Hewlêr (Rûdaw) - Li navçeya Westanê ya parêzgeha Wanê ya Bakurê Kurdistanê mîdîbûsa rêwiyan qulibî, 4 jê zarok 27 kes birîndar bûn.
Li ser rêya Wan-Bedlîsê nêzî gundê Sarikê yê navçeya Westanê mîdîbuseke rêwiyan qulibî.
Li ser agahdarkirinê cendirme û tîmên tenduristiyê çûn cihê qezayê.
Ji mîdîbusa ku qeza kiribû 4 jê zarok 27 birîndar hatin derxistin.
Tîmên tenduristiyê birîndar bi ambulansan rakirin Nexweşxaneya Zanîngeha Wanê û Nexweşxaneya Dewletê ya Westanê.
Hat ragihandin ku rewşa birîndaran baş e.
