وەرە ژوورەوە / خۆت تۆمار بکە

وەک میوان بابەت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

وەکو میوان کۆمێنت دابنێ

ئیمەیلەکەت بە کەس پیشان نادرێت
کۆمێنتەکەت بەناوی خۆت بڵاوبکەوە

چوونە ژوورەوە

یان وەکو بەکارهێنەر پەیوەندیمان پێوە بکە
 

ئیمەیل

 

كوردى | Kurdî | English | Türkçe | عربي
Rudaw

جیهان

لە بولگاریا تریاكفرۆش و دەمانچە بەدەستێكی كورد چوار مانگە بزرە

لەلایەن زامدار ئەحمەد 22/12/2017
حەكیمی تەمەن 25 ساڵان، دوای گیرسانەوەی لە سۆفیا، لەلایەن پۆلیسی بولگاریاوە دەستگیر دەكرێ و نزیكەی مانگێك لە زیندان دەمێنێتەوە
حەكیمی تەمەن 25 ساڵان، دوای گیرسانەوەی لە سۆفیا، لەلایەن پۆلیسی بولگاریاوە دەستگیر دەكرێ و نزیكەی مانگێك لە زیندان دەمێنێتەوە

رووداو- زیندانی لۆبۆمێز، بولگاریا

كاژێر 12ی نیوەڕۆ، ئیستاشی (پۆلیس) هاتە ‌ژووری كۆچبەرانی كورد لە زیندانی لۆبۆمێز و گوتی: "حەكیم ئینتەرڤیو، برزوو برزوو (خێرا، خێرا)". حەكیم بەخێرایی بە پانتۆڵێكی سێ چارەگەوە بەرەو نهۆمی خوارەوە‌ی زیندان دابەزی و رووەو ژووری ئینتەرڤیو (چاوپێكەوتن) رۆیشت. هاوژوورەكانی حەكیم گومانیان لەو چاوپێكەوتنە هەبوو، پێیانوابوو جارێكی دیكە حەكیم نابیننەوە. لە پەنجەرەوە سەیری ئەو ژوورەیان دەكرد كە چاوپێكەوتنیان لەگەڵ حەكیم دەكرد، لەدوای نیو كاژێر حەكیم بە قوڵبەستكراوی لە ژوورەكە هێنرایە دەرەوە و خرایە نێو ئۆتۆمبێلی پۆلیسی زیندان و بەرەو دەرەوەی زیندان بەڕێكرا و جارێكی دی نەبینرایەوە. تا ئێستاش هیچ هەواڵێكی نییە.

حەكیم خەڵكی گوندێكی نزیك قامیشلوی رۆژئاوای كوردستان بوو، لەدوای تێكچوونی بارودۆخی سووریا و رۆژئاوای كوردستان، ئاوارەی باشووری كوردستان بوو، لەوێ‌ مژوولی كاركردن بوو. ساڵی 2015 لەگەڵ كۆچكردنی‌ بە‌لێشاوی كوردی رۆژئاوا رووە و ئەوروپا، ئەویش هەرێمی كوردستانی جێهێشت. ساڵێك لە توركیا مایەوە و ئینجا بەڕێكەوت بەرەو ئەوروپا.

حەكیمی تەمەن 25 ساڵان، دوای گیرسانەوەی لە سۆفیا، لەلایەن پۆلیسی بولگاریاوە دەستگیر دەكرێ و نزیكەی مانگێك لە زیندان دەمێنێتەوە، پێش ئازادكردنی مۆری 10 پەنجەی وەرگیراوە. ئەو هەمیشە لەژیانیدا كەمتەرخەم بووە و هیچ كارێكی بە جددی وەرنەگرتووە، لەدوای ئازادكردنی گرنگی بە نوێكردنەوەی دۆكیۆمێنت و كارە یاساییەكانی ئەو وڵاتە نادات. تەنیا یەك جار دۆكیۆمێنتی وەرگرتبوو و لە كەمپی كراوەی خەرمەلی مابووەوە.

بەڵام ئەو لەسەر كاری نایاسایی و خراپ راهاتووە و ناتوانێ وازی لێ بهێنێ، نزیكەی سێ مانگ لە خەرمەلی مابووەوە، لەو ماوەیەدا دەستی كردبوو بە كڕین و فرۆشتنی ماددەی هۆشبەر، ناوی هەر جۆرە ماددەیەكی هۆشبەرت بهێنایە، زانیاری باشی لەبارەیەوە هەبوو.

