Hewlêr (Rûdaw) - Li gorî amarên Yekîtiya Ode û Borseyên Tirkiyeyê (TOBB), di 11 mehên destpêkê yên îsal de 19 hezar û 931 kompanya hatine girtin.
Yekîtiya Ode û Borseyên Tirkiyê (TOBB), amarên avakirin û girtina kompanyayan ên sala 2023yan eşkere kirin.
Di nav de Borusan, Honda, Ford û BP gelek kompanyayên mezin ên xwecihî û navdewletî ji Tirkiyeyê vekişiyane.
Li gorî amaran li Tirkiye û Bakurê Kurdistanê, meha Çiriya Paşînê hejmara kompanyayên hatin girtin li gorî heman meha par ji sedî 46,7 zêde bûye û bi giştî 2 hezar û 417 kompanya hatine girtin.
Herwiha hejmara kompanyayên hatin vekirin jî kêm bûye.
Hinek kompanyayên ku ji Tirkiyeyê vekişiyane:
Borusan Holding: Îsal bi hinceta “Baca Karbonê” ya Yekîtiya Ewropayê kargeha berhemanîna boriyan a li Gemlikê girt û veguhast Amerîkayê.
Kelûpelên mezin ên ku nayên veguhastin jî dê bifiroşe.
British Petrol (BP): Benzînxane û kargehên xwe yên li Tirkiyeyê firotin Kompanyaya Petrol Ofîsiyê ya Tirkiyeyê.
Li Tirkiyeyê 770 benzînxaneyên BPyê hebûn. British Petrol kompanyayeke Brîtanî ye ku salên dirêj e li Tirkiyeyê veberhênan dikir.
Honda: Kompanya otomobîlan a Hondayê ya Japonî îsal kargeha xwe ya li Tirkiyeyê girt.
Hondayê meha Îlona 2021ê ragihandibû ku dê berhemanîna xwe ya li Tirkiyeyê rawestîne.
.webp&w=3840&q=75)
