وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

بیروڕا

بەرپرسیارێتی قۆناغی دوای گشتپرسی

لەلایەن عارف قوربانی 26/9/2017
عارف قوربانى
عارف قوربانى

ئەمڕۆ لەدوای راگەیاندنی ئەنجامی گشتپرسی خەڵكی كوردستان و بردنەوەی بەڵێ‌ بۆ سەربەخۆیی، كوردستان پێی نایە قۆناغێكی ترەوە، رۆژە سەختەكانمان تێپەڕاند، لەمپەر و بەربەستە كۆنكرێتییەكان لەبەردەم ئیرادەی پۆڵاییندا تێكشكان، لێرەوە ئەركی گەورەترمان دێتە پێش، ئەرك و بەرپرسیارێتیەكانی ئەم قۆناغە گەورەترن، بەڵام سەخت نین هێندەی رۆژانی پێش گشتپرسی. ئێمە كە بە ئیرادەیەكی بەهێزەوە بەسەر لوغمە چێندراوەكاندا بەسەركەوتوویی هاتین، بەدڵنیاییەوە ئەركەكانی قۆناغی داهاتووش بەجێ‌ دەگەیەنین و كاروانەكە دەگەیەنینە ئامانج.

رۆژانی پێش گشتپرسی سەخت بوون، كوردستان لەبەردەم تەحەدای زۆر گەورەدا بوو، گوشار و هەڕەشەكانی دونیای دەرەوە و وڵاتانی هەرێمایەتی و بەغدا، لوغمە چێندراوەكانی نێوماڵی خۆمان. خۆشبەختانە هەموویان تێپەڕین و ئیتر جیهان و دەوروبەر بەچاوێكی ترەوە تەماشامان دەكەن، بە ئەندازەی ئەو ئیرادە پۆڵایینەی گەلی كوردستان رێزمان دەگرن. زۆر زووتر لەو چاوەڕوانیانەی هەن، وڵات لەدوای وڵات پابەندێتی خۆی بە پرەنسیپە مرۆییەكان بۆ ئازادی و بەهاكانی دیموكراسی بۆ رێزگرتن لە ئیرادەی گەلان دەستپێدەكەن و سەربەخۆیی كوردستان قبوڵ دەكەن. 

ئەوەی لێرەدا گرنگە، سوودوەرگرتنە لەو دەركەوتانەی چەند مانگی پێش گشتپرسی و رۆژانی بانگەشە هەستمان پێكرد، ئەم پرۆسەیە خزمەتی زۆری كردین بەوەی هەڵە و كەموكورتییەكانی بۆ خستینە سەر سینییەك، گرنگە پێداچوونەوەیەكی خێرا بەو رابردووەدا بكەین كە زۆر ماندووی كردین، دەركەوت چەند بێ‌ پلانین، ئەو مشتومڕ و رێگریانەی هەبوون تا ریفراندۆم لە كەركوك نەكرێت، خوێندنەوەی وردی لێمان دەوێ‌ كە خەریك بوو لە چركەساتێكی مێژووییدا كوردستان بخاتە مەترسیی زۆر گەورەوە. ئاستی دەستوەردانی وڵاتان لە ناوخۆ، زمانی موخاتەبەكردنی یەكتری، رۆڵ و بەرپرسیارێتی میدیا، دیاریكردنی سنووری نێوان ئازادی و فەوزا، ئەمانە و زۆر شتی تر پێویستیان بەوەیە پێیاندا بچینەوە، رێوشوێنێك بگیرێنەبەر كە دڵنیایی دووبارەنەبوونەوەیان دەستەبەر بكات. بەتایبەتیش كە قۆناغەكانی بەردەممان هەستیارتر و ئەركەكانی داهاتوومان گرنگترن. 

ئەمەش بە پلەی یەكەم دەكەوێتە ئەستۆی بارزانی، چونكە ئەگەر لە بنەڕەتەوە ئەوە خواستی خۆیشی نەبووبێت كە ریفراندۆم و پرۆژەی سەربەخۆیی پرۆژەی شەخسی ئەون، وەك لە وتار و لێدوانی كەرنەڤاڵەكانی پشتیوانی لە گشتپرسی چەند جارێك دووپاتی كردەوە، بەڵام ئەوانەی نەیاری پرۆسەكە بوون و دەیانویست بۆ ساردكردنەوەی خەڵك پرۆژەكە بە شەخسەنە بكەن و بیبڕن بە بەژن و باڵای بارزانیدا، بارزانییان كرد بە دامەزرێنەری دەوڵەتی كوردستان. بۆیە ئیتر ئەركی ئەو زۆر لە جاران قورسترە و پێویستە لەو ئاستەدا مامەڵە بكات. بەتایبەتیش كە لە هەلومەرجێكدا ئەم پرۆسەیە بەڕێوەچوو، ناتەباییەكی سیاسی زۆر و كێشە و گیروگرفتێكی ناوخۆیی زۆرمان هەبوون، بەڵام سەرباری كێشەو ناتەباییەكان، جگە لە خەڵكانێكی كەم، زۆرینەی گەلی كوردستان پشتیوانی سەرخستنی پرۆسەكە بوون.  

