Hewlêr (Rûdaw) – Li eyaleta Teksasê ya Amerîkayê termên mirovan li ber tavê dirizin.
Li çewlîgeke Teksasê dîmenên termên mirovan ên di qefesan de hatin girtin û ev dîmen li cîhanê, di torên civakî de bûn rojev.
Ev der taqîgeheke (laboratuar) girîng a lêkolînên zanistî ye û laşên mirovan li ber tavê dirizin.
Li vê taqîgehê derdora 50 termî hene û hinek ji wan ji bo xebatên “rizîna bakteriyî” di qefesan de li ber tavê ne.
Gelek ji wan laşan bêyî ku werin parastin li ber tavê dimînin û lêkoler dikarin bi vî awayî bandora goştxwiran bişopînin.
Lêkolerên antropolojiyê li gel lêkolerên din li ser laşan lêkolînan dikin û agahiyên xwe yên li ser rizîna laşên mirovan zêdetir dikin.
Ev taqîheg sala 2008an hat vekirin û heta sala 2017an li ser 150 termî xebat hatin kirin.
Taqîheha termên mirovan ne tenê li Amerîkayê, li seranserê cîhanê çavkaniyeke bêhempa ya lêkolînên zanistî ye.
