وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

جیهان

بەریتانیا تەواوی پەیوەندییەکانی لەگەڵ رووسیا سڕکرد

لەلایەن رێکار عەزیز 14/3/2018
شوێنی مانەوەی سێرگی سکریپال لە بەریتانیا AFP / Adrian DENNIS
شوێنی مانەوەی سێرگی سکریپال لە بەریتانیا AFP / Adrian DENNIS

رووداو-لەندەن

لەبەرامبەر تۆمەتی ژەهراویکردنی سیخوڕێکی رووسی لە بەریتانیا ، لەندەن 23 دیپلۆماتکاری رووسیا لە وڵاتەکەی دەردەکات و مۆسکۆش هەڕەشەی دەرکردنی دیپلۆماتکارە بەریتانییەکان لە وڵاتەکەی دەکات.

ئەمڕۆ چوارشەممە پەرلەمانی بەریتانیا دووەم دانیشتنی لەسەر رووداوی ژەهراویکردنی سێرگی سکریپال ئەنجامدا. سێرگی سکریپال سیخوڕێکی رووسی بوو کاری بۆ بەریتانیا دەکرد، لە 2004 رووسیا بەتۆمەتی "خیانەت" دەستگیریکرد و سزای زیندانی نزیکەی 30 ساڵی بۆ بڕییەوە. 

لە 2010 لە رێککەوتنێکی سیخوڕ بەرامبەر بە سیخوڕ ئازادکرا و خۆی و کچەکەی لە باشووری بەریتانیا نیشتەجێکران و رەگەزنامەی بەریتانی پێبەخشرا.

لە 4ی ئاداری ئەمساڵ سکریپال لەگەڵ یولیای کچی کە بەسەردان لە مۆسکۆوە چووبووە بەریتانیا بۆ لای باوکی، بە گازێک ژەهراوی کران و تا 9ی ئادار باری تەندروستیان زۆر ناجێگیربوو، ئێستا هەردووکیان لە نەخۆشخانەی سالیسبێری لەژێر چاودێری چڕی پزیشکدان.

بەریتانیا دەستی بە لێکۆڵینەوەیەکی تێروتەسەل کرد لەمبارەوە، سەرۆکوەزیرانی بەریتانیا رایگەیاند، ئەگەر بەبەڵگەوە دەستیانکەوت رووسیا دەستی لەمکارەدا هەیە پەیوەندییەکانی نێوان لەندەن و مۆسکۆ ئاڵۆزییان تێدەکەوێت و بەشداریکردنی هەڵبژاردەی بەریتانیاش لە مۆندیالی 2018 دەکەوێتە پرسیار.

بەگوێرەی لێکۆڵینەوەکان رووسیا دەستی لە رووداوەکە هەبووە و رۆژی چوارشەممە 14ی ئادار تێرێزا مەی پڕۆژەیەکی پێشکەش بە پەرلەمان کرد بۆ پچڕاندنی پەیوەندییە دیپلۆماتییەکان لەگەڵ مۆسکۆ.

پڕۆژەکەی تێرێزا مەی بەزۆرینەی دەنگ پەسەند کرا و 23 دیپلۆماتکاری رووسی بڕیاری دەرکردنیان بۆ دەرکرا. ئەمەش یەکەمجارە لەوەتەی جەنگی ساردەوە پەیوەندی نێوان رووسیا و بەریتانیا گرژیان تێدەکەوێت. 

رووسیا یەک هەفتەی داناوە دیپلۆماتکارەکان بەریتانیا بەجێبێڵن، رووسیاش لەمبارەوە بێدەنگ نەبووە. 

پێشتر سێرگی لاڤرۆڤ، وەزیری دەرەوەی رووسیا رەتیکردووەتەوە دەستیان لەو رووداوەدا هەبێت، داوایان لە بەریتانیا کرد سامپڵێک لەمادە ژەهراوییەکە بدەن بە رووسیا تاوەکو خۆیان لێکۆڵینەوەی بۆ بکەن، بەریتانیا رەزامەندی لەسەر ئەم داوایە دەرنەبڕیوە.

باڵیۆزخانەی رووسیا لە بەریتانیا هەر کاژێرێک دوای بڕیارەکەی پەرلەمانی بەریتانیا رایگەیاند، ئەو کارانەی لەندەن دووژمنکارانەن و جێگای قبوڵکردن نین. رووسیا هەڕەشەش دەکات دیپلۆماتکارە بەریتانییەکان لە وڵاتەکەی دەربکات.

