وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

جیهان

یۆنان؛ شوێنی گیرخواردنی كۆچبەران

لەلایەن زامدار ئەحمەد 7/12/2017
هێدی ئیسماعیل
هێدی ئیسماعیل

رووداو - هەولێر

هەموو خەون و خەیاڵی هێدی گەیشتنە بە ئەوروپا، سێ جار كوردستانی بەرەو ئەوروپا جێهێشتووە. لە دوو جاری سەرەتادا سەركەوتوو نەبوو، جاری سێیەم، توركیای بەرەو یۆنان جێهێشت و دوو مانگ و نیوە‌ لە ئەسینای پایتەخت گیری خواردووە و رێگەی چوونە ئیتاڵیای نییە.

هێدی ئیسماعیل، ساڵی 2015 لە كوردستانەوە بە ئاواتی گەیشتنە ئەوروپا بەڕێكەوت، وەلێ لەسەر سنووری توركیا و یۆنان، لەلایەن پۆلیسی توركیاوە دەستگیركرا و دیپۆرتی كوردستان كرایەوە. ساڵی دواتر و بۆ جاری دووەم رووی لە توركیا كردەوە، لەدوای چەند جارێك هەوڵدان، هەر نەگەیشتە یۆنان و بە ناچاری گەڕایەوە كوردستان.

هێدی لە سەرەتای مانگی ئابی ئەمساڵ، دیسان لە هەولێرەوە بەرەو ئیستانبوڵ بەڕێكەوت، ئەمجارەش لەناو شاحینە لەگەڵ 40 كۆچبەری دیكە دەستگیركرا، بەڵام خۆی وەكو سووری بە پۆلیس ناساند، لەبەرئەوە ئازاد كرا. 

ئەو كۆچبەرە چیرۆك و سەرگوزەشتەی رۆیشتن و خراپیی دۆخی ژیانی لە یۆنان بۆ (رووداو) گێڕایەوە و گوتی: "لە توركیا پەیوەندیمان بە قاچاخچییەوە كرد و لەدوای 40 شەو لە چاوەڕوانی، 75 كۆچبەری كورد و دوو كۆچبەی فارس و دوو كۆچبەی پاكستانی لە ئیستەنبوڵەوە بە شاحینە بەڕێكەوتین، لەدوای‌ نزیكەی چوار كاژێر گەیشتینە ئەدرنە، بەپەلە دەستمانكرد بە رۆیشتن، بە دەشتاییەكی چۆڵدا و بەنێو داروزەوەندێكی زۆر چڕوپڕدا گەیشتینە ئاوبڕی سنووری توركیا و یۆنان".

ئەو كۆچبەرە بڕی 2200 دۆلاری لە نووسینگە داناوە لەپای گەیشتنی بە یۆنان. وەلێ لەسەرەتاوە لەلای ئاوبڕی سنوور، كێشە و ئاریشە رووی تێكردوون، لەو 75 كۆچبەرە تەنیا حەوت كۆچبەریان سەڵت بوون، ئەوانی دیكە ژن و منداڵیان لەگەڵ بووە. سەرەتا ئەو گەنجانە و سێ كەسی دیكە لە ئاوەكە پەڕینەوە، واتە 10 كۆچبەر لەنێو بەلەمێكدا، ئەگەرچی جێگای پێنج كەس دەبووەوە، لەدوای پەڕینەوەیان و بڕینی سنووری یۆنان، بەلەمەكەیان ناردووەتەوە‌ بەری توركیا و بە گوریسێك بەلەمەكەیان بە 10 كۆچبەرەوە راكێشاوە، بەمشێوەیە ژن و منداڵ و پیاوەكانی سنووری توركیایان رادەكێشا، لەدوای راكێشانی سێ بەلەم، گوریسەكەی دەستیان پسا و كەڵكی راكێشانی 40 كۆچبەرەكەی دیكەی نەما. لەبەرئەوە، رێبەرەكەیان بە مەلەكردن، بەلەمەكەی دەهێنا‌ و كۆچبەرەكانی لە سنووری یۆنان دادەبەزاند. بەمجۆرە چوار بەلەمەكەی دیكە گەیاندرانە نێو خاكی یۆنان.

