Hewlêr (Rûdaw) - Li parêzgeha Sîstan û Belûcistanê ya Îranê di êrîşeke çekdarî de 4 polîs hatin kuştin.
Li gorî nûçeya ajansa fermî ya Îranê IRNAyê, Navenda Ragihandina Polîsên Sîstan-Belûçistanê têkildarî mijarê daxuyaniyek da.
Di daxuyaniyê de hat diyarkirin ku polêsên trafîkê yên ku li ser rêya Haş-Teftan nobetê digirtin hatine gulebarankirin.
Her wiha hat destnîşankirin ku di bûyerê de 4 polês hatine kuştin û agahiyên berfireh wê paşê bên parvekirin.
Li aliyê din di daxuyaniya Serdozgeriya Zahîdanê de hat diyarkirin ku ji bo girtina kiryaran xebat berdewam dikin.
Ajansa Nûçeyan a Mehrê jî ragihand komeke ku ji 4 kesan pêk tê li başûrê rojhilatê vî welatî hatiye girtin.
