Hewlêr (Rûdaw) - Saziya Keşnasiyê ya Tirkiyeyê ji bo parêzgehên Mereş, Meletî û Colemêrgê yên Bakurê Kurdistanê hişyariya barana gur da û divê tedbîrên pêwîst bên wergirtin.
Saziya Keşnasiyê ya Tirkiye 18ê Gulana 2024an ragihand ku li parêzgeha Konya û 3 parêzgehên din dê baraneke gur bibare û li herêmên din jî pileya germê 1 heta 3 pileyan zêde bibe.
Li gorî daxuyaniyê, li herêmên Marmara, Ege û Deryaya Spî jî dê toz bibare û divê welatî tedbîrên xwe wergirin.
Ji bo parêzgehên Wan û Colemêrgê jî hişyariya helîna berfê hat dayîn ku dikare bibe sedema