Samsung li Amerîkayê kargeheke bi 380 milyon dolarî çêdike

Navenda Nûçeyan - Samsunga şirketa teknolojiyê ya Koreya Başûr ragihand dê li Amerîkayê fabrîqeyeke bi 380 milyon dolarî çêke.

Di daxuyaniya Samsungê de hat destnîşankirin li eyaleta Carolînaya Başûr ya Amerîkayê dê fabrîqeyeke bi 380 milyon dolarî çêke.

Samsungê ragihand fabrîqe dê di sala 2020an de bê vekirin û qederê 954 kes tê da bixebitin.

Herwiha di daxuyaniyê de hat destnîşankirin fabrîqe dê ji bo bazara Amerîkayê amûrên çêke.

Revebirê (CEO) yê Samsung Electronicsê B.K. Yoonê derbarê mijarê de destnîşan kir piyase û bazara Amerîka ji bo şirketê bazareke mezin e û her diçe mezintir dibe.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger