆكاری یەكگرتنەوەی ئەم هەموو سەكردە و كادر و ئەندامانە لەسەر نووسین و بڵاوكردنەوەی كتێبێك دەربارەی هەڵوێست و بیروڕا و هێڵی سیاسیی (ی.ن.ك) تەنیا گیانی بەرپرسیارێتی و بەئاگا هاتنەوەیانە لەسەر گەورەیی مەترسییەكان و هەستیاریی ئەم قۆناغە.

یەكخستنەوەی بیروڕا و بۆچوونەكان لە كتێبێكدا كە ڕەنگدانەوەی دڵەڕاوكـێ‌ و خەمی هاوبەشە، بەرامبەر سیاسەتی بێباكی و بەتەنگەوە نەهاتن و پەراوێزخستن، كە بەشێك لە سەركردایەتی پەیڕەوی دەكات، بەخۆی بزانێت یان نەزانێت سیاسەتی دژ بە سۆسیال – دیموكرات جێبەجێ دەكات و لەسەر "فەلسەفەی نیولیبرالیزم" دەڕوات: پشتگوێخستنی خەباتی سیاسی و چالاكیی سیاسی لەناو ئۆرگانەكانی دەوڵەت و حكومەتدا و تەنیا لەبەرچاوگرتنی بووژاندنەوەی بازاڕی ئابووری و قازانج و داهاتی ژمارەیەك سەرمایەدار و خاوەن كۆمپانیا و ئەندازیار و كارمەندی سیاسی – ئابووری، ئەمە هەر هەمووی رووباری فەلسەفەی نیولیبرالیزمە. سەركەوتنی "حیزب" تا ئەو ڕادەیە لایان گرنگە كە خزمەتی بەرژەوەندییە مەزنەكانیان بكات و لەخزمەتی دەستكەوت و قازانجی ئەواندا بێت!

ئەم كتێبە چەندین تەوەر و مژاری گڕگرتووی لەخۆ گرتووە، دەیەوێت: ڕێكخستن لەپەتای باڵباڵێن و دەستگەری و فراكسیۆنسازی بپارێزێت و تیشك بخاتە سەر ئەم بابەتانەی خوارەوە كە لەناو مەڵبەند و مەكتەب و دەزگاكانی (ی.ن.ك)دا زۆرترین قسەیان لەسەر دەكرێت:

1- پڕۆژەی نزیكبوونەوە و یەكگرتنەوەی یەكێتی و گۆڕان.
2- پڕۆژەی چارەسەركردنی كێشەی ناوچە دابڕێنراوەكان.
3- بیری یەكێتی: سۆسیال – دیموكراتە یان نیولیبریالیزم؟
4- شێوەی كاری دەزگای دارایی و مەلەفی نەوت...

بۆ هەر ڕستەیەك كە لەم كتێبەدا نووسراوە، چەندین بەڵگە و دەلیلمان هەیە و هیچ قسەیەك نەنووسراوە بنەمای نەبێت و دۆكیۆمێنت لەبەردەستدا نەبێت. بەڵام بڵاوكردنەوەی هەر هەمووی بەجارێك بەباش نەزانرا و جارێ‌ چاوەڕوانی و سەبر بەباشتر زانرا. پێمان باشە، سەرەتا: بەكتێبێكی بچووكی پڕ لە زانیاری و ئاماژەی سیاسی، زەنگێكی بچووك لێبدەین و هەموو لایەك ئاگادار بكەینەوە كە گرێكوێرەكان خەریكە لەوە ئاڵۆزتر دەبن لەوەی لە دوورەوە دەبینرێت. گابەردی كێشەكان لە هەڵدێر و بانگلۆز بوونەوە نزیكتر دەبێتەوە. هەرچەندە ئێمە پێشەكی ئەو ڕاستییە دەزانین، خاوەن بەرژەوەندییە مەزنەكان، گوێ‌ بە خشەخشی ڕەخنە و پێشنیاز و پڕۆژەی سوودبەخش نادەن: پێیان باشە لێزمەی بارانی پێداهەڵدان و ستایش بەسەریاندا ببارێت. 

