وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

جیهان

دۆناڵد ترەمپ: هیچ رێککەوتنێکم لەگەڵ رووسیا نییە

لەلایەن عومەر شایان 11/1/2017
دۆناڵد ترەمپ، سەرۆکی هەڵبژێردراوی ئەمریکا

رووداو- هەولێر

سەرۆکی هەڵبژێردراوی ئەمریکا لە یەکەم کۆنفرانسی رۆژنامەڤانی خۆیدا لەدوای ئەوەی بە سەرۆکی ئەمریکا هەڵبژێردرا تیشکی خستە سەر کارە بازرگانییەکانی و دەستێوەردانی رووسیا لە هەڵبژاردنی سەرۆکایەتی ئەمریکا. ئەو گوتی: "هیچ رێککەوتنێکم لەگەڵ رووسیا نییە و تەنیا دەبمە سەرۆکی ئەمریکا و لە بازرگانی دوور دەکەومەوە".

دۆناڵد ترەمپ لە قسەکانیدا سەبارەت بە رووسیا و راپۆرتی دەزگا هەواڵگرییەکانی ئەمریکا لەبارەی دەستێوەردانی ئەو وڵاتە لە هەڵبژاردنی سەرۆکایەتی ئەمریکا وکۆبوونەوەی لەگەڵ دەزگا هەواڵگرییەکان گوتی: "کۆبوونەوەکان کۆبوونەوەی تایبەتی بوون و بێگومان ناتوانین هەندێک لە زانیارییەکان بڵاوبکەینەوە، ئەوانەی بڵاوکرانەوە هەمووی هەواڵی ساختەن و ئەو شتانەی دەربارەی من گوتراون هیچی راست نین و ئەوانەی بڵاویانکردووەتەوە دژی من بوون".

سەرۆکی هەڵبژێردراوی ئەمریکا گوتی: "ئەوان نەیاری من و کەسانی نەخۆشن و هەمیشە بەم شێوەیە هەواڵ بڵاودەکەنەوە، ئەم هەواڵانە نەدەبوو لەنێو هیچ دام و دەزگایەکی میدیاییەوە بڵاوبکرانایەوە چونکە بەڕاستی ئەمە شەرمێکی زۆر گەورەیە کە شتی وا بڵاودەکرێتەوە".

سەبارەت بە رۆڵی رووسیا، دۆناڵد ترەمپ گوتی: "ئەوەی پەیوەندی بە رووسیاوە هەیە دەکرێت هێرشە ئەلیکترۆنییەکان لەلایەن رووسیاوە ئەنجام درابێت، بەڵام دەکرێت لەلایەن وڵاتانی دیکەیشەوە کرابێت، دەزانین کە ژمارەیەکی زۆر هاککەر خەریکی ئەنجامدانی هێرشە ئەلیکترۆنییەکانن، لەبەر ئەوە پێموایە دەکرێت رووسیا ئەو کارەی کردبێت و دەکرێت هاککەرانی چینیش ئەو کارەیان ئەنجام دابێت، هێرشی ئەلیکترۆنی پێموانییە شتێک بێت کە تەنیا لە ئەمریکا بێت".

دۆناڵد ترەمپ گوتی: "کۆمیتەی نیشتمانی دیموکراتەکان نەیتوانیبوو کە ستراتیژیەتێکی باش دابنێت بۆ ئەوەی رێگا نەدەن کۆمپیوتەرەکانیان هاک بکرێت و ئەوە بوو کە توانیان هێرشەکە ئەنجام بدەن. ئەوان هەوڵیاندا کۆمیتەی نیشتمانی کۆمارییەکانیش هاک بکەن و زانیارییان دەست بکەوێت بەڵام نەیانتوانی. پوتین و بەرپرسانی رووسیاش گوتویانە کە ئەو هەواڵانە دوورن لە راستییەوە و من رێز لەو هەڵوێستەیان دەگرم".

سەرۆکی هەڵبژێردراوی ئەمریکا ئاماژەی بەوەکرد کە: "شتی زۆر لەوە زیاتر لەبارەی منەوە وترا لەوەی لەبارەی هیلارییەوە دەگوترا، بەڵام لەو هێرشە نەشیاوانەدا شتی زۆر وروژێندرا لەبارەی سیاسەتی دیموکراتەکان و ئەمە شتێکی زۆر زۆر خراپ بوو".

سەبارەت بە پەیوەندییەکانی لەگەڵ رووسیا دۆناڵد ترەمپ گوتی: "رووسیا دەتوانێت یارمەتیدەرمان بێت بۆ ئەوەی کۆتایی بە داعش بهێنین، دەسەڵاتی ئۆباما لەکاتێکدا کۆتایی دێت کە شەڕ لەگەڵ داعش هێشتا بەردەوامە، نازانم سیاسەتم لەبەرامبەر رووسیا چۆن دەبێت و هیوادارم بگەینە ئەنجامێکی باش و بگەینە رێککەوتنێک لەگەڵ پوتین بۆ ئەوەی بتوانین کێشەکان چارەسەر بکەین، بەڵام ئایا هیچ کەسێک لەنێو ئێوەدا هەیە کە پێیوایە هیلاری لەمن تووندتر بوو لەبەرامبەر پوتیندا؟".

