Şerê Îranê û bazara zêr: Hilberîneran dest bi kirînê kir

 Hewlêr (Rûdaw) - Bihayê zêr roja înê gelekî bilind bû û bi rêjeya ji sedî 3yan zêde bû.

Piştî ku hilberîneran dît ku bihayê zêr daketiye, wan bi lez dest bi kirîna zêr kir da ku fersendê ji dest nedin.

Onseya zêr roja înê nêzîkî 120 dolaran bilind bû û bazara zêr hefte bi 4 hezar û 493 dolaran deriyê xwe girt.

Bihabûn û neîstîkrariya bazara zêr di demekê de ye ku Şerê Îranê ketiye heftiya xwe ya çarem.

Tevî ku Serokê Amerîkayê Donald Trump ultîmatoma xwe ya ji bo vekirina Tengava Hurmizê dirêj kir jî, Îranê plana aştiyê ya Amerîkayê ya ji 15 xalan red kir.

Her çi qas bermîla petrolê ji 110 dolarî derbas bûbe û ev yek bibe sedema bilindkirina faîza bankan a ji aliyê Banka Navendî ya Amerîkayê ve lê bankên mezin ên cîhanê ji bo bihabûna zêr hîn jî geşbîn in.

Banka Commerzbankê pêşbînî dike ku bihayê onseya zêr heta dawiya îsal bigihe zêdetirî 5 hezar dolaran.