Hewlêr (Rûdaw) – Pêşangeha Pirtûkên Kurdî ya ku tenê weşanxaneyên Kurdî tê de beşdar in dest pê kir.
Pêşangeha Pirtûkên Kurdî li Parka Yilmaz Guneya parêzgeha Êlihê ya Bakurê Kurdistanê tê lidarxistin.
Pêşangeha pirtûkan bi hevkariya Şaredariya Êlihê, şaxa Êlihê ya sendîkaya Egîtîm Senê û Komeleya Lêkolînên Ziman û Çandê ya Ariyê tê lidarxistin.
Pêşangeha Pirtûkên Kurdî ya Êlihê îro dest pê kir û dê heta 20ê mehê bidome.
Di pêşangehê de 26 weşanxaneyên Kurdî amade ne.
Di Pêşangeha Pirtûkên Kurdî de nivîskar dê panel, gotûbêj û hevpeyvînan li dar bixin.
Her wiha nivîskar dê ji bo xwîneran pirtûkên xwe jî îmze bikin.
Şaredariya Êlihê li ser malpera xwe ya fermî bernameya Pêşangeha Pirtûkên Kurdî jî belav kir.
Pêşangeha Pirtûkên Kurdî ya Êlihê îro li Parka Yilmaz Guney dest pê kir
— RudawKurdi (@RudawKurdi) October 16, 2024
📚 Pêşangeha ku gelek weşanxaneyên Kurdî tê de beşdar in dê heta 20ê mehê bidome
📸 Abdulselam Akinci - Rûdaw pic.twitter.com/ZKRLAsNrLu