لە دوای سێ مانگ مانەوە لەو كامپە، روو دەكاتە سۆفیای پایتەخت. ئەو ئیتر ئاڵوودە بووبوو، بەڵام ئاڵوودەی فرۆشتنی ماددەی هۆشبەر نەك كێشانی. لەوێ شوێنی فرۆشتنی ئەو ماددانەی دۆزیبووەوە، بە جارێك بڕێكی زۆری دەكڕی، دواتر كەم كەم بە ئەفغانی و سووری و عێراقی و ئێرانی و تاكوتەرا بە كۆچبەری دیكەی‌ دەفرۆشت، بەمشێوەیەش بڕە پارەیەكی باشی دەستدەكەوت، لەدوای ماوەیەكی كەم دەمانچەیەكی كڕی و نایە بەر قەدی، تەنانەت گوللەشی بە دەمانچەكەی دەستی تەقاندبوو، هەڕەشەی كوشتنی لە خەڵكی كردبوو. بێ بیركردنەوە لەخۆی كە كۆچبەرێكی كوردە و بەشێوەیەكی كاتی لەو وڵاتەیە و ئەگەر دەستگیر بكرێ بە قورسی سزا دەدرێ. 

حەكیم هەموو جۆرە ئیشێكی رەشی خراپی دەكرد، تەنیا بەدوای كارە یاساییەكانی خۆی نەدەكەوت، لەكاتێكدا ئەگەر كارە یاساییەكانی خۆی رایی كردبایە، لەماوەی چوار تا پێنج مانگدا مۆڵەتی مانەوە -ئیقامە-ی پێدەدرا، چونكە خەڵكی سووریا بوو‌. لەدوای مانەوەی سێ مانگ لە سۆفیا، بەخۆی و دەمانچەكەی بەر قەدییەوە گەڕابووەوە كەمپی خەرمەلی و مانگێكی لەوێ بەسەربردبوو، لەپڕدا پۆلیس لەناو خەرمەلی دەستیكردبوو بە پشكنینی كۆچبەرانی نێو كەمپەكە، هەركەسێك دۆكیۆمێنتی مانەوەی كۆتایی هاتبوو یان نەیبوو، بەرەو زیندان راپێچ كرابوو. حەكیمیش یەكێك بوو لەوانەی كە پۆلیس گرتبووی و رەوانەی گرتووخانەی لۆبۆمێزی كردبوو.

لە مانگی ئاداری ئەمساڵەوە حەكیم لە زیندانی لۆبۆمێز بوو. ئەو كۆچبەرە، جەستەیەكی بەهێزی گەورەی هەبوو، خاوەن سەرێكی خڕی گەورەی پۆڵایین بوو، جارجار سەری دەدا لە دیواری زیندان، بەپێكەنینەوە بە زیندانییەكانی دەگوت: بەهەموو توانای خۆتانەوە مستێ بكێشن بەسەرمدا، منیش مستێ دەكێشم بەسەرتاندا، بەڵام گەرەنتی نەبوورانەوەتان ناكەم. دەمارەكانی دەست و قاچی پەمپابوو، هێندەی چەقۆ و كەتەر بەركەوتبوو، لاقی‌ راستی نزیكەی سی سانتیمەتر دوورابووەوە كە لەشەڕدا چەقۆی پێكەوتبوو. لاسەرێكی پرچی پێوە نەبوو، لەكاتی گەڕانەوەی بەسەرخۆشی بۆ ماڵ، برا گەورەكەی تەورێكی دابوو لەسەری و ئومێدی مانەوەی لە ژیاندا كەمبوو، وەلێ بۆ رێگەی ئەوروپا تەمەنی باقی بوو. 

حەكیم، نانی بەیانیانی نەدەخوارد، نزیكەی كاژێر  11ی نیوەڕۆ لەخەو هەڵدەستا، لەكاتێكدا زیندانییەكانی دیكە لە كاژێر هەشتی بەیانییەوە بەخەبەر دەهاتن و دەیانكردە بەزموڕەزم، بەگشتی دەنگ و سەدای كۆچبەرە ئەفغانییەكان زۆر بەرز و بێزاركەر بوو، كاتێ قسەیان دەكرد و دەیانقیراند، حەكیم ئەمەی قبوڵ نەدەكرد و هاتوهاواری لێ هەڵدەستا. هەندێجار گرژی دروست دەبوو، كورد لەلایەك و ئەفغانی لەلایەكی دی ڕووبەڕووی یەكدی دەبوونەوە.

حەكیم سوێندی دەخوارد، لەدوای ئازادبوونی لە زیندان سیپاڵە شڕەكەی دەستدەداتێ و پڕی دەكا لە مەشروبات، لە سۆفیاوە بە ئۆتۆمبێل بەرەو سنووری سربیا بڕوات، ئینجا بە پیادە و بەسەرخۆشی و بەتەنێ رێی قاچاخ بگرێتەبەر تا دەگاتە بوخارێست. بەڵام ئەم پلانەی بەدی نەهات و بەرەو شوێنێكی نادیار برا.

