Hewlêr (Rûdaw) - Karsaz Necdet Takva di hilbijartinên Odeya Bazirganî û Pîşesaziyê ya Wanê de bi ser ket.
Li gorî encamên destpêkê, serokê niha yê odeyê Necdet Takva careke din ev post bi dest xist.
Nêzîkî 7 hezar kesan deng da
Hilbijartinên Odeya Bazirganî û Pîşesaziyê ya Wanê îro li Lîseya Anadoluyê hatin lidarxistin.
Dengdanê demjimêr 09:00an dest pê kir û demjimêr 17:00an bi dawî bû.
Bi tevahî 6 hezar û 916 endamên odeyê deng da.
Lîsteya Şîn di 10 koman de bi ser ket
Lîsteya Şîn a bi serokatiya Necdet Takva di 10 komên pîşeyî de bi ser ket.
Lîsteya Spî ya ku Zahir Kandaşoglu serokatiya wê dikir di 7 koman de bi ser ket.
Lîsteya Kesk a Îrem Bayramê jî di 2 koman de bi ser ket.
Lîsteya Sor a bi serokatiya Îzzet Çoban di ti koman de bi ser neket.
Birêvebiriya nû dê bê avakirin
Piştî ragihandina encamên nefermî, ekîba Necdet Takva dest bi pîrozbahiyê kir.
Tê çaverêkirin ku piştî erêkirina encaman, birêvebiriya nû ya Odeya Bazirganî û Pîşesaziyê ya Wanê bê avakirin.
