وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

بیروڕا

ده‌نگی ئاشتی هه‌موو شتێكی شكاند

لەلایەن زکری مووسا 29/9/2017
 زكری مووسا
زكری مووسا

ده‌نگدانه‌كه‌ی بیستوپێنجی ئه‌یلوولی گه‌لی كوردستان، ئه‌كتێكی تیرۆریستی نه‌بوو كه‌ سه‌قامگیریی ناوچه‌كه‌ بخاته‌ مه‌ترسی. په‌یامی شۆڤینی و نه‌ژادپه‌رستییش نه‌بوو كه‌ ئاشتیی كۆمه‌ڵایه‌تیی تێكبدات. گشتپرسی بۆمبی هایدرۆژینی نه‌بوو ئاشتی و ئاساییشی نێوده‌وڵه‌تی بشێوێنێت، كرده‌وه‌یه‌كی داگیركارانه‌یش نه‌بوو. گشتپرسی ته‌نیا ده‌نگ بوو، به‌ ئاشتیانه‌ترین شێواز. ده‌نگێكی ره‌وای میلله‌تێكی مه‌زڵووم بوو له‌پێناو ئاشتی و دووباره‌نه‌بوونه‌وه‌ی سه‌د ساڵ كاره‌سات.

پرسیار ئه‌وه‌یه‌ بۆچی كاردانه‌وه‌ی عێراق و وڵاتانی ده‌وروبه‌ر به‌مشێوه‌یه‌ تووند و هیستریانه‌یه‌ له‌به‌رانبه‌ر ده‌نگێكی له‌ راده‌به‌ده‌ر ئاشتیخوازانه‌؟

كێشه‌ی سه‌ره‌كیی گشتپرسی سه‌ركه‌وتنه‌كه‌ی بوو. ئه‌و سه‌ركه‌وتنه‌ ئه‌وه‌نده‌ مه‌زن و پیرۆزه‌ كاریگه‌رییه‌كانی تاج و ته‌ختی شۆڤینییه‌ت و تاییفه‌گه‌ری و خۆبه‌زلزانینی خستووه‌ته‌ له‌رزه‌. سه‌ركه‌وتنه‌كه‌ ئه‌وه‌نده‌ گرانبه‌هایه‌ ده‌بێ ده‌یان كتێب و سه‌دان وتاری له‌سه‌ر بنووسرێت.
سه‌ركه‌وتنه‌كه‌ سه‌ركه‌وتنی ئیراده‌ بوو كه‌ بۆ یه‌كه‌مجاره‌ له‌ مێژووی كوردستان و ناوچه‌كه‌دا رووده‌دات. یه‌كه‌مجاره‌ دانیشتوانی سه‌رزه‌مینێك له‌ رۆژهه‌ڵاتی ناوه‌ڕاست ئازادن له‌ وه‌ڵامدانه‌وه‌ی پرسیارێكی چاره‌نووسساز به‌بێ گه‌ڕانه‌وه‌ بۆ میراتگرانی كۆلۆنیالیزم و ئاخوند و سوڵتان و دیكتاتۆره‌كانی ناوچه‌كه‌، ئه‌مه‌ كرۆكی كێشه‌كه‌ و هۆكاری سه‌ره‌كیی كاردانه‌وه‌ توونده‌كانن.

هه‌ر چوار ده‌وڵه‌ته‌كه‌ برینداری ده‌نگی ئاشتیی گه‌لی كوردستانن. ده‌نگه‌كه‌ تێهه‌ڵدان بوو له‌ رۆحی خۆبه‌زلزانین و هاوكێشه‌ی سه‌ید و عه‌بد و پاشكۆیه‌تی و پله‌ دووبوون. كێشانی زه‌رب بوو به‌سه‌ر باڵاده‌ستی و شۆڤینیه‌تی نه‌ته‌وه‌ ده‌سته‌ڵاتداره‌كان. ئه‌وان بریندارن، چونكه‌ كڵێشه‌ی سه‌دساڵی سته‌مكاریان تێكشكاوه‌. سه‌یر بكه‌ن چه‌نده‌ عه‌قلییه‌تیان پتر فاشیستی بێت ئه‌وه‌نده‌یش كاردانه‌وه‌كانیان تووندتر و هه‌رزه‌كارانه‌تره‌. هه‌ڕه‌شه‌ی خنكاندن و ئابڵۆقه‌ و برسیكردن و ئاگر ده‌كه‌ن، كه‌ به‌ هیچ شێوه‌یه‌ك زمانێكی سه‌رده‌میانه‌ نییه‌.