دۆناڵد ترەمپ رەتیکردەوە رێککەوتنی لەگەڵ رووسیا هەبێت و گوتی: "من هیچ رێککەوتن و هیچ شتێکم لەگەڵ رووسیا نییە، ئێمە دەکرێت لەگەڵ رووسیا بگەینە چەند رێککەوتنێک و دەکرێت یارمەتیدەری یەکتر بین بەڵام تاوەکو ئێستا هیچ شتێکم لەگەڵ رووسیا نییە".

سەرۆکی هەڵبژێردراوی ئەمریکا سەبارەت بە کارە بازرگانییەکانی و بەڕێوەبردنی وڵات گوتی: "لەماوەی چەند رۆژی رابردوودا نزیکەی دوو ملیار دۆلارم خرایە بەردەم بۆ ئەوەی کە چەند رێککەوتننامەیەک واژۆ بکەم و رێککەوتننامەکانیش لە رۆژهەڵاتی ناوەڕاستەوە هاتبوون، ئەو کەسێک بوو کە لە رۆژهەڵاتی ناوەڕاست بازرگانی دەکات و داوایان لێکردم چەند پرۆژەیەک لە دوبەی ئەنجام بدەم بەڵام من رەتمکردەوە، چونکە بەڕاستی نامەوێت لەم کاتەدا خاڵێکی نیگەرانیکەر جێبەجێ بکەم".

دۆناڵد ترەمپ هەروەها گوتی: "من نامەوێت سوود لە پێگە و دەسەڵاتی خۆم وەربگرم بۆ بازرگانی، من خاوەنی کۆمەڵە شتێکم کە کەسانی دیکە نیانە، بۆیە دەزانم چی دەکەم و سنووری دەسەڵاتەکانم وەک سەرۆکی ئەمریکا کامانەن، من دەمتوانی کە کاری بازرگانیم راپەڕێنم و لەهەمانکاتیشدا کاری دەوڵەت، بەڵام نامەوێت بەو جۆرە بێت، دەمەوێت تەواوی هەوڵی خۆم بخەمە گەڕ وەک سەرۆکی ئەمریکا بۆ ئەوەی کارەکانی خۆم بەشێوەیەکی سەرکەوتوو راپەڕێنم".

دۆناڵد ترەمپ، سەرۆکی هەڵبژێردراوی ئەمریکا لە رۆژی 20-1-2017 لە رێوڕەسمێکدا لە واشنتن وەک سەرۆکی ئەمریکا دەستبەکار دەبێت.


ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

mustafa | 20/07/2017 01:42:50 م
بەرێز کاک ابراھیم..بەداخەوە کە ھیچ لە ولاتانی دراوسێی کوردستان ھەست بەمەترسیی لەناوبردنی گەلی کورد ناکات کە سەدەیەک زیاترە روبەروی ئەوگەلە ستەم...
سەرۆکایەتیی تورکیا: گشتپرسی لە بەرژەوەندی عێراقدا نییە
| 8 کاژێر لەمەو بەر | (1)
احمد حسن زێڕۆ | 20/07/2017 10:47:21 ص
چاوی په‌نجا نه‌خۆشیان كوێر كرد ڕۆژانه‌ش ئه‌م حاله‌تانه‌ ڕوده‌ده‌ن وه‌زیری ته‌ندروستی له‌ بری ده‌ستله‌كاركێشانه‌وه‌ی ئه‌ونه‌خۆشانه‌ی كه‌ كوێر بوون...
لە هەولێر ژنێک بەهۆی
| دوێنێ کاژێر 02:39 | (1)
شيروان مستةفا سمايل | 19/07/2017 06:45:47 م
ئةى قوربانى دةست و مةجةكت بم كاكة مسعود هةتا تؤمان هةبيت شةرف و كةرامةتمان باريزراوة
hamza kocher | 20/07/2017 08:33:39 ص
qorbant bm sarok Giyan
بارزانی: ئەو سەردەمە بەسەرچوو بە زمانی هەڕەشە دژی گەلی كوردستان بوەستنەوە
| دوێنێ کاژێر 04:32 | (5)
كوره بالدار | 20/07/2017 06:59:29 ص
خواى گةوره يارمةتيان بدات 😢
فریای ئەم كچە بكەون
| 7/7/2017 | (1)

لە بەشەکانی دیکەی رووداوەوە

خوێی چێشت هەڕەشەیە بۆ بۆڕییەکانی خوێنی نەوجەوانان 21 کاژێر لەمەو بەر |

خوێی چێشت هەڕەشەیە بۆ بۆڕییەکانی خوێنی نەوجەوانان

پزیشکانی ئەڵمانی هۆشداریدەدەن زۆرتر
رۆژانە دوو خولەک راکردن ئێسکی خانمان بەهێزدەکات دوێنێ کاژێر 11:00 |

رۆژانە دوو خولەک راکردن ئێسکی خانمان بەهێزدەکات

توێژینەوەیەکی بەریتانی دەریخستووە زۆرتر
ئازاری ئافرەتانی میسر لە نێو ئۆپێڕایەک نمایش دەکرێت دوێنێ کاژێر 03:58 |

ئازاری ئافرەتانی میسر لە نێو ئۆپێڕایەک نمایش دەکرێت

چیرۆکی ئۆپێڕاکە لە کتێبێکی نەوال سەعداوی زۆرتر
0.265 seconds