کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

ÎRAQ

Sabah Numan: Em amade ne qadên petrolê yên Herêma Kurdistanê biparêzin

RÛDAW

RÛDAW

05-06-2026
Guhdarî bike
0:00
0:00
Mezinahiya Nivîsê
RÛDAW
RÛDAW05-06-2026

Nûçeyên Têkildar

Li Bexdayê 15 DAIŞiyên Fransiz hatin darizandin: Ji bo 6 kesan cezayê heta hetayê
ÎRAQ18-11-2026

Li Bexdayê 15 DAIŞiyên Fransiz hatin darizandin: Ji bo 6 kesan cezayê heta hetayê

DAIŞê li Nînowayê êrişî xaleke leşkerî kir
ÎRAQ15-11-2026

DAIŞê li Nînowayê êrişî xaleke leşkerî kir

Mesrûr Barzanî û Elî Zeydî civiyan: Mûçe, budce û êrişa li Kormorê hatin gotûbêjkirin
ÎRAQ09-11-2026

Mesrûr Barzanî û Elî Zeydî civiyan: Mûçe, budce û êrişa li Kormorê hatin gotûbêjkirin

Hewlêr (Rûdaw) - Berdevkê Fermandarê Giştî yê Hêzên Çekdar ên Îraqê Sabah Numan ragihand ku ew amade ne qadên petrolê yên li Herêma Kurdistanê biparêzin.

Her wiha wî da zanîn ku dê toreke nû ya parastina asmanî ya modern bê avakirin ku dê hemû welêt li xwe bigire.

Numan diyar kir, ji bo qeydkirina çekên di destê milîsan de tenê 2 roj mane.

Berdevkê Fermandarê Giştî yê Hêzên Çekdar ên Îraqê Sabah Numan ji Rûdawê re axivî.

Wî behsa hûrgiliyên krîtîk ên li ser stratejiya parastinê û reformên ewlehiyê yên Îraqê kir.

Numan anî zimên ku birêvebiriya Bexdayê hem di mijara ewlehiya enerjiyê de hem jî di kontrolkirina qada asmanî de dest bi nêzîkbûneke giştgîr kiriye.

"Ji bo vegera şirketan ewlehî şert e"

Sabah Numan fermanên Serokwezîrê Îraqê Elî Falih Zeydî yên ji bo parastina qadên petrolê bi bîr anîn.

Wî destnîşan kir ku ewlehiya tesîsên li Herêma Kurdistanê pêşengiyeke aborî ye.

Numan diyar kir ku ew bi Hêzên Pêşmergeyan re di nav hevahengiyeke asta bilind de ne û wiha axivî:

"Hêzên Pêşmergeyan xwedî avahiyeke gelekî profesyonel in. Lê belê eger daxwaz bê kirin, em wekî Fermandariya Operasyonên Hevbeş amade ne di parastina qadên petrolê de roleke aktîf bilîzin.

Vegera ewle ya şirketên biyanî yên enerjiyê ya li Herêma Kurdistanê, ne tenê ji bo herêmê, ji bo hilbirîna li hemû Îraqê xwedî girîngiyeke jiyanî ye."

"Mertala asmanî" ya ku hemû Îraqê li xwe digire

Numan ragihand ku Wezareta Parastinê li dijî êrişên dron û mûşekan ên ku vê dawiyê zêde bûne stratejiyeke nû bi pêş xistiye.

Wî da zanîn ku dê pergalên parastina asmanî werin modernîzekirin.

Xala herî balkêş a vê planê jî sînorên tora parastinê ne.

Numan destnîşan kir ku pergalên nû yên radar û parastinê dê bi "planeke giştgîr" li hemû Îraqê û li Herêma Kurdistanê jî werin bicihkirin.

Radestkirina çekan: 2 rojên krîtîk

Sabah Numan diyar kir ku di projeya "radestkirina çekan a ji dewletê re" de dem kêm bûye ku ev li Îraqê mijara herî hestiyar e.

Wî anî zimên ku pêvajo bi radestkirina çekên Seraya El Selamê ya girêdayî Muqteda Sedir dest pê kiriye û ev pêvajo leztir bûye.

Numan rewşa dawî bi van gotinan kurt kir:

"Komîteyên jêrîn dê xebatên xwe yên ji bo derxistina lîsteya çek û cebilxaneyên leşkerî yên di destê xwe de, di nav 2 rojan de temam bikin.

Dê ev amarên hatine bidestxistin radestî Fermandariya Operasyonên Hevbeş werin kirin.

Armanca me ya sereke ew e ku em hemû hêzên çekdar ên li derveyî artêşê di navendekê de, ango di bin banê Fermandariya Giştî ya Hêzên Çekdar de kom bikin."

Tevî pêngava bêçekkirinê ya hikûmetê, tê zanîn ku Ketîbeyên Hizbulahê û Tevgera Nucebayê hîn jî naxwazin çekên xwe deynin.

Numan diyar kir ku dê çekên werin radestkirin li gorî cureyên wan werin dabeşkirin û li gorî hewcedariyên artêşê an jî yekeyên ewlehiyê ji nû ve werin belavkirin.

Numan peyam da ku dê Bexda ji "vîzyona ewlehiya neteweyî" bi paş ve gavê neavêje.

Nûçeyên Têkildar

Li Bexdayê 15 DAIŞiyên Fransiz hatin darizandin: Ji bo 6 kesan cezayê heta hetayê
ÎRAQ18-11-2026

Li Bexdayê 15 DAIŞiyên Fransiz hatin darizandin: Ji bo 6 kesan cezayê heta hetayê

DAIŞê li Nînowayê êrişî xaleke leşkerî kir
ÎRAQ15-11-2026

DAIŞê li Nînowayê êrişî xaleke leşkerî kir

Mesrûr Barzanî û Elî Zeydî civiyan: Mûçe, budce û êrişa li Kormorê hatin gotûbêjkirin
ÎRAQ09-11-2026

Mesrûr Barzanî û Elî Zeydî civiyan: Mûçe, budce û êrişa li Kormorê hatin gotûbêjkirin

Pirsên