Hewlêr (Rûdaw) - Li navçeya Elbakê ya parêzgeha Wanê cerdevanê ku destdirêjî li zarokeke 16 salî kir, hat desteserkirin.
Li gorî malperên xwecihî yên nûçeyan ên Wan a Bakurê Kurdistanê, li taxa Kirbaliyê ya navçeya Elbakê cerdevanê bi navê B.A destdirêjî li zarokeke 16 salî kiriye.
Cerdevanê bi navê B.A zewicî ye û bavê 2 zarokan e.
Piştî ku bûyer eşkere bû, cerdevanê navborî bi giliyê malbata zaroka 16 salî roja înê hat desteserkirin.
Hat ragihandin ku karûbarên îfadeyê yên wî cerdevanî berdewam dikin.
Li gorî îdiayan piştî ku bûyera destdirêjiyê eşkere bûye, wî ji bo ku giliyê wî nekin zext li malbata zaroka 16 salî kiriye.
