Hewlêr (Rûdaw) - Ji ber berfa zêde li 5 navçeyên parêzgeha Dêrsimê ya Bakurê Kurdistanê dibistan rojekê hatin girtin
Herwiha tîmên şaredariya Dêrsimê jî hewl didin rêyên ku hatine girtin vekin.
Nûçegihanê Rûdawê yê Dêrsimê Alî Heyder Gozlû ragihand ku bi biryara parêzgariyê li navçeyên Qisle, Pilemuriye, Pulur, Mazgêrt û Pêrtagê yên Dêrsimê ji ber berfa zêde ya ku ev du roj in dibare, li dibistanan rojekê xwendin hatiye rawestandin.
Li gorî biryara parêzgariyê, karmendên jin ên ducanî û karmendên xwedî pêdiviyên taybet bi destûr tên hesibandin û dê neçin ser kar.
Li aliyê din, ji ber berf û pûkê li Dêrsim û navçeyên wê rêyên bi dehan gundan hatin girtin û xebatên vekirina rêyan yên tîmên şaredariyê berdewam dikin.
