Petrol îro erzan bû
Hewlêr (Rûdaw) - Bihayê petrolê îro daket û pêşbîniyên ji bo agirbesta Ukraynayê zext li ser bihayên petrolê çêkiriye.
Bihayê petrola brent a Deryaya Bakur îro 21 sentan daket û bermîl bi 62 dolar û 92 sentan tê firotin.
Bihayê petrola sivik a Teksasê ya Amerîkayê (WTI) jî bi heman rêjeyê daket 58 dolar û 44 sentan.
Bihayên petrolê doh ji sedî 1 bilind bûbûn û sedema wê jî metirsiya têkçûna agirbesta Ukraynayê bû.
Faktora jeopolîtîk ducare vegeriyaye nava bazara petrolê û her cure nûçeya li ser hewldanên agirbesta li Ukraynayê bandorê li bihayên petrolê dike.
"Pêkhatina agirbestê…”
Şirovekarê Banka Commonwealthê ya Awistralyayê Vivek Dhar li ser mijarê got:
"Pêkhatina agirbesta Ukraynayê dê bibe sedema rakirina sizayên li ser Rûsyayê û vegera petrola wî welatî."