لێره‌دا به‌ ئه‌نجامێكی دیكه‌یش ده‌گه‌ین كه‌ گه‌لی كوردستان له‌ تاقیكردنه‌وه‌ی به‌هاكانیشدا سه‌ر كه‌وتووه‌. به‌هاكانی نه‌خوێنده‌وارێكی كوردستان له‌ به‌های زه‌عیم و ئایه‌توڵڵا و رۆشنفكره‌كانیان به‌رزتره‌. ئه‌مه‌ شكستی كولتووری سه‌دساڵه‌ی داگیركارانه‌ له‌ ناوچه‌كه‌دا، كه‌ سیاسییه‌ باڵاكانیان ته‌وازوونی ده‌روونیان نییه‌ و نازانن بدوێن و ناتوانن له‌گه‌ڵ ده‌نگی ئاشتیدا مامه‌ڵه‌ بكه‌ن.

هۆكارێكی دیكه‌ی توندبوونی كاردانه‌وه‌كان كێبڕكێی سالارانی شۆڤینیه‌ته‌ له‌ ناوخۆی وڵاتان. كامه‌یان شۆڤینیتره‌، ئه‌و مه‌حبووبتره‌ و براوه‌ی هه‌ڵبژاردن ده‌بێت. ئه‌مه‌ ده‌رئه‌نجامێكی زۆر نیگه‌تیڤی ده‌بێت له‌سه‌ر تێكدانی ئاساییشی كۆمه‌ڵایه‌تیی ناوخۆی وڵاته‌كانیشیان. سه‌به‌بێكی دیكه‌ی توندبوونی هه‌ڵوێسته‌كان كێبڕكێی خودی ئه‌و وڵاتانه‌یه‌ كه‌ هه‌ر كامه‌یان خۆیان به‌ خاوه‌نی كێكی عێراق ده‌زانن، وا ده‌زانن كامه‌یان تووندتر بێ ئه‌و پشكی زیاتری له‌و كێكه‌ به‌رده‌كه‌وێت.

كۆمه‌ڵگه‌ی نێوده‌وڵه‌تی بۆ وا بێده‌نگ و سارده‌؟

 له‌ راستیدا ئه‌و سه‌ركه‌وتنه‌ی گه‌لی كوردستان كۆمه‌ڵگه‌ی نێوده‌وڵه‌تی تووشی شۆك كردووه‌. هیچكامێكیان ته‌وه‌قوعی ئه‌وه‌یان نه‌ده‌كرد كه‌ كوردستان وا پێداگیر و پته‌و ده‌نگ ده‌دات و سه‌رده‌كه‌وێت. ئه‌م سه‌ركه‌وتنه‌ هێڵه‌گشتییه‌كانی یاسای نێوده‌وڵه‌تی و ستراتیژیی زلهێزه‌كان و چه‌مكی سه‌روه‌ریی خستووه‌ته‌ ژێر پرسیاری جه‌وهه‌ری. ئه‌وه‌ی كوردستان كردی ده‌روازه‌یه‌ك ده‌بێت بۆ سه‌رله‌نوێ داڕشتنه‌وه‌ی عورف و یاسای نێوده‌وڵه‌تی. هۆكارێكی دیكه‌ی بێده‌نگیی كۆمه‌ڵگه‌ی نێوده‌وڵه‌تی سه‌رسووڕمان و هه‌زمنه‌كردنی هه‌ڵوێستی نامرۆڤانه‌ و بڕیاره‌ ناده‌قیقه‌كانی وڵاتانی داگیركاری كوردستانه‌ له‌دژی ده‌نگی ئاشتیی كوردستان. كۆمه‌ڵگه‌ی نێوده‌وڵه‌تی له‌ سڕبوونێكدا ده‌ژیێت و چه‌ند رۆژێكی دیكه‌ی ده‌وێت هه‌تا بتوانێ هه‌ڵوێست وه‌ربگرێت.

چی رووی داوه‌ و كوردستان ده‌بێ چی بكات؟

كوردستان به‌ شێوه‌یه‌كی سه‌رسوڕهێنه‌ر سه‌ركه‌وت و ده‌بێ پارێزگاری له‌و سه‌ركه‌وتنه‌ بكات. كوردستان به‌ ئاشتی سه‌ركه‌وت و ده‌بێ زمانی ئاشتی و حیوار له‌پێناو مسۆگه‌ركردنی هه‌نگاوه‌كانی دیكه‌ بپارێزێت. هه‌ڕه‌شه‌ و گوڕه‌شه‌كان ناده‌قیقن و عه‌مه‌لی نین و كاتیی ده‌بێت. به‌ڵام له‌گه‌ڵ ئه‌وه‌یشدا سه‌ركردایه‌تیی سیاسیی كوردستان ده‌بێ حسابی هه‌موو ئه‌گه‌رێك بكات و له‌گه‌ڵ كاركردن به‌ مه‌نتقی حیوار و ئاشتی كار بۆ پته‌وتركردنی ئه‌و یه‌كڕیزییه‌ی ناوخۆ بكات، كه‌ له‌ ئه‌نجامی گشتپرسی هاتووه‌ته‌ كایه‌وه‌.

چه‌نده‌ داگیركاران گرژ و تووند بن و شۆڤێنیه‌ت و تاییفه‌گه‌ری تاویان بدات، ئه‌وه‌نده‌یش له‌ قازانجی سه‌ركه‌وتنه‌كه‌ی گه‌لی كوردستان ده‌بێت و پشتگیریی جیهان زیاتر ده‌بێ. ده‌بێ له‌وه‌یش دڵنیا بین كۆمه‌ڵگه‌ی نێوده‌وڵه‌تی رێگه‌ نادات تووندوتیژی و كرده‌ی سه‌ربازی له‌دژی كوردستان رووبدات. ئه‌گه‌ر ئه‌وه‌ رووبدات و جیهان بێده‌نگ بێت، دۆڕاوی سه‌ره‌كی ئه‌مه‌ریكا و رۆژئاوا ده‌بێت. كوردستان سه‌نگه‌ری جیهانی ئازاده‌ و ئه‌و سه‌نگه‌ره‌ نابێ بشكێت.

کۆمێنتەکان

 
Rebwar | 29/9/2017
Long live Kurdistan state.Long live Kurdish nation
east | 30/9/2017
دەست‌خۆش.... رێک راستیەکانت گوت. بەڵام یەک شت لەبیر نەچێ کە سەرکەوتنی گشتپرسی کوردستان ئاشکرای کرد کە ماڤی مرۆڤ یانی بەرژەوەنی زڵهێزەکان و تەنیا یەک دروشمە کە بەکاری دەهێنن بۆ گەیشتن بە ئامانجەکانی خۆیان. ئەوەش بزانین کە لە کۆنەوە گوتویانە: دوونیا یا زۆردار دەیخوا یا بێ‌عار.
کۆمێنتێکی نوێ دابنێ
وەکو میوان کۆمێنت دادەنێی یان بە چوونە ژوورەوە؟
نیشانەکردن : گشتپرسی

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

rzgar | 16/10/2017 01:53:16 م
خودابی پارێزیت
Kardo | 16/10/2017 03:12:53 م
سه لا مه تى بو كاک کوسره ت و هه موو پیشمه رگه ی کوردستان .به نه فره ت بن ئه وانه ی خیانه تیان له کورد و له که رکووک کرد
 برینداربوونی کۆسرەت رەسول رەتدەکرێتەوە
| 17 کاژێر لەمەو بەر | (3)
Aso | 16/10/2017 11:13:30 ص
ئه گه ر خيانه تى ئه مريكا نه بوايه كورد واى به سه ر نه ئه هات ، تكايه مه كه ونه تاوانبارى يه كترى ، ئه گه ر يه كيتيش باليكى خراپ تصرفى كردبيت ، هه...
| 21 کاژێر لەمەو بەر | (1)
فرهاد | 16/10/2017 10:49:00 ص
بو هه مو كورديكي به شه ره ف. بو داتيشتواني شاري سليماني ، هه ولير ، دهوك تكا يه هه موتان برژينه سه ر شه قامه كان داواي مافي خوتان بكه ن هه ردو...
فەرماندەیی پێشمەرگە: ئەوەی لەدەستتان دێت بۆ پاراستنی کەرکووک بیکەن
| 19 کاژێر لەمەو بەر | (1)
Rebwar | 16/10/2017 10:13:23 ص
Dastxosg, Shikrdnawaeaky Lozhikit krduwa bo rasteakan
 لە (دووکان)، کەرکوک فرۆشرا؟
| 19 کاژێر لەمەو بەر | (1)

لە بەشەکانی دیکەی رووداوەوە

سامانە سرووشتییەکان: هەناردەکردنی نەوتی کەرکووک ناوەستێت 17 کاژێر لەمەو بەر |

سامانە سرووشتییەکان: هەناردەکردنی نەوتی کەرکووک ناوەستێت

"رێککەوتن لەگەڵ حکومەتی عێراق کراوە" زۆرتر
گۆڕان داوای کشانەوەی هێزە عێراقییەکان لە کەرکووک دەکات 17 کاژێر لەمەو بەر |

گۆڕان داوای کشانەوەی هێزە عێراقییەکان لە کەرکووک دەکات

"ناكرێ گشتپرسی بكرێتە پاساو بۆ هێرشکردنە سەر خەڵک" زۆرتر
0.125 seconds