ئەم كتێبە "مشتێكە لە خەروارێك" و لەپشت پەڵە هەوری زەرد و سوور و دیواری ئەستووری تەمومژەوە بەئاماژەی دوور و نزیك، قسە لەسەر هەندێك بابەت و مژار كراوە كە ڕۆژانە بەبەرچاوی ئەندام و كادر و لایەنگرانی یەكێتییەوە تێدەپەڕێت. ئێمە ئەگەر بزانین بڕیار بەدەستان بەخۆیاندا دەچنەوە و بەرپرسیارانە مامەڵە لەگەڵا دۆخەكەدا دەكەن، ئەوە هەموو گەلی كوردستان دەستخۆشییان لێدەكات. بەپێچەوانەوە، دەستبەرداری سیاسەت و كاری ڕێكخراوەیی و دارایی و كۆمەڵایەتی و فەرهەنگیی باوی ئێستایان نەبن، ئەوە مێژوو بەزەیی بەكەسدا نایەتەوە.

نیشانەکردن : یەكێتی
2228 ژمارەی بینین

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

ره شید | 19/01/2019 10:49:00 ص
هه تا کوردستان به شیک بیت له عیراق ئه مریکا و ئه وانیتریش ناتوانن کورد وه ک حه لیفیکی ستراتیژیک بو خویان دا بنین ! به واتایه کی دیکه کورد هه تا نه...
سرهد | 22/01/2019 08:30:35 ص
لێکدانەوەیەکى واقیعبینانەیە، دەست خۆش برا.
لە چاوەڕوانیی گۆڕانكارییە هەرێمییەكاندا
| 19/1/2019 | (2)
Azad Azad | 21/01/2019 08:38:25 م
ده‌ست خۆش بۆ بۆچونه‌كانت كاك مه‌جید گلی، به‌قه‌ناعه‌تی من ئه‌مه‌ریكا ده‌یه‌وێت توركیا راگرێت به‌ ئارامی وه‌ك هاو په‌یمان به‌ڵام له‌ راستیدا بۆ...
سیناریۆ و نهێنییەكانی پشت ناوچە ئارامەكەی سووریا
| 21/1/2019 | (1)
Azad Azad | 21/01/2019 07:25:55 م
تاوانی هه‌ر گه‌وره‌ و درندانه‌ منداڵ كوشتنه‌ ...!!! حه‌قی وایه‌ له‌هه‌ر كۆی دونیابێت بی هێنرێته‌وه‌ دادگای بكرێت و سزای هه‌ڵواسینی بۆ ده‌ركرێت.
وردەکاریی کوژرانی باوک و کوڕە سێ ساڵانەکەی لە حاجیاوا
| 21/1/2019 | (1)
Rebwar | 21/01/2019 12:09:08 م
Dastxosh
Rizgar Khoshnaw | 21/01/2019 05:08:48 م
خوێندنه وه ی شته کانی ڕێبوار تامێکی زۆر تایبه تی هه‌ یه ، هه‌ رچه نده له وانه یه ڕێک وه کو ئه و بیر نه که یته وه ، به ڵا م ئه وه نده ورده کاری به...
دوای ئۆكتۆبەرچییەكان نۆرەی بەرهەم ساڵحە
| 21/1/2019 | (2)

لە بەشەکانی دیکەی رووداوەوە

فلتەرەکانی سناپچات، هۆکارن بۆ ئەنجامدانی نەشتەرگەری جوانکاری 3 کاژێر لەمەو بەر |

فلتەرەکانی سناپچات، هۆکارن بۆ ئەنجامدانی نەشتەرگەری جوانکاری

نەشتەگەری لووت، فیلەر و بۆتۆکس زۆرتر
بەریتانیا.. میوزیک، دانس و وێنەکێشان وەک دەرمان بۆ نەخۆش دەنووسرێن 15 کاژێر لەمەو بەر |

بەریتانیا.. میوزیک، دانس و وێنەکێشان وەک دەرمان بۆ نەخۆش دەنووسرێن

دەیانەوێ لە زۆربەکارهێنانی دەرمان رزگاریان ببێت زۆرتر
لە ئوسترالیا ئەپلیکەیشنێك پشکنینی توانای بیستنی قوتابییان دەکات 16 کاژێر لەمەو بەر |

لە ئوسترالیا ئەپلیکەیشنێك پشکنینی توانای بیستنی قوتابییان دەکات

د. گێما کوخ: زوودەستنیشانکردنی کەمبیستن زۆرتر
0.406 seconds