بارزانی ئەوكات خۆی و بە پشتیوانی ژمارەیەكی كەم لە خەباتگێڕانی میللەتەكەی، رووبەڕووی تەحەدییەكان بووەوە، بە تەحەداوە بەرگەی ئەو هەموو فشار و هەڕەشانەی گرت و چۆكی دانەدا، پێویستە لێرەش بەدواوە بە ئیستسماركردنی ئەو پشتیوانییە گەورەیەی گەلەكەی، خۆی بۆ قۆناغی تازە ئامادە بكات، هەم قۆناغەكە كۆمەڵێك ئەرك و بەرپرسیارێتی تازە لەگەڵ خۆی دەهێنێ‌ و هەم ئەو پشتیوانییە جەماوەری و سیاسییە كۆمەڵێ‌ بەرپرسیارێتی تازە دەخاتە ئەستۆی بارزانی، پێش هەر شت ئەوەی لێدەخوازێت سەركردەیەكی جیاوازتر بێت لە رابردوو. ئەركی ئەوەی دەخاتە ئەستۆ بە ئەمانەتەوە كوردستان بەرێتە قۆناغی دڵنیاییەوە. 

دەستپێكی ئەو دڵنیاییەش لەوەوە دەستپێدەكات ئەم سەركەوتنە بكرێت بە سەركەوتنی گەلی كوردستان، بەوانەی كاریان بۆی كرد و بەوانەشەوە كە لە دژی وەستانەوە. پێویستە لاپەڕەیەكی نوێ‌ لەژیانی سیاسی خەڵكی كوردستان هەڵبدرێتەوە و هەموو هێزە سیاسییەكان لە قۆناغی داهاتوودا ئەرك و بەرپرسیارێتییان بخرێتە ئەستۆ. ئەوانەی بە پاساوی ئەوەی رۆژ و مانگ و كاتەكەیان بە گونجاو نەدەزانی، یاخود قەلەقی ئەوە بوون زەمینەسازی بۆ نەكراوە، یان دەگوترا پێویست بوو لەژێر سەقفی پەرلەماندا بێ نەك سەرۆكایەتی هەرێم، ئەوانەی گومانیان لە سەركەوتنی هەبوو، بە پرسێكی چەواشەكاری و موزایەدەیان دەزانی، تەنانەت بەوانەشەوە كە ژەهریان دەڕشت و رق و كینەیان بڵاودەكردەوە و دووریش نییە لە ئێستاش بەدواوە خەڵكانێك هەر هەبن زووخاو بكەنە قوڕگی خەڵكەوە و رۆژانە پێمان بڵێن قومار بە دەنگەكانتانەوە دەكرێت، پێویستە هەموو ئەو شتانە لە ئێستادا لەبیر بكرێن و هەڵگیرێن بۆ مێژوو، چونكە ئیرادەی گەلی كوردستان بەسەر هەموویاندا سەركەوت. پێویستە ئیتر كوردستان چاو ببڕێتە دووراییەكانی پێش خۆی و تەنها بۆ پەندوەرگرتن ئاوڕ لە دواوە بداتەوە.

لێرەوە ئەركە گرنگەكان دەستپێدەكەن، پێویستە لەلایەك ئەو كەشە سیاسی و میللییەی خەڵكی كوردستان بپارێزرێت و لەهەمانكاتدا بكرێت بە وزەی تەواوكردنی پرۆسەكە لە ئاستی دەرەوە. پێشتر بەشێك لە دژایەتی و نیگەرانی و ناڕەزایەتییەكانی وڵاتان رەنگدانەوەی دۆخی ناوخۆیی هەرێمی كوردستان بوو، كە ناتەبا و دژ بەیەك بووین، لێكەوتەكانی پشتتێكردنی دۆستەكانمان بوو، بەدڵنیاییەوە كە ئیرادەی هەمووشمان پێكەوە بێت، ئاسۆی روونترمان بەڕوودا دەكاتەوە. بارزانی دەبێت ئەوەی لەبەرچاو بێت تا لەناوخۆ پشتیوانی زیاتر بێت، ئاسانتر دەرگاكانی بەڕوودا دەكرێنەوە. تا لە ئاستی جەماوەری، میللەتەكەی لە پشتی بن، لە ئاستی نێودەوڵەتی دەنگی دلێرتر دەبێت. كەواتە لێرەوە ئەولەویەتی كارەكانی ئەوەیە ئەو پشتیوانییە جەماوەری و سیاسییە بهێڵێتەوە. ئەوەش بە پاداشتكردنەوەی خەڵك و هێزە سیاسییەكان پارێزراو دەبێت. 

