Hewlêr (Rûdaw) - Saziya Keşnasiyê ya Tirkiyeyê ragihand ku pileya germê dadikeve û tê texmînkirin li 8 parêzgehên Bakurê Kurdistanê berfeke zêde bibare.
Li seranserê Tirkiyeyê pileya germê ji 6 heta 8 pileyan daketiye û li piraniya parêzgehên Bakurê Kurdistanê berf dibare.
Li parêzgehên Erdexan, Qers, Dêrsim, Çewlîg, Mûş, Bedlîs, Colemêrg û Şirnexê ji îro û pê ve dê berfeke zêde bibare û roja sêşemê jî li çend parêzgehan dê berf û baran bi hev re bibarin.
Herwiha ji bo parêzgeha Artvînê ya Tirkiyeyê jî hişyariya berfê hatiye dayîn û li 3 parêzgehên mezin Stenbol, Îzmîr û Enqereyê berf nayê çaverêkirin.
