Hewlêr (Rûdaw) - Wezareta Parastinê ya Tirkiyeyê ragihand ku leşkerekî wan ê birîndar miriye.
Li gorî daxuyaniya Wezareta Parastinê ya Tirkiyeyê, ev leşker 30ê Îlonê di “Operasyona Pence-Kilîdê” de birîndar bûbû.
Wezaretê da zanîn ku navê leşkerê ku miriye Recep Parlak e û ew doh miriye.
“Operasyona Pence-Kilîdê”
Artêşa Tirkiyeyê roja 17ê Nîsana 2022yan li deverên Zap, Avaşîn û Metînayê yên nav axa Başûrê Kurdistanê bi hinceta gerîlayên PKKyê dest bi “Operasyona Pence-Kilîdê” kir û ew êriş heta niha jî berdewam dike.
Ji wê demê ve li wan deveran şerê di navbera gerîlayên PKKyê û artêşa Tirkiyeyê de berdewam dike.
