Hewlêr (Rûdaw) - Li çiyayên Cûdî û Gabarê yên li parêzgeha Şirnexê ya Bakurê Kurdistanê dîsa qedexe hat ragihandin.
Li Bakurê Kurdistanê bi salan e bi hincetên cuda qedexe tên ragihandin.
Herî dawiyê careke din çûna çiyayên Cûdî û Gabarê di çarçoveya yasaya leşkerî de hat qedexekirin.
Parêzgariya Şirnexê bi daxuyaniyekê ragihand ku dê qedexe sibe (10ê Gulanê) dest pê bike û 15 rojan berdewam bike.
Li gorî daxuyaniyê, Cûdî û Gabar wekî “herêma ewlehiyê ya taybet” hatine ragihandin û dê heta 24ê Gulane xelk nikaribe here wan çiyayan.
