وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

بیروڕا

گەڕانەوە بۆ جەللاد

لەلایەن ئاسۆ حاجی 17/4/2018
ئاسۆ حاجی
ئاسۆ حاجی
ئەحمەد مەتەر، شاعیری عێراقی دەڵێ "خەڵك لە ‌وڵاتی ئێمە دوو جۆرن ، یان هاووڵاتین یان سوڵتان.. مرۆڤمان نییە". 

ئەوە بەرهەمی كولتووری یەكڕەنگی رۆژهەڵاتی ناوەڕاستە‌ كە مرۆڤەكان بە قەدەرێكەوە گرێدەدات خۆیان بڕیاریان لەسەر نەداوە،‌ بەڵكو بەسەریاندا سەپێنراوە و بووەتە كولتوورێكی باو، ئایا وڵاتی ئێمەش هەمان لێكدانەوە دەیگرێتەوە؟ بێگومان دەیگرێتەوە،‌ چونكە درێژبوونەوەی هەمان كولتوورە و كەسەكانیش یان سوڵتان یان هاووڵاتین، پەیوەندیی سوڵتان و هاووڵاتیش لە كولتوور و مێژووی ئەو ناوچەیە مێژوویەكی تژی لە ترس و دڵەڕاوكێیە كە كەسیان بڕوایان بەوی دیكە نییە، بۆیەشە سێبەری سوڵتانەكان زۆر جار دەگاتە ژووری نووستنەكانیش.

رێگا‌ی پێشكەوتن و گۆڕان خێرا و ئاسان نییە وەك ماری كوری پێناسەی دەكات، چونكە پچڕاندنی كولتووری و مەعریفی پێویستە كە لەگەڵ قۆناغی بەر لە ئێستا لێكی دابڕن، ئەوەش كەسانێكی گەرەكە وەك بیرمەندەكانی كۆمەڵگە پێشكەوتووەكان كە شێوازی تێهزرین و ژیانیان گۆڕی و بە خۆشیان گەورەترین قوربانییان لەو پێناوەدا دا، بەڵام ئایا ئێمە كەوتووینەتە سەر هەمان ڕاستە رێگای پێشكەوتن؟ ئایا بیرمەندی قوربانیدەر و خۆنەویستمان هەیە؟

رۆشنبیران لە جیاتی وەڵامدانەوەی ئەو پرسیارانە، تا ئێستا لە بن سێبەری سیاسییەكان پیاسەی خۆدەرخستن و‌ دەوڵەمەندبوون دەكەن، بۆیە خەڵك دەستی لەوانیش شووشتووە، كەواتە هاوكێشەكان هەر وەك خۆیان ماونەتەوە، بە شێوەیەك كە هەنووكە ئەگەر سەربردەی سوڵتانەكانی هەزار ساڵ و سەد ساڵ و دە ساڵ بەر لە ئێستا بخوێنیەوە، جیاوازییەك لە ناوەڕۆكی بیركردنەوە و مامەڵەكردنیان لەگەڵ خەڵك نابینی، چ جیاوازییەك لە نێوان خەلیفە و سوڵتان و مەلیك و سەرۆككۆمار و سەرۆكەكانی ئێستا هەیە؟ مەگەر ئەوان بەهێزترین كەس و دەوڵەمەندترین و بێمنەتترین كەس نین، لە رابردووی خەلیفە و سوڵتانەكان یان ئەو كتێبانە ماون كە پێیاندا هەڵگوتوون یان ئەو كۆشك و تەلارانە ماون كە بۆ خۆیان یان كوڕ و كچەكانیان دروستیان كردوون یان بۆ ژن و دڵخوازەكانیان. 

