Hewlêr (Rûdaw) - Nêçîrvan Barzanî got, “Herêma Kurdistanê dê her tim faktora aramiyê be û ji bo ti aliyekî nebe metirsî.”
Serokê Herêma Kurdistanê Nêçîrvan Barzanî û Sekreterê Encûmena Bilind a Ewlehiyê ya Niştimanî ya Îranê Elî Ekber Ehmediyan îro li Tehranê civiyan.
Serokatiya Herêma Kurdistanê li ser hevdîtina Nêçîrvan Barzanî û Elî Ekber Ehmediyan daxuyaniyek belav kir.
Li gorî daxuyaniyê, di civinê de rewşa ewlehî, hevkarî û hevahengiya di navbera Komara Îslamî ya Îranê, Îraq û Herêma Kurdistanê ya ji bo parastina aştî û aramiyê, metirsiyên ewlehiyê yên li herêmê û bandor û encamên wan hatine gotûbêjkirin.
Di daxuyaniyê de hat ragihandin, “Her du aliyan ji bo aramî û ewlehiyê tekezî li ser pêwîstiya hevkarî û hevahengiya hevbeş a di navbera aliyên pêwendîdar ên her du welatan kir.
Ew li ser giringiya rêgirtina ji bo zêdebûna aloziyan û nehiştina kaoseke zêdetir a li herêmê hevra bûn."
Di hevdîtinê de Elî Ekber Ehmediyan jî berdewamiya piştevaniya welatê xwe ji bo Îraqê û Herêma Kurdistanê anî ziman.
Herwiha Serokê Herêma Kurdistanê Nêçîrvan Barzanî got, “Herêma Kurdistanê dê her tim faktora aramiyê be û ji bo ti aliyekî nebe metirsî.”
Serokê Herêma Kurdistanê Nêçîrvan Barzanî û Sekreterê Encûmena Bilind a Ewlehiyê ya Niştimanî ya Îranê Elî Ekber Ehmediyan civiyan
— RudawKurdi (@RudawKurdi) May 6, 2024
#Kurdistan #Iran pic.twitter.com/hl7LuPEW12
.webp&w=3840&q=75)