Hewlêr (Rûdaw) - Li bajarê Amedê yê Bakurê Kurdistanê, minîbûsa girtîgehê wergeriya û di encamê de 4 cendirme û 3 mehkûm birîndar bûn.
Minîbûsa ku ji Girtîgeha Tîpa Lyê ya Maltepeya Stenbolê mehkûm dibirin girtîgeha navçeya Xêlatê ya Bedlîsê, li ser rêya Amed-Farqînê ji kontrola şofêr derket û wergeriya.
Li ser agahdarkirinê, tîmên hawarçûnê û cendirme çûn cihê bûyerê.
Di qezayê de 4 cendirme û 3 mehkûm birîndar bûn.
Tîmên tenduristiyê birîndar bi ambûlans û helîkopteran veguhastin nexweşxaneyên li Amedê.