لە سنوورەوە بەخێرایی خۆیان گەیاندە گوندێكی بچووكی سەر سنوور، لەدوای نیو كاژێر لە چاوەڕوانی، شاحینەی یۆنانی هات و سوار بوون و حەوت كاژێر رێیان كرد تا گەیشتنە شاری سالۆنیك، لە ئۆتۆبانێكی چۆڵ و خاڵی لە هەموو شتێ دایانبەزاندوون. هێدی دەڵێ: "كەس بە كەس نەبوو، دەتگوت رۆژی حەشرە، كەس ئاگای لە ‌كەس نەما، نەشارەزا و بێكەس هەمووی لە دەوری یەك خڕبوونەوە. دوای ماوەیەكی كەم، پۆلیسی یۆنانی هاتن و گشتمان دەستگیركراین".

ئەو كۆچبەرە پێش ئەوەی كوردستان بەجێبێڵێ، پێشمەرگە بووە، ئێستاش لە ترۆپكی ماندوویی و بێتاقەتیدا قسە دەكا. ئەوان دوو رۆژ لە زیندانێكی وەكو خۆی گوتەنی پیس و بۆگەن، بەند كراون. پاشان مۆڵەتی مانەوەی مانگێكیان پێدراوە. هێدی دەستبەجێ لەگەڵ هاوڕێیەكی تكتی پاسی نێوان سالۆنیك و ئەسینای بە 45 یۆرۆ بڕیوە و كاژێر 11ی شەو بەڕێكەوتووە، لەدوای حەوت كاژێر، گەیشتە ئەسینا.

ئەو كۆچبەرە دیمەنی دیوارە نووسراوەكانی ناو زیندانی لەبیرە، بەتایبەتی ئەو تێكستەی لە بیری خۆیدا تۆمار كردووە كە نووسراوە: "چوومە هەر وڵاتێك، بە زیندانەكانی ئاشنا بووم، نەك بەخۆشی و ئازادییەكەی، نەفرەت لەم ژیانە".

هێدی رۆژانە سەردانی ئەم كافێ و ئەو كافێ دەكات بۆ ئەوەی قاچاخچییەكی باش بدۆزێتەوە و بیگەیەنێتە ئیتالیا، ئەگەرچی بەشێك لە قاچاخچییەكان دەڵێن بە نزیكەی 6000 یورۆ دەتنێرین، بەڵام ئەو رێككەوتنانە سەرناگرێ و باوەڕی وایە تەواوی قسەكانیان درۆیە.

ئەو كۆچبەرە ماوەی دوو مانگ و نیوە چاوەڕوانە و دۆخی دەروونی و جەستەیی خراپ و شپرزەیە، لەلایەك لە چاوەڕوانیی رۆیشتندایە و لەلایەكی دیكەش رۆژانە خەرجییەكی زۆر دەكات، بە هۆتێل و خەرجیی خواردن.

هێدی، تەنیا دوو رێگەی بۆ جێهێشتنی یۆنان لەبەردەمدایە، یەكەمیان رێگەی ئاوییە بە یەخت‌ كە 50 – 70 كۆچبەر دەخزێننە ناوی و‌ 48 كاژێر لەنێو ئاودا دەبن. رێگەی دووەم، رۆیشتنە لەڕێگەی شاحینەوە، بۆ ئەو مەبەستەش پێویستە بچێتە گۆڕەپانی كۆمەنزیا كە حەوت كاژێر لە ئەسیناوە دوورە، لە كۆمەنزیاش دەرفەتی چوونە نێو شاحینە زۆر كەمە، ئەگەر بچنە نێو شاحینە، شاحینەكە دەچێتە نێو باخیرە و بە نزیكەی 12 كاژێر دەگاتە ئیتالیا.‌ هەر كۆچبەرێكیش بچێتە كۆمەنزیا و دەستگیر بكرێ، لەسەر خەرجی خۆی دەیگەڕێننەوە ئەسینا.

