وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

جیهان

ناکۆکی نێوان پەرلەمان و حکومەتی بەریتانیا لەسەر برێکزیت قووڵبووەتەوە

لەلایەن رووداو 9/1/2019
یەکێتیی ئەوروپا رەتیدەکاتەوە رێککەوتنەکەی لەگەڵ بەریتانیا بە رەشنووس ناوزەدبکات

رووداو - بەریتانیا 

تادێت کاتی دەرچوونی بەریتانیا لە یەکێتیی ئەوروپا (برێکزیت) نزیکتر دەبێتەوە و، ناکۆکی نێوان پەرلەمان و حکومەتی بەریتانیاش لەسەر ئەو بابەتە قوڵتر دەبێتەوە.
 

رێککەوتنێک سەبارەت بە پەیوەندییەکانی داهاتووی بەریتانیا و یەکێتیی ئەوروپا هەیە، کە یەکێتیی ئەوروپا رەتیدەکاتەوە بە رەشنووس ناوی ببات و، لەو باوەڕەدایە بابەتەکە کۆتایی پێهاتووە و پەیوەندییەکانی نێوانیان لەسەر ئەو بنەمایە بەردەوام دەبن. یەکێتیی ئەوروپا سوورە لەسەر ئەوەی: رێککەوتنەکە دەستکاری ناکرێت و، قسەی زیاتریش هەڵناگرێت. 

مانفرێد وێبەر، رێبەری پارتی گەلی ئەوروپی لە پەرلەمانی یەكێتیی ئەوروپا دەڵێ "بەروارەکە روونە. هیچ ئامادەکارییەک نییە بۆ هیچ جۆرە گفتوگۆی زیاتر یان گۆڕینی گفتوگۆکان کە لە سەر مێزن. ئێستا لە سەر لایەنی بەریتانییە کە بڕیار بدات".

بەڵام لە بەریتانیا رێککەوتنەکە هێشتا وەکو رەشنووسێک سەیردەکرێت، چونکە پێویستە پەرلەمان دەنگی لەسەر بدات و پەسەندی بکات. ئەمەش ئەوەیە کە تێرێزا مەی، سەرۆکوەزیرانی بەریتانیا لێی دەترسێت، چونکە نەک هەر پارتی کرێکاران کە پارتی ئۆپۆزیسیۆنە، بەڵکو بەشێک لە ئەندامانی پارتی پارێزکارانیش، کە پارتەکەی تیریزا مەیە، بەگشتی لەگەڵ برێکزیت و بەتایبەتیش لەگەڵ رێککەوتنەکە نین و لەو باوەڕەدان لە بەرژەوەندیی بەریتانیادا نییە. 

بەڵام مەی، لەسەر بڕیاری خۆی بۆ تێپەڕاندنی رێککەوتنەکە و جێبەجێکردنی برێکزیت سوورە. ئەو دەیەوێت ترسی گەورەی نەیارانی ناوخۆ کە دروستبوونی قەیرانی پەیوەست بە تەندروستییە، بڕەوێنێتەوە و باس لە سوودە داراییەکانی برێکزیت دەکات.

تێریزا مەی، سەرۆکوەزیرانی بەریتانیا دەڵێ "لە ماوەی پێنج ساڵی داهاتوودا بودجەی تەندروستیی ئینگلاند تاوەکو 20 ملیار و 500 ملیۆن پاوەند زیاددەبێت بە بەراورد بەمڕۆ. ئەمەش جێبەجێ دەبێت لەبەر داراییە گشتییە بەهێزەکانمان و لەبەر ئەوەی ئێمە یەکێتیی ئەوروپا جێدێڵین و کۆنترۆڵی پارەی خۆمان دەگرینەوە دەست و چیدیکە ساڵانە بڕە پارەیەکی زۆر نانێرین بۆ برۆکسل. ئەوەی گرنگە ئەوەیە؛ ئێمە بێ هیچ زیادکردنێکی باجەکانی خەڵک ئەمە ئەنجامدەدەین".

پشتگرینەکردنی پەرلەمان لە رێککەوتنی برێکزیت داهاتووی پەیوەندیی نێوان بەریتانیا تەمومژاویتر دەکات؛ لە ئەگەری روودانی ئەم سیناریۆیەدا، بۆچوونێک هەیە کە داوای ئەنجامدانی گشتپرسییەکی دیکە دەکات تاوەکو بەهۆیەوە بەریتانیا لە برێکزیت پەشیمان ببێتەوە، بۆچوونێکی دیکەش هەیە داوا دەکات برێکزیت بێ رێککەوتن جێبەجێ بکرێت، چونکە بە بڕوای ئەوان نەبوونی هیچ رێککەوتنێک، لەوەی ئێستا باشترە.

 

 

پێداچوونەوە: هەڵات رێبوار


ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

Azad Azad | 16/03/2019 03:46:26 م
والله‌ وه‌بیلاهی گه‌ر پارتی نیوه‌ی پۆسته‌كانی خۆشیان بداته‌ یه‌كیه‌تی به‌ته‌ئكید یه‌كیه‌تی له‌ به‌ینی خۆیان ڕێك ناكه‌ون باشتر وایه‌ پارتی هه‌وڵ و...
یەکێتی: بەشداریمان لە کابینەی نوێی حکومەت پەیوەستە بەوەی هاوبەشێکی راستەقینە بین
| 16/3/2019 | (1)
ئیسماعیل عەبدوڵا | 16/03/2019 08:51:18 ص
چۆن بتوانم دەنگ بدەم؟
Azad Azad | 16/03/2019 08:57:23 ص
هونەری فیلمی دۆکیومێنتاری لەبارەی ئازارەکانی گه‌لی كورد به‌گشتیی به‌درێژای ١٠٠ ساڵی ڕابرد و کیمیا باران کردنی هەڵەبجە و ئەنفال و کۆمەڵکوژی کردنی...
لە بەریتانیا فیلمێکی دۆکیومێنتاری لەبارەی کیمیابارانی هەڵەبجە نمایشکرا
| 16/3/2019 | (2)
mohammad kurdish kurdstan | 15/03/2019 03:25:34 م
أن شاءالله‌ بۆخاتری عه‌رشی په‌روه‌ردگاری پیرۆز به‌م رۆژی هه‌ینیه‌ هه‌رچی بكوژان و تاوانانی ئه‌م ڕووداوه‌ بوون سه‌رشۆر و ریسوا ودونیا و قیامه‌تبن أن...
حكومه‌تى هه‌رێمى كوردستان بەتووندی سه‌ركۆنه‌ى هێرشه‌كه‌ى نیوزلەندا ده‌كات
| 15/3/2019 | (1)
REALMADRIDCF | 15/03/2019 02:34:00 م
ئەگەرلەسەردەستی پێرێزڕیاڵ مەدریدهەڵنەستایەوەئەواهاندەران دەیان هەوێت دەست لەکار بکێشێتەوە
پلانێکی شاهانە لە یانەی شاهانە
| 26/2/2019 | (1)
0.484 seconds