Hewlêr (Rûdaw) - Li parêzgehên Qers, Erzirom û Erdexanê yên Bakurê Kurdistanê, rêyên 261 gundan hatin girtin.
Pêleke berf û baranê Bakurê Kurdistanê daye ber xwe.
Ji ber berf û baranê rêyên gundan hatin girtin, bûyerên trafîkê çêbûn û mal di bin avê de man.
Li Erzirom û navçeyên wê ji ber berfê rêyên 251 gundan hatin girtin.
Tîmên Şaredariya Bajarê Mezin a Erziromê dest bi xebatên vekirina rêyan kirin.
Li navçeya Qamûşanê ya parêzgeha Qersê rêyên 7 gundan û li parêzgeha Erdexanê jî rêyên 3 gundan ji ber berfê hatin girtin.
Li her du parêzgehan tîmên Saziya Îdareya Taybet a Bajêr ji bo vekirina rêyan dest bi xebatê kirin.
Parêzgarê Erdexanê Hayretîn Çîçek li ser hesabê xwe yê tora civakî ragihand:
“Heta pêwîst nebe divê kesek dernekeve trafîkê û kesên neçar dimînin jî bila lastîkên berfê, zincîr û werîsan bikar bînin.”
Li aliyê din, li parêzgeha Êlihê malbatek li ber lehiyê çû û pîrekê û 3 neviyên wê canê xwe ji dest da, ji heman malbatê 3 kes jî birîndar bûn.