دوای ئەوەی هێزە سیاسییەكان بە یار و نەیارەوە، بەو هەموو كێشە و ناتەباییە سیاسییەوە بەڵێیان كرد، دوای ئەوەی میللەت بە سكی برسی و دڵێكی بریندارەوە، دەستیان خستە سەر برینەكانیان و بەجۆشەوە كاروانی سەربەخۆییان گەیاند بەم قۆناغە، پێویستە ئیتر بارزانی سەرۆكی پارتی نەبێت، دەبێ‌ بەیەك چاو تەماشای هەموو هێزەكان و خەڵكەكەی بكات. نابێ‌ قۆناغی دوای گشتپرسی و بردنەوەی دەنگی بەڵێ‌ بەهەمان شێواز و عەقڵیەت و بە هەمان سیستەم وڵات بەڕێوە بچێت. نەهێشتنی نادادی، باشكردنی بژێویی خەڵك، هاوبەشی و پێكەوەیی دەبێت ببنە سیما هەرە دیارەكانی داهاتوومان. 

 ئێستا كە هەموومان پێكەوەین، دەرفەتێكی گونجاوە بۆ ئەوەی لە دەرگای جیهان بدەین بۆئەوەی كوردستان لەسەر خوانی نێودەوڵەتی قبوڵ بكەن. پێویستە بارزانی بەم گەرموگوڕییەی باسوخواسی سەركەوتنی كوردستانەوە نامە بۆ نەتەوەیەكگرتووەكان و سەرۆكی هەموو دەوڵەتانی جیهان بنێرێت تا رێز لە ئیرادەی گەلی كوردستان بگرن و دان بەسەربەخۆیی كوردستاندا بنێن. 

کۆمێنتەکان

 
Rebwar | 26/9/2017
Dastxosh,etr hangawnan baraw arka pirozaka, bo away bisalmenin ka kurd La hamu jihan mrovdostana tru shaeany dawlateky Fedrally Kurdstana ka hamu natawakany kurdu turkman u arabu masihiy u hamu aeena jeawazakany ba asuday u eaksany La zher saeay hezy Peshmerga u mrovaeaty azheen
kamran khwaja | 27/9/2017
Dast Xosh barasti ronkrdnawayaki gwana.
کۆمێنتێکی نوێ دابنێ
وەکو میوان کۆمێنت دادەنێی یان بە چوونە ژوورەوە؟
نیشانەکردن : گشتپرسی

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

Ahmad Jamel
Ahmad Jamel | 16/10/2017 09:02:59 م
خیانەت هەموو گەلی کوردی و پیشمەرگەی گریاد
پەرلەمانتارێکی گۆڕان دەقی رێککەوتنی بافڵ تاڵەبانی و ھادی عامری بڵاودەکاتەوە
| 16/10/2017 | (1)
Kori Boukan | 16/10/2017 03:57:51 م
من ته نيا داواكارم كه ئاگاتان له سنوره كانى روژئاوا بىت. هىندىك جولانه وه ى مه ترسىى دار له پيرانشار ديتراوه.
هاشمی: ئەوەی لە کەرکووک روودەدات بە هاوئاهەنگی بافل تاڵەبانی و قاسم سولەیمانییە
| 16/10/2017 | (1)
rzgar | 16/10/2017 01:53:16 م
خودابی پارێزیت
Kardo | 16/10/2017 03:12:53 م
سه لا مه تى بو كاک کوسره ت و هه موو پیشمه رگه ی کوردستان .به نه فره ت بن ئه وانه ی خیانه تیان له کورد و له که رکووک کرد
 برینداربوونی کۆسرەت رەسول رەتدەکرێتەوە
| 16/10/2017 | (3)
Aso | 16/10/2017 11:13:30 ص
ئه گه ر خيانه تى ئه مريكا نه بوايه كورد واى به سه ر نه ئه هات ، تكايه مه كه ونه تاوانبارى يه كترى ، ئه گه ر يه كيتيش باليكى خراپ تصرفى كردبيت ، هه...
حەشدی شەعبی هەوڵی دابڕینی کەرکووک لە هەولێر و سلێمانی دەدات
| 16/10/2017 | (1)

لە بەشەکانی دیکەی رووداوەوە

چۆڵکردنی کەرکووک دەستیپێکردەوە 21 کاژێر لەمەو بەر |

چۆڵکردنی کەرکووک دەستیپێکردەوە

حەشدی شەعبی داوادەکات چۆڵی نەکەن زۆرتر
0.218 seconds