Hewlêr (Rûdaw) - DEDAŞê li navçeya Faqînê ya Amedê ya Bakurê Kurdistanê elektrîka 12 gundan qut kir.
Kompanyaya Belavkirina Elektrîkê (DEDAŞ) li çend bajarên Bakurê Kurdistanê bi hinceta ku deynê xwe nadin elektrîka welatiyan qut dike.
DEDAŞê vê carê jî li Farqînê bêyî ku hincetek nîşan bide ev 3 roj in elektrîka 12 gundan qut kiriye.
Herwiha gundî îdia dikin tevî ku "deynê wan nîne jî DEDAŞê bi awayekî kêfî" elektrîka wan biriye.
Nexweşên diyalîzê hene
Li aliyê din xelkê wan gundan ji rayedaran xwest ku pirsgirêka wan careser bikin û got ku li wan gundan gelek nexweşên diyalîzê hene û ew di rewşeke pir zehmet de ne.
"Gelê Kurd ceza dike"
Herwiha xelkê gundên ku elektrîka wan hatiye birîn diyar kir ku ji her rewşeke xirab dê DEDAŞ berpirsyar be û wan wiha got:
“DEDAŞ hêza xwe ji desthilat AKP û MHPyê werdigre û gelê Kurd ceza dike.”
Li aliyê din, gundên ku elektrîka wan hatiye qutkirin ev in: Huseyna, Kinyat, Mîreliya, Zoravayê Kevn, Zoravayê Nû, Çevkiya, Dîda, Kureşa, Cengiz, Talîye, Cade Baxçecik, Kaniya Gulan.
.webp&w=3840&q=75)
