Hewlêr (Rûdaw) - Li navçeya Nûrdaxiyê ya parêzgeha Dîlokê 2 otomobîl li hev qelibîn, di bûyerê de 2 kesan canê xwe ji dest da û 5 kes jî birîndar bûn.
Bûyer derengiya şeva borî rû da. Otomobîla bi şofêrtiya Halîl Kocayê 66 salî û otomobîla bi şofêrtiya Ugur Aslanê 44 salî ku ji aliyê din dihat li ser rêya Dîlok-Nûrdaxiyê li hev qelibîn.
Di bûyerê de şofêr Ugur Aslan û Ahmet Aslanê di nav otomobîlê de li cihê bûyerê canê xwe ji dest da.
Li ser agahdarkirinê tîmên tenduristiyê û cendirme çûn cihê bûyerê.
Welatiyên bi navên Fatma Koca, Esra Koca û Ramazan Tosun û 2 kesên din ku navê wan nehat zanîn û wekî rêwî di nav otomobîlan de bûn, birîndar bûn.
Tîmên tenduristiyê birîndar veguhastin Nexweşxaneya Dewletê ya Nûrdaxiyê.
.jpg&w=3840&q=75)