Hewlêr (Rûdaw) - Artêşa Tirkiyê meydana Newroz a Kobanî ya Rojavayê Kurdistanê topbaran kir. Di topbarana Tirkiyê de du welatî birîndar bûn.
Topxaneyên Artêşa Tirkiyê îro Çarşemê 5ê Temûza 2023an qada Newrozê û derdora wê ya li başûrrojhilatê Kobaniyê bi dijwarî topbaran kirin.
Hat ragihandin ku di encama topbaranê de 2 karmendên tenduristiyê birîndar bûne.
Li gorî medyaya nêzîkî Rêveberiya Xweser, 2 karmendên tenduristiyê yên bi navê Sozdar Mistefa Osman (30) û Muslim Nebî Oso (25) ku di encama bombebaranê de birîndar bibûn li Nexweşxaneya Kobaniyê têne dermankirin.
Hate diyarkirin ku topbaran berdewam dike û topek li kargeheke boyaxê ketiye, ziyana madî çêbûye.
🔴#Bilez
— RudawKurdi (@RudawKurdi) July 5, 2023
Artêşa Tirkiyê qada Newrozê ya li rojhilatê #Kobanî'yê topbaran dike.
Li gorî zanyariyên destpêkê 2 kes birîndar bûne û ew ji bo dermankirinê birine nexweşxaneyê. pic.twitter.com/SYtz9Wyp6K
