Hewlêr (Rûdaw) - Şaredariya Bismilê ya Amedê dê di navbera 15-24ê Îlonê de çalakiya “Rojên Fîlman” li dar bixe.
Fîlm dê li Parka Halîl Îbrahîm Oruç, Parka Vedat Aydin, Parka Kardeşlîk, Parka Kent Meydani û Parka Jinan a Rojê bên nîşandan.
Di çalakiya Rojên Fîlman de fîlmên herêmî û biyanî yên dublajên wan bi Kurdî û Tirkî bên nîşandan.
Her wiha gelek fîlmên anîmasyonê yên taybet ji bo zarokan jî dê bên nîşdandan.
Li gorî nûçeya MAyê, Rêvebirê Karên Çand û Civakî ya Şaredariya Bismilê Zehra Yuksekbagê da zanîn ku ji bo hemû temenan fîlm hatine amadekirin û ji ber ku sînema û salonên şanoyê li navçeya wan nînin, dê çalakiyên bi vî rengî bi domdarî bidomînin.
Zehra Yuksekbagê got ku bi destpêkirina dibistanan re bi taybet jî dixwazin ciwan û zarok demên xweş derbas bikin û bi rêya çalakiyên bi vî rengî hinek ji stresê dûr bikevin.
Dem û cihên pêşandana fîlkman wiha ne:
- 15ê Îlonê Saet 20.00: Cîranê Min Tororo - Parka Halîl Îbrahîm Oruç
- 16ê Îlonê Saet 20.00: Evîn Di Rûyê Qirkirinê de - Parka Vedat Aydin
- 17ê Îlonê Saet 20.00: Bîranên li Kevir Hatine Nivîsandin - Parka Kardeşlîkê
- 18ê Îlonê Saet 20.00: Qada Bajar
- 19ê Îlonê Saet 20.00: Genco, Parka Jinê ya Rojê
- 20ê Îlonê Saet 20.00: Cîranê Min Totoro - Parka Halîl Îbrahîm Oruç
- 21ê Îlonê Saet 20.00: Çîroka Qralê Kirêt (Çirkin Kral Efsanesi) - Parka Vedat Aydin
- 22yê Îlonê Saet 20.00: Biryareke Zor - Parka Kardeşlîkê
- 23yê Îlonê Saet 20.00: Mala Bêban(House Without Roof) - Qada Bajar
- 24ê Îlonê Saet 20.00: Navberê De - Parka Jinan a Rojê
.webp&w=3840&q=75)