هێدی دڵتەنگ و خەمبارە، ئایندەی ناڕوون و نادیارە، پێیانگوتووە تا ساڵی نوێ بەهیچ شێوەیەك رێگەی رۆیشتن نییە و رێگاكان داخراون. لەهەمانكاتدا، مانگ و نیوێكە بە قاچاخ لە یۆنان ماوەتەوە، چونكە تەنیا دەرفەتی یەك مانگ مانەوەیان پێدابوو، ئەگەر دەستگیر بكرێ، رەنگە بۆ ماوەی دوو مانگ بەند بكرێ.

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

sarkawt saeed | 17/07/2018 08:16:27 ص
زۆر بە داخە وە دووبارە بە کوشت دانی کورد له پێناو ولاتێکی بێ خێر و هیچ
شاخه‌وان | 18/07/2018 07:38:43 ص
به‌ هه‌مووی دوو ئه‌مريكي نه‌بوون به‌شدار بوون و ته‌ياره‌كانيش ته‌نها بۆ پۆز هاتبوون گه‌رنا 5 پيشمه‌رگه‌ شه‌هيد نه‌ده‌بوون. ئه‌مريكي ته‌نها بۆ...
وردەکاریی ئۆپەراسیۆنەکەی پێشمەرگە و هاوپەیمانان لە چیای قەرەچووغ
| 16/7/2018 | (4)
سێنیار بامەڕنی | 17/07/2018 09:06:45 م
دوور لە سیاسەت و مەرامە گڵاوەكانی سیاسیەت، من لە رووی مرۆڤایەتییەوە ئەم پەیامە ئاراستەی (نادیە موراد و نەتەوە یەكگرتووەكان) دەكەم و دەڵێم: من كەسێكی...
رزگاركەری نادیە موراد داوای یارمەتی دەكات
| 17/7/2018 | (1)
معتصم شوانی | 10/07/2018 06:30:40 م
ئه‌زانن ئه‌م هه‌واڵه‌ی ئێوه‌ ڕوون نییه‌؟
Danar | 17/07/2018 07:11:34 م
کەی کەم ئەندام دابەش دەکرێت
 دابەشکردنی مووچەی بەشێک لە خانەنشینان راگەیێندرا
| 9/7/2018 | (3)
Khoshi Tahir | 17/07/2018 03:15:00 م
بە قوربانی هەموو پێشمەرگەکان بم
شیخ محمد امین | 17/07/2018 04:59:57 م
ئه ی پیشمه رگه ، که ی بو حه شدی شه عبی چول ده که ن؟ ولله حه یفم دیتی و دلم ده تاویته وه بو شه هیدانی ئه م شه ره و خه لک ده بی لیپرسینه وه ی توند له...
ئۆپەراسیۆنی پێشمەرگە بە پاڵپشتی هاوپەیمانان لە قەرەچووخ کۆتاییهات
| 17/7/2018 | (2)

لە بەشەکانی دیکەی رووداوەوە

هەڕەشەی کوشتن لە دەرمانسازێک دەکرێت 18/7/2018 |

هەڕەشەی کوشتن لە دەرمانسازێک دەکرێت

دەرمانسازەکە پێشتر تەزویرچییەکی دەرمانی بۆ زۆرتر
تویتە ناسازەكانی ترەمپ بازاڕی وزە دەشێوێنن 17/7/2018 |

تویتە ناسازەكانی ترەمپ بازاڕی وزە دەشێوێنن

بەرزبوونەوەی نرخی نەوت بە ناڕاستەوخۆ زیانی بۆ زۆرتر
حکومەتی عێراق هۆشداری دەداتە ئەو خۆپیشاندەرانەی هێرشدەکەنە سەر دامەزراوەکانی  15/7/2018 |

حکومەتی عێراق هۆشداری دەداتە ئەو خۆپیشاندەرانەی هێرشدەکەنە سەر دامەزراوەکانی

خۆپیشاندەران داوای جێبەجێکردنی داواکارییەکانیان زۆرتر
0.422 seconds