Hewlêr (Rûdaw) – Li bajarên Li Wan û Colemêrgê yên Bakurê Kurdistanê berf barî û mij çêbû.
Li Wanê du roj in barana gur dibare, li deverên bilind jî berf dibare.
Li ser rêya Wan û Colemêrgê serê sibehê berfê dest pê kir û mij çêbû, şofêr ketin tengasiyê.
Li herêmê barîna berfê didome û ji bo tengasî çênebin ekîbên pêwendîdar li ser kar in.
Colemêrg
Li Colemêrgê ji duh ve bi navber berf dibare. Berfê li ser otomobîl, dar û baniyan girt.
Ekîbên berfê yên Îdareya Taybet a Bajêr ji bo vekirina rêyên cih û warên bilind, dixebitin.
Li navçeya Geverê ya Colemêrgê jî berfê navenda bajêr spî kir.
Welatiyê bi navê Husnu Yetîşmîş got ku berf îsal dereng bariya.
Berf, baran û mij li Colemêrga Bakurê #Kurdistan'ê
— RudawKurdi (@RudawKurdi) December 13, 2023
📸Sayîm Harmanci / AA pic.twitter.com/NVqc0ZCJGG
