Zîv careke din biha bû

Hewlêr (Rûdaw) - Bihayê zîv piştî vebûna bazarên Asyayê du roj in li pey hev bilind dibe û onsa zîv 86 dolar derbas kir.

Pêla firotina zîv a ku roja îna borî dest pê kiribû, ji sedî 40ê bihayê wî kanzayê biqîmet biribû.

Lê di nava du rojên borî de bihayê zîv berê xwe wekî yê zêr guhertiye û bilindbûna xwe didomîne.

Sedemên bihabûnê

Ji aliyekî ve paymanên paşerojê kêm bûne.

Ji aliyê din ve jî daketina bihayê zîv, bazirgan û hilberîneran han dane ku di astên nizm de dest bi kirîna zîv bikin.

Ducare zêdebûna aloziyên di navbera Amerîka û Îranê de jî bûye sedemeke din a bilindbûna bihayê zîv û kanzayên din.