Hewlêr (Rûdaw) - Li navçeya Qamûşanê ya parêzgeha Qersê ya Bakurê Kurdistanê otobuseke rêwiyan ji kendalekî ket û li gor zanyariyên destpêkê 7 kesan canê xwe ji dest da û 22 kes jî birîndar in.
Li gundê Karakurtê yê Qamûşanê, otobuseke rêwiyan a ku ji Erzeromê ber bi Qersê ve diçû, piştî ku di ser pirekê re derbas bû ji rê derket û ji kendalekî 50 metreyî ket.
Li gor zanyariyên destpêkê di encama bûyerê de 7 kesan canê xwe ji dest da û 22 kes jî birîndar in.
Li ser agahdarkirinê tîmên tenduristiyê, tîmên rizgarkirinê û hêzên ewlehiyê çûne cihê bûyerê.
Kar û xebatên rizgarkirina birîndaran berdewam in.
Li navçeya Qamûşanê ya #Qers'ê otobuseke rêwiyan ji kendalekî ket û li gor zanyariyên destpêkê mirî û birîndar hene. pic.twitter.com/oc95HMd0RP
— RudawKurdi (@RudawKurdi) July 30, 2023