ئەو سیاسیانەی لەماڵە بابان تۆراون هەر لەژێر بانی هەمان خانوو ماونەتەوە و تەنها دەرگایان گۆڕیوە، قەت گوێت لێیان نابێ شەڕ بۆ كەمكردنەوەی هێزی حیزب بكەن لە بەرژەوەندی خەڵك، لە دروستكردنی بارەگا و كۆمپانیا و پڕۆژەی وەبەرهێنان دەست بە ململانێ دەكەن وەك ئەوەی بارەگای حزبی پێویستتر بێت بۆ ئاواكردنی كۆمەڵگایەكی موئەسەساتی یان باخچەی ساوایان و قوتابخانە و كتێبخانە؟ من نازانم بەرزكردنەوە و زۆركردنی باڵاخانە پێویستترە یان ئاوەدانكردنەوەی مێشكی خەڵك و بەرزكردنەوەی بڕوا بەخۆبوونیان؟ دەبێ سیاسیەكان و بەرپرسان ئەو راستیە نەزانن كە چەند باڵاخانە بەرزتر بن، مرۆڤەكان بچوكتر دیار دەبن ! یان مەبەستەكەیان لە بنەڕەتدا هەر ئەوەیە.

پێشتر بوونی ئازادییان بە دەرچوونی ژمارەی بڵاوكراوە و نووسینی ئەوەی پێت خۆش بوو لێكدەدایەوە، بەڵێ دەتوانی هەر چی بتەوێ بنووسی، جا ئەگەر بە ناوی خۆشت بڤە بێ ئەوە دەكرێ بە ناوی خوازراو بێت، بەڵام مەسەلە ئەوە بوو نە كەس گوتارەكانی دەخوێندەوە نە كەس گوێی دەگرت مەگەر جوێنت پێدابان، ئەوانەش كە جوێنیان دەدا مەبەستیان دیار بوو، هەر كە دەمیان چەور دەكرا یان ترومبێلێكی نوێیان دەدانێ ناویشیان بزر دەبوو، ئێستاش لەگەڵ پارچەبوونی حیزبەكان و توندبوونی ململانێكان ئەو كاسبیە توندتر لە جاران سەری هەڵداوەتەوە، ژمارەی زۆری بڵاوكراوەكانیش لەمێژە نهێنیەكەیان وەدیار كەوتووە كە زۆربەیان سێبەری سیاسیەكانن جا چ دەسەڵات بێ یان ئۆپۆزسیۆن. 

سیاسیەكان زوو كاریان لەسەر بێڕێزكردنی وشە كرد بۆیە بە سەدان بڵاوكراوەیان لە رێگای جاشقەڵەمەكانیان دەركرد بۆ ئەوەی هەموو نووسینەكان و هەموو ئەوانەی دەشنووسن بێنە یەك ریز، تا وایان كرد بێزت لە ژمارەیەكی زۆری بڵاوكراوەكان ببێتەوە و شەرم بكەی بڵێی رۆژنامەنووس یان نووسەرم، سیاسیەكان تاكە براوەی ئەو شەڕەن لە كوردستان، ئەوانەش كە لێیان كۆبوونەتەوە كەرەستەی درێژەپێدانی ئەو شەڕەن ، شەڕێك كە ترس و گومان دەچێنێت و پارە و دەسەڵات قازانج دەكات، شەڕێك كە قوربانیەكانی بریتین لە حەقیقەت و دادپەروەری و مرۆڤدۆستی و سوڵتانەكانیشی بریتین لەوانەی لە هەموو كەس زیاتر ئەو چەمكانە بەكاردەهێنن بەبێ ئەوەی بڕوایان پێ بێت یان ڕێزی بۆ دابنێن.

شەڕی دەسەڵات دەخەنە چوارچێوەی شەڕی پیرۆز و جیهادكردن، دروشمی نا بۆ سوڵتانیبوونی سیاسیەكان و بە سەڵتەنەتكردنی وڵات بەرزدەكەنەوە لە پەنای ئەو گوفتار و كردارانەشیان تەنها كار بۆ جێگرتنەوە دەكەن لە كۆتاییشدا منداڵەكانیشیان دەبنە سوڵتان و منداڵەكانی ئێمەش تەنها هاووڵاتی. لە فەرهەنگی سیاسی رۆژهەڵاتیش هاووڵاتی یەكسانە بە قوربانی، بۆیەشە باشترین دروشمەكانی ئێمە قوربانت بم یان قوربانی بن یان كە بمانەوێ دڵسۆزیی خۆمان رابگەیێنین، یەكسەر دەڵێین ئێمە ئامادەی قوربانیدانین لە پێناو حزب و حكومەت و وڵات، چونكە لە فەرهەنگی ئێمەدا حزب و حكومەت و وڵات یەكسانە بە سوڵتانەكان، ئای كە ناخۆشە خۆت قوربانی بی و ئەركیشت پەروەردەكردنی قوربانیی دیكە بێت بۆ سوڵتانەكانی ئایندە، لەوەش خراپتر ئەو قسەیەی سارتەر بتگرێتەوە كە دەڵێ: "ركم لەو قوربانیانەیە كە رێز لە جەلادەكانیان دەگرن".

