کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Tehsîn Xefacî / Wêne: Rûdaw

Tehsîn Xefacî / Wêne: Rûdaw

ÎRAQ

Wezareta Parastinê ya Îraqê ji bo xebatkarên Rûdawê: Rola xwe ya girîng bidomînin

Maseya Edîtoran a Rûdawê

Maseya Edîtoran a Rûdawê

29-05-2026
Guhdarî bike
0:00
0:00
Mezinahiya Nivîsê
Maseya Edîtoran a Rûdawê

Maseya Edîtoran a Rûdawê

29-05-2026

Nûçeyên Têkildar

Li Bexdayê 15 DAIŞiyên Fransiz hatin darizandin: Ji bo 6 kesan cezayê heta hetayê
ÎRAQ18-11-2026

Li Bexdayê 15 DAIŞiyên Fransiz hatin darizandin: Ji bo 6 kesan cezayê heta hetayê

DAIŞê li Nînowayê êrişî xaleke leşkerî kir
ÎRAQ15-11-2026

DAIŞê li Nînowayê êrişî xaleke leşkerî kir

Mesrûr Barzanî û Elî Zeydî civiyan: Mûçe, budce û êrişa li Kormorê hatin gotûbêjkirin
ÎRAQ09-11-2026

Mesrûr Barzanî û Elî Zeydî civiyan: Mûçe, budce û êrişa li Kormorê hatin gotûbêjkirin

Hewlêr (Rûdaw) - Birêvebirê Ragihandinê yê Wezareta Parastinê ya Îraqê Tehsîn Xefacî pîrozbahî li Tora Medyayî ya Rûdawê kir.

Tehsîn Xefacî xwest ku Rûdaw di veguhastina rastiyan û bipêşxistina karê medyayî de xebatên xwe bidomîne.

Birêvebirê Ragihandinê yê Wezareta Parastinê ya Îraqê Lîwa Tehsîn Xefacî, bi helkefta salvegera 13emîn a damezirandina Rûdawê peyamek belav kir.

Xefacî di peyama xwe de pîrozbahiyên herî germ pêşkêşî birêvebir û xebatkarên tora nûçeyan a Kurdistanî kirin.

Tehsîn Xefacî di peyama xwe de ji bo karwanê medyayî yê Rûdawê serkeftinê xwest û ragihand:

"Em di peyama we ya medyayî de ji we re serkeftinê dixwazin da ku hûn di veguhastina rastiyan û bihêzkirina karê medyayî yê pîşeyî yê li welêt de rola xwe ya girîng bidomînin."

Rûdaw bûye çavkaniya zanyariyan

Îro 29ê Gulanê, 13 sal di ser destpêkirina weşana fermî ya tora nûçeyan a herî mezin û diyar a Kurdistanê re derbas bûn.

Tora Medyayî ya Rûdawê di temenê xwe yê 13 salan de karîbû bibe çavkaniya zanyariyan ji bo navxwe û derve.

Rûdawê li hemberî vê xizmeta xwe gelek xelatên cîhanî bi dest xistine.

Tora Medyayî ya Rûdawê ji bilî ekrana xwe ya ku herî zêde tê temaşekirin, di torên civakî de jî pêşeng e.

Rûdawê li ser Facebookê zêdetirî 11 milyon, li ser Instagramê 3,4 milyon, li ser TikTokê 1,5 milyon û li ser Xê jî 1,5 milyon şopînerên wê hene.

Dengê Kurdan li cîhanê

Rûdawê karîbû asta temaşekirinê ya li Başûrê Kurdistanê û Îraqê biguhere.

Rûdaw bi bikaranîna teknolojiya herî nû ya cîhanî ya di warê wênegirtin, stodyo û grafîkan de bi mezintirîn kanalên herêmî û cîhanî re hevrikiyê dike û ji bo medyaya Kurdistanî bûye pêşeng.

Yek ji destkeftên herî mezin ên Rûdawê, gihandina dengê Kurdan a ji bo navendên biryarder ên cîhanê bû.

Rûdaw bi rêya nûnerên xwe yên li Washington, Bruksel, Moskow û paytextên bibandor, ji bo ajansên nûçeyan ên cîhanî bûye çavkaniyeke cihê baweriyê.

Dibistaneke pîşeyî

Rûdawê di demên hestiyar û şeran de îspat kir ku xwedî binesaziyeke mirovî ya bihêz e.

Rûmalên zindî û veguhastina nûçeyan a ji nava dilê rûdanan bi awayekî pîşeyî, wisa kir ku Rûdaw bibe mala yekem a hemû temaşevanên ku li pey rastiyê digerin.

Rûdaw her wiha ji bo ajansên cîhanî yên wekî AFP, AP, Reuters, Tora Hevbeş a Nûçeyan a Ewropayê (ENEX) û kanalên cîhanî yên wekî CNN, Sky News, BBC û bi dehan kanalên din bûye çavkanî.

Rûdaw tenê li ser ekranê nema. Wê medyaya civakî û portala xwe kir sekoyeke zindî ku bi çend zimanan (Kurdî, Erebî, Îngilîzî, Tirkî) dengê xwe digihîne.

Ev yek jî asteke bilind a dariştina stratejiya medyayî nîşan dide.

Yek ji mezintirîn xizmetên Rûdawê, avakirina dibistanekê bû ji bo pêgihandina rojnameger û pêşkêşkarên pîşekar ku li gorî standardên cîhanî kar dikin.

Ev yek jî bû sedema dewlemendbûna zêdetir a qada rojnamegeriyê ya li Kurdistanê.

Nûçeyên Têkildar

Li Bexdayê 15 DAIŞiyên Fransiz hatin darizandin: Ji bo 6 kesan cezayê heta hetayê
ÎRAQ18-11-2026

Li Bexdayê 15 DAIŞiyên Fransiz hatin darizandin: Ji bo 6 kesan cezayê heta hetayê

DAIŞê li Nînowayê êrişî xaleke leşkerî kir
ÎRAQ15-11-2026

DAIŞê li Nînowayê êrişî xaleke leşkerî kir

Mesrûr Barzanî û Elî Zeydî civiyan: Mûçe, budce û êrişa li Kormorê hatin gotûbêjkirin
ÎRAQ09-11-2026

Mesrûr Barzanî û Elî Zeydî civiyan: Mûçe, budce û êrişa li Kormorê hatin gotûbêjkirin

Pirsên