لە ناوەڕاستی شەوێكی مانگی ئابدا، بەهەموو هێزییەوە مۆبایلەكەی دەستی بە زەویدا كێشا و پارچە پارچەی كرد، سەدان جنێوی بەخێرایی دا، لەدوای ئارامبوونەوەی گوتی: یەكێك هەواڵی لێداوم كە دەمانچەم هەبووە و تریاكم فرۆشتووە. لەدوای چوار رۆژ، بەناوی ئینتەرڤیوو حەكیمیان بانگ كرد و بەبێ كەلوپەلەكانی زیندان بردیان و كەس نازانێ لەكوێیە و بەكوێ گەیشتووە و لە ئەنجامدا چی لێ بەسەردێ.

کۆمێنتەکان

 
کۆمێنتێکی نوێ دابنێ
وەکو میوان کۆمێنت دادەنێی یان بە چوونە ژوورەوە؟
نیشانەکردن : بولگاریا
686 ژمارەی بینین

ببە بەشێک لە (رووداوی تۆ)

بابەت و وێنە و ڤیدیۆکانت لەگەڵ رووداو بەش بکە

قسەی تۆ

jaza latif abdula | 18/01/2018 09:29:19 ص
بەهیوای سەرکەوتن
هاوار فرهاد محمد | 18/01/2018 12:15:45 م
هیوا خوازم بگاته شوینی مه به ست
کۆمیسیۆنی هەڵبژاردنەکانی عێراق پێویستی بە 250 هەزار کارمەندە
| 16/1/2018 | (6)
Ahmed | 18/01/2018 07:40:11 ص
سلاو به ريزان، ده ستان خوش بو بة ئاگادار كردنةوى خه لكى له نةهامة تةكاني هاونيشتيمانيان، تكاية ناو نيشان ئه و خيزانةم بو ده نيرن بو هاوكار ى كردنيان....
... | 18/01/2018 10:33:14 ص
Slaw, akre nawnishani yan zhmaray aw kasa ba email bnern.. Supas
گورچیلەی خۆی بۆ
| دوێنێ کاژێر 08:26 | (4)
احمد حسن زێڕۆ | 17/01/2018 11:41:37 ص
ده‌ستخۆش قوربانی به‌داخه‌وه‌ كورد وه‌كو ئه‌و نه‌خۆشه‌ وایه‌ كه‌ نه‌خۆشی له‌بیرچونه‌وه‌ی درێژ خایه‌نی هه‌بێ ئه‌وه‌ مێژووه‌ پێمان ده‌ڵێ كه‌ كورد...
مەترسییە گەورەكەی هەڵبژاردن
| 17/1/2018 | (1)
Bilal kamaran | 15/01/2018 10:39:09 م
هەر بژیت
احمد حسن زێڕۆ گه‌ردی | 17/01/2018 11:11:40 ص
هه‌ر بژی كاكه‌ سامان به‌ڕاستی تۆ سامانی نه‌ته‌وه‌یه‌كی سته‌ملێكراوی كه‌ توانیوته‌ به‌هۆی هونه‌ره‌كه‌ته‌وه‌ داوای نه‌ته‌وه‌یه‌كی 45 ملیۆنی به‌جیهانی...
پەیکەرەکەی سامان هیدایەت لە نێوەڕاستی شاری مۆنهایمی ئەڵمانیا داندرا
| 14/1/2018 | (3)

لە بەشەکانی دیکەی رووداوەوە

وەزیری بەرگریی ئەمریکا ستراتیجییەتی ئاسایشی نەتەوەیی راگەیاند 2 کاژێر لەمەو بەر |

وەزیری بەرگریی ئەمریکا ستراتیجییەتی ئاسایشی نەتەوەیی راگەیاند

"رووبەڕووبوونەوەی هەندێک وڵات لە رووبەڕووبوونەوەی زۆرتر
لە کەرکووک بایی 47 ملیۆن دۆلار کارتی ئینتەرنێت دەدزرێت 3 کاژێر لەمەو بەر |

لە کەرکووک بایی 47 ملیۆن دۆلار کارتی ئینتەرنێت دەدزرێت

باندێکی گەورە دەستگیرکرا زۆرتر
وەزارەتی دەرەوەی ئەمریکا: هێرشکردنە سەر عەفرین سەقامگیریی هەرێمی تێکدەدات 4 کاژێر لەمەو بەر |

وەزارەتی دەرەوەی ئەمریکا: هێرشکردنە سەر عەفرین سەقامگیریی هەرێمی تێکدەدات

"نابێتە هۆی پاراستنی ئاسایشی سنووری تورکیا" زۆرتر
0.313 seconds