نیشانەکردن : ئاسۆ حاجی
1378 ژمارەی بینین

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

Azad Azad | 16/09/2018 01:10:21 م
به‌ ته‌ئكید شیعه‌ و ئێران مه‌لا به‌ختیاریان پێ باش نیه‌ له‌تیف ره‌شیدیان پێ زۆر باشه‌..!!! به‌رهه‌میش تازه‌ بگه‌ڕێته‌ ناو یه‌كیه‌تی یان نه‌ هه‌ر وه‌ك...
لە بەربژێرەکانی یەکێتی بۆ سەرۆککۆماری عێراق دوو کەس مانەوە
| 16/9/2018 | (1)
dara hama | 15/09/2018 03:51:53 م
ئه‌گه‌ر بۆ بانگه‌شه‌ نییه‌ 2 مانگ پێش ئێستا بۆ ئه‌و قسه‌یه‌ نه‌كرا ؟؟
دڵشاد شەهاب: پلانی حکومەتە لە نزیکترین کاتدا پاشەکەوتی مووچە بەیەکجاری نەمێنێت
| 15/9/2018 | (1)
سەردار بێرکۆتی | 15/09/2018 12:20:20 م
پرسیارێك؛ بۆ تەنها لە کوردستان دۆڕاو هەردەم وتوویەتی تەزویر کراوە!!
چوار لایەنی کوردستانی: نوێنەرە دڵسۆز و راستەقینەكانتان بنێرنە پەرلەمان
| 15/9/2018 | (1)
Azad Azad | 15/09/2018 08:07:39 ص
كاك موسه‌نا امین والله‌ به‌راستی وه‌ حه‌ق و عه‌داله‌ت ئێوه‌ حه‌قی هیچ پۆستێكی سیادیتان نیه‌ له‌ په‌ڕه‌مانی كوردستان له‌به‌ر ئه‌وه‌ی ئێوه‌ له‌ كاتی...
سەردار بێرکۆتی | 15/09/2018 09:19:52 ص
شایستەیەتی دوکتۆر موسەنا
موسەننا ئەمین: بە بەرکەوتەی نیشتمانی پۆستی جێگری سەرۆکی پەرلەمان مافی یەکگرتووە
| 15/9/2018 | (2)

لە بەشەکانی دیکەی رووداوەوە

سەرۆکی فەڕەنسا: سیستمی تەندروستی وڵاتەکەم دەکەمە یەکەم لە جیهاندا 11 کاژێر لەمەو بەر |

سەرۆکی فەڕەنسا: سیستمی تەندروستی وڵاتەکەم دەکەمە یەکەم لە جیهاندا

ئیمانوێڵ ماکرۆن گۆڕانکاری لە سیستمی تەندروستی زۆرتر
هەوڵەکانی حکومەت بەردەوامن بۆ چاکسازی لە کەرتی تەندروستی 14 کاژێر لەمەو بەر |

هەوڵەکانی حکومەت بەردەوامن بۆ چاکسازی لە کەرتی تەندروستی

بەهۆی بوونی کەموکورتییەکان 30 کەس دەستگیرکراون زۆرتر
چـــامپــیــۆنــتــرس 22 کاژێر لەمەو بەر |

چـــامپــیــۆنــتــرس

بێ زیدان – دۆنێک لە دۆڵێک زۆرتر
0.39 seconds