Hewlêr (Rûdaw) - Li parêzgeha Şirnexê ya Bakurê Kurdistanê ji 7 kesên ku di operasyonekê de hatibûn destserkirin 3 ji wan bi hinceta “alîkariya rêxistinê” hatin girtin.
Roja Şemiyê 17ê Hezîrana 2023an hêzên ewlakariya Tirkiyê di çarçoveya lêkolîneke serdozgeriya Şirnexê de li gundên Melîxa, Wargundik û Feraşînê yên girêdayî navçeya Elkê ya Şirnexê bi operasyonekê bi ser çend malan de girtibûn û 7 welatiyên bi navên Fazil Aslan, Şehmus Aslan, Mazlum Aslan, Cudî Aslan, Hecer Aslan, Kerem Abi û Şaban Abo desterkiribûn.
Kesên desteserkirî piştî karûbarên îfadeyê li dozgerê bo dadgehê hatin veguhastin.
Li gor ajansa nûçeyan a Mezopotamyayê roja Dûşemê 19ê Hezîrana 2023an dadgehê biryar da ku welatiyên bi navên Şehmus Aslan, Mazlum Aslan û Hecer Aslan di çarçoveya îfadeyên şahidhalên nihênî de bi hinceta “alîkariya rêxistinê bên girtin. Hersê kesên navborî piştî biryara dadgehê bo girtîgeha Şirnexê hatin şandin.
Herwiha 4 kesên din jî bi mercê kontrola dadî hatin berdan.
