Hewlêr (Rûdaw) - Di 10emîn roja çalakiya karkerên Ozak Tekstîlê de cendirmeyan midaxeleya çalakiyê kir û 22 karker û rêveberên Sendîkaya BÎRTEK-SENê desteser kirin.
Karkerên Ozak Tekstîlê ku 10 roj in ji ber guvaş û gefên xwediyê kar û sendîkaya jê îstifa kirine Oz-Îplikê, li ber deriyê kargehê di çalakiyê de ne.
Karker vê sibê li ber deriyê kargehê rawestiyan û nehiştin karkerên şîfta 80:00 heta 16:00 bikevin hindirê kargehê.
Li ser wê yekê cendirmeyan bi copan û gaza rondikrêj êrişî karkeran kir û 22 karker û rêveberên Sendîkaya BÎRTEK-SENê desteser kirin.
Li gor agahiyan di nava kesên desteserkirî de Rêveberên BÊRTEK-SENê Mehmet Turkmen, Deniz Kar, Mazlum Ayçiçek û 19 karker hene.
Herwiha di dema desteserkirinê de çend karker jî birîndar bûn û di nav ambualnsê de hatin dermankirin.
Piştê midaxeleya dijwar a cendirmeyan, karkerên ku di hundirê kargehê de kar dikirin jî ji kargehê derketin û piştgirî dan karkerên di çalakiyê de.
Karkeran bi gerandina govend û sloganan nerazîbûna xwe anîn ziman.
Karker dibêjin heta daxwazên wan neyên bicihkirin ew dê çalakiya xwe berdewam bikin.
Li #Rihayê cendirmeyan êrişî karkerên Ozak Tekstîlê kir û 22 kes desteser kirin#OzakTekstil
— RudawKurdi (@RudawKurdi) December 6, 2023
📽️Medyaya civakî pic.twitter.com/mYhmn8pxpq
