Hewlêr (Rûdaw) - Li parêzgeha Meletî ya Bakurê Kurdistanê du otomobîl li hev ketin û di encamê de kesekî canê xwe ji dest da û 6 kes jî birîndar bûn.
Îro serê sibeha 27ê Hezîranê li ser rêya navbera Qeyserî û Meletiyê otomobîla bi şofêrtiya Y.T û ya bi şofêrtiya Omer Guven li hev qelibîn û di bûyerê de 7 kes birîndar bûn.
Li ser agahdarkirinê tîmên tendirustî, Berevaniya Şaristanî, cendirme û polîs bo cihê bûyerê hatin şandin.
Birîndarên bi navên Y.T, E.T, Y.T, N.T, Z.T, E.T û Omer Guven ji aliyê tîmên tendirûstiyê ve bi ambûlansan bo nexweşxaneyên bajêr hatin veguhestin.
Lê şofêrê otomobîlê Omer Guven tevî hemû hewldanên pizîşkî li nexweşxaneyê canê xwe ji dest da.