ئەنجامی لێکۆڵینەوەکە دەریدەخات ماددەی نۆڤیچۆک یاخود Novichok بەکار هاتووە. نۆڤیچۆک ماددەیەکی ژەهراوی تووندە و لە ساڵانی حەفتاکانەوە لەلایەن یەکیەتی سۆڤیەت بەرهەمدەهێنرێت. زانا رووسییەکان دەڵێن بەهێزترین جۆری ژەهرە و 8 جار لە VX بەهێزترە. VXیش دە هێندەی گازی سارین بەهێزە، ئەو گازەی لە 1988 لە هەڵەبجە بەکارهات.

نۆڤیچۆک زۆر جۆری هەیە و هەر جارەو بەناوێک بەرهەمهاتووە، ناوەکان بریتین لە K-84 و A-230 ، ئەم ماددەیە 100 جۆری دیکەی هەیە و بەهێزترینیان A-232 ە.


پێداچوونەوە؛ عومەر شایان


ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

Azad Azad | 16/09/2018 01:10:21 م
به‌ ته‌ئكید شیعه‌ و ئێران مه‌لا به‌ختیاریان پێ باش نیه‌ له‌تیف ره‌شیدیان پێ زۆر باشه‌..!!! به‌رهه‌میش تازه‌ بگه‌ڕێته‌ ناو یه‌كیه‌تی یان نه‌ هه‌ر وه‌ك...
لە بەربژێرەکانی یەکێتی بۆ سەرۆککۆماری عێراق دوو کەس مانەوە
| 16/9/2018 | (1)
dara hama | 15/09/2018 03:51:53 م
ئه‌گه‌ر بۆ بانگه‌شه‌ نییه‌ 2 مانگ پێش ئێستا بۆ ئه‌و قسه‌یه‌ نه‌كرا ؟؟
دڵشاد شەهاب: پلانی حکومەتە لە نزیکترین کاتدا پاشەکەوتی مووچە بەیەکجاری نەمێنێت
| 15/9/2018 | (1)
سەردار بێرکۆتی | 15/09/2018 12:20:20 م
پرسیارێك؛ بۆ تەنها لە کوردستان دۆڕاو هەردەم وتوویەتی تەزویر کراوە!!
چوار لایەنی کوردستانی: نوێنەرە دڵسۆز و راستەقینەكانتان بنێرنە پەرلەمان
| 15/9/2018 | (1)
Azad Azad | 15/09/2018 08:07:39 ص
كاك موسه‌نا امین والله‌ به‌راستی وه‌ حه‌ق و عه‌داله‌ت ئێوه‌ حه‌قی هیچ پۆستێكی سیادیتان نیه‌ له‌ په‌ڕه‌مانی كوردستان له‌به‌ر ئه‌وه‌ی ئێوه‌ له‌ كاتی...
سەردار بێرکۆتی | 15/09/2018 09:19:52 ص
شایستەیەتی دوکتۆر موسەنا
موسەننا ئەمین: بە بەرکەوتەی نیشتمانی پۆستی جێگری سەرۆکی پەرلەمان مافی یەکگرتووە
| 15/9/2018 | (2)

لە بەشەکانی دیکەی رووداوەوە

جگەرەکێشان کار لە بینایی دەکات 8 کاژێر لەمەو بەر |

جگەرەکێشان کار لە بینایی دەکات

پێکهاتەیەکی جگەرە لەسەر تۆڕی چاو دەنیشێت زۆرتر
تاکسییەکەی یاریزانانی کورد 19 کاژێر لەمەو بەر |

تاکسییەکەی یاریزانانی کورد

یاریزانی کورد لەرووی رۆشنبیرییەوە زۆر هەژارە زۆرتر
پەیوەندی زیاتر لەنێوان قەڵەوی و رەبۆ دەبینرێتەوە 22 کاژێر لەمەو بەر |

پەیوەندی زیاتر لەنێوان قەڵەوی و رەبۆ دەبینرێتەوە

بە زیاتر لە رێگایەک لوولەکانی هەوا تەسکدەکاتەوە زۆرتر
0.468 seconds