Hewlêr (Rûdaw) - Li Çiyayê Agiriyê pelîtanga belek a wekî "pelîtanga bilindahiyê tê zanîn" hat dîtin.
Çiyayê Agiriyê yê ku li Tirkiye û Bakurê Kurdistanê çiyayê herî bilind e, ji xeynî ajalên wekî mişk û maran cisnên pelîtangan jî dijîn.
Pelîtanga belek a ku li bilindahiyan dijî û lewma wekî pelîtanga bilindahiyê tê binavkirin, li bilindahiya 4 hezar û 200î hat dîtin.
Pisporê jiyana kovî Mete Turkoglu diyar kir ev cisnê pelîtangan li bilindahiyan dijî û wiha dewam kir:
"Ev Pelîtang cisnekî girîng e ku li welatê me li bilindahiya di navbera 1500 û 3 hezar 500 metreyî de tê dîtin.
Ev pelîtanga li Çiyayê Agiriyê li 4 hezar û 200 raqimî hat dîtin û ev yek ji bo Çiyayê Agiriyê û Îdirê qeydeke envantarê ya baş e."
