کوردیKURDÎENGLISHTÜRKÇEعربي
Rudaw Logo
Zindî
KURDISTAN
ROJHILATA NAVÎN
DiasporaCÎHANABORÎHEVPEYVÎNNÊRÎNÇAND Û HUNERWERZIŞTENDURISTÎMULTÎMEDYABERNAMEBELGEFÎLM
Zindî
Rudaw

Sepana Rûdawê daxe

App StoreGoogle Play
Polîtîkaya Nepenîtiyê•Şertên Bikaranînê

© 2026 Hemû maf tên parastin.

Rudaw

Sepana Rûdawê daxe

App StoreGoogle Play
Polîtîkaya NepenîtiyêŞertên Bikaranînê

© 2026 Hemû maf tên parastin.

Parlamentoya Tirkiyeyê / Wêne: Arşîv

Parlamentoya Tirkiyeyê / Wêne: Arşîv

Kurdistan

Baroyên Bakurê Kurdistanê piştgirî da yasaya çareseriyê

Maseya Edîtoran

Maseya Edîtoran

12-08-2026
Guhdarî bike
0:00
0:00
Mezinahiya Nivîsê
Maseya Edîtoran
Maseya Edîtoran12-08-2026

Nûçeyên Têkildar

Li Amedê 55 koçber hatin desteserkirin
Kurdistan19-11-2026

Li Amedê 55 koçber hatin desteserkirin

Li Efrînê 36 cihên şûnwarî hatine wêrankirin
Kurdistan19-11-2026

Li Efrînê 36 cihên şûnwarî hatine wêrankirin

Li piraniya bajarên Bakurê Kurdistanê hişyariya berf û baranê hat dayîn
Kurdistan19-11-2026

Li piraniya bajarên Bakurê Kurdistanê hişyariya berf û baranê hat dayîn

Hewlêr (Rûdaw) - 16 baroyên li Bakurê Kurdistanê diyar kir ku ew piştgiriyê didin yasaya çarçoveyê ya pêvajoya çareseriyê ku li Parlamentoya Tirkiyeyê hatiye qebûlkirin.

Baroyan her wiha bangî rayedaran kir ku kêmasiyên yasayê werin çareserkirin.

Pêşniyaryasaya ku di nav raya giştî de wekî "yasaya çareseriyê" tê zanîn, di Lijneya Giştî ya Parlamentoya Tirkiyeyê de bi 467 dengên "erê", 87 dengên "na" û 7 dengên "bêalî" hat pesendkirin.

Baroyên Semsûr, Agirî, Êlih, Çewlîg, Bedlîs, Dêrsim, Amed, Colemêrg, Îdir, Qers, Mêrdîn, Mûş, Sêrt, Riha, Şirnex û Wanê li ser yasaya çarseriyê daxuyaniyeke hevpar da.

"Pêngaveke dîrokî ye”

Di daxuyaniyê de hat destnîşankirin ku Yasaya Çarçoveyê gaveke dîrokî ye û wiha hat gotin:

“Nêzîkî nîv sedsalî ye ku ji ber şer bi hezaran mirovan canê xwe ji dest daye. Ev şer bûye sedema êşên kûr ên civakî, koçberiya bi zorê û bedelên giran ên aborî.

Em her gaveke hiqûqî û demokratîk a jidil ku dixwaze vî şerî bi awayekî mayînde bi dawî bike, wekî derfeteke dîrokî dinirxînin."

16 Baroyan qala girîngiya yasayê kir û got:

"Yasaya Bihêzkirina Hevgirtina Neteweyî û Yekbûna Civakî ya ku li Lijneya Giştî ya Parlamentoya Tirkiyeyê hatiye qebûlkirin, gaveke dîrokî ye.

Her çend ji aliyê teknîka hiqûqê û naverokê ve kêmasiyên wê hebin jî ji bo bêdengkirina çekan gaveke girîng e. Çimkî armanca wê ew e ku pirsgirêk li ser zemîna hiqûq û siyaseta demokratîk werin çareserkirin.”

"Bila kêmasî werin çareserkirin"

Baroyan di berdewamiya daxuyaniyê de bal kişand li ser kêmasiyan û got:

“Eşkere ye ku aştiya mayînde tenê bi verastkirinên hiqûqa cezayê pêk nayê. Divê ev pêvajo li ser bingeha serweriya hiqûqê, şefafbûn, edaleta civakî û demokratîkbûnê bi pêş ve biçe.

Divê maf û azadiyên bingehîn werin xurtkirin û bi beşdariya hemû beşên civakê werin piştgirîkirin.

Di yasayê de hinek xal hene ku dibe di dema bicihkirinê de bibin sedema şîroveyên cuda. Divê ew xal werin zelalkirin.

Divê naveroka yasayê were diyarkirin û pîvanên objektîf ên ku wekheviyê pêk tînin werin eşkerekirin. Ev yek pêwîstiya prensîba dewleta hiqûqê ye.

Em dixwazin ku kêmasiyên vê yasayê li gorî prensîbên gerdûnî yên hiqûqê werin çareserkirin.

Lê belê em vê verastkirinê wekî derfeteke dîrokî dibînin û di warê prensîbî de piştgiriyê didin wê. Çimkî ev yasa dikare bibe alîkar ji bo wê aştiya mayînde ya ku welatê me bi salan e li bendê ye.”

Nûçeyên Têkildar

Li Amedê 55 koçber hatin desteserkirin
Kurdistan19-11-2026

Li Amedê 55 koçber hatin desteserkirin

Li Efrînê 36 cihên şûnwarî hatine wêrankirin
Kurdistan19-11-2026

Li Efrînê 36 cihên şûnwarî hatine wêrankirin

Li piraniya bajarên Bakurê Kurdistanê hişyariya berf û baranê hat dayîn
Kurdistan19-11-2026

Li piraniya bajarên Bakurê Kurdistanê hişyariya berf û baranê hat dayîn

Pirsên