کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Hevpeyvîn

Malyarchuk: Herêma Kurdistanê deriyê bazarên Îraqê ye

Vejîn Murad

Vejîn Murad

05-10-2026
Guhdarî bike
0:00
0:00
Mezinahiya Nivîsê
Vejîn Murad
Vejîn Murad05-10-2026

Nûçeyên Têkildar

Sezaî Temellî: Yasaya heyî kêm e û birêvebirên PKK û KCKyê li xwe nagire
Hevpeyvîn18-11-2026

Sezaî Temellî: Yasaya heyî kêm e û birêvebirên PKK û KCKyê li xwe nagire

Serdar Yuksel: Nêçîrvan Barzanî dikare di nakokiya Îranê de roleke mezin bilîze
Hevpeyvîn18-11-2026

Serdar Yuksel: Nêçîrvan Barzanî dikare di nakokiya Îranê de roleke mezin bilîze

Qasim Tahir ji Rûdawê re axivî: Banga min a ji bo Kurdan yekîtî ye
Hevpeyvîn17-11-2026

Qasim Tahir ji Rûdawê re axivî: Banga min a ji bo Kurdan yekîtî ye

Birêvebirê Bicihhêner ê Konseya Karsaziyê ya Rûsya-Îraqê Maksim Malyarchuk ragihand ku şirketên Rûsyayê ji bo ketina nav bazara Îraqê, Herêma Kurdistanê wekî "deriyê bazara tevahiya Îraqê" dibînin.

Malyarchuk ji Rûdawê diyar kir ku wan ji karsaz û şirketên Rûsyayê şandeyek aniye Herêma Kurdistanê û armanca wan ew e ku şirketên Rûsyayê û yên Herêma Kurdistanê rasterast hevdîtinan bikin û peymanan îmze bikin.

Birêvebirê Konseya Karsaziyê ya Rûsya-Îraqê Maksim Malyarchuk li ser pêwendiyên bazirganî yên her du aliyan pirsên me bersivandin:

Rûdaw: Hûn ji Rûsyayê kîjan berheman dişînin Herêma Kurdistanê?

Maksim Malyarchuk: Em ji Rûsyayê text, hesin û metalan, hinek berhemên pîşesazî û çandiniyê, rûnê gulên berbiroj, arvan û tiştên din difiroşin Îraq û Herêma Kurdistanê. Di şandeya me de nûnerên şirketên ku di warên çandinî, derman, pîşesaziya dermanan, veguhastin û lojîstîkê de dixebitin jî hene.

Rûdaw: Qebareya giştî ya hinardekirina ji Rûsyayê ya ji bo Herêma Kurdistanê çi qas e?

Maksim Malyarchuk: Dema ku em li amarên gumrikê yên di navbera Rûsya û Îraqê de dinêrin, bazirganiya salane derdora 400 milyon dolarî ye. Lê em dizanin ku qebareya rastî a berhemên Rûsyayê yên ku digihîjin bazara Îraqê ji vê hejmarê gelekî zêdetir e çimkî beşeke girîng a berheman di ser welatên sêyem ên wekî Tirkiye, Îran û welatên din re digihîje vê derê.

Ji ber vê yekê me karsaz û şirketên Rûsyayê anîn Herêma Kurdistanê. Ji ber ku em Herêma Kurdistanê wekî deriyê bazara tevahiya Îraqê dibînin. Em dixwazin şirketên me bi mixetabên xwe yên li Herêma Kurdistanê re rasterast dan û standinan bikin û peymanan îmze bikin.

Rûdaw: Hatina berhemên di ser welatên sêyem re bandorê li bihayê wan dike?

Maksim Malyarchuk: Bê guman. Dema ku berhemên Rûsyayê di ser welatên sêyem re derbasî bazara Îraqê dibin, xercî û heqdestên wan welatan jî li ser bihayê berheman zêde dibin. Lê heke di navbera şirketên Rûsya û Îraqê de peymanên rasterast werin çêkirin, teqez dê biha ji bo her du aliyan jî guncavtir bibin.

Rûdaw: Şer bandor li sektorên cuda kir. Ji ber şer di bihayê berheman de çi qas zêdebûn çêbû?

Maksim Malyarchuk: Ez nikarim rêjeyeke diyarkirî bidim we çimkî rewş her roj diguhere. Li Rûsyayê di rêyên veguhastinê û lojîstîkê de em rûbirûyî hinek astengan bûn. Ji bo ku em berhemên xwe bigihînin bazara Îraqê em tim li rêyên nû digerin.

Bihayê berheman bilind bûye ev teqez e lê em hewl didin ku hem ji bo îtxalkarên Îraqî û hem jî ji bo îxrackarên Rûs di asteke meqûl de bihêlin.

Rûdaw: Gelo kalîteya berhemên Rûsyayê di wê astê de ye ku bi berhemên welatên din re bikeve pêşbirkê?

Maksim Malyarchuk: Bê guman. Kalîteya berhemên me gelekî bilind e û li gorî standardên cîhanî ye. Bi taybetî di sektorên çandinî û dermanan de şirketên me yên pir mezin hene ku li seranserê cîhanê tên naskirin lê van şirketan heta niha di bazara Îraqê de cih negirtibû.

Ev şirket li Rojhilata Navîn û gelek welatên cîhanê dixebitin. Armanca wan a niha ew e ku bikevin bazara Îraqê. Bazara Îraq û Herêma Kurdistanê ji bo wan bazareke nû ye û em jî bi temamî piştgiriya van hewldanên wan dikin.

Nûçeyên Têkildar

Sezaî Temellî: Yasaya heyî kêm e û birêvebirên PKK û KCKyê li xwe nagire
Hevpeyvîn18-11-2026

Sezaî Temellî: Yasaya heyî kêm e û birêvebirên PKK û KCKyê li xwe nagire

Serdar Yuksel: Nêçîrvan Barzanî dikare di nakokiya Îranê de roleke mezin bilîze
Hevpeyvîn18-11-2026

Serdar Yuksel: Nêçîrvan Barzanî dikare di nakokiya Îranê de roleke mezin bilîze

Qasim Tahir ji Rûdawê re axivî: Banga min a ji bo Kurdan yekîtî ye
Hevpeyvîn17-11-2026

Qasim Tahir ji Rûdawê re axivî: Banga min a ji bo Kurdan yekîtî ye

Pirsên