Hewlêr (Rûdaw) - Li navçeya Çermikê ya Meletiyê zarokek ket bîra avê û canê xwe ji dest da.
Li Taxa Tecdeyê ya navçeya Çirmikê, zarokekî 7 salî yê bi navê A.C. dema bi hevalên xwe re dileyîst lingê wî şemitî û ket bîra avê ya di nav hewşa malê de.
Li ser agahdarkirinê tîmên tenduristiyê û prastina sivîlan û polîs çûn cihê bûyerê.
Tîmên prastina sivîlan zarokê 7 salî ji bîrê derxist.
Tîmên tenduristiyê bi ambulansê ew zarok veguhast Nexweşxaneya Perwerde û Lêkolînê ya Meletiyê.
Lê tevî hemû hewldanên bijîşkî zarokê 7 salî li nexweşxaneyê canê xwe ji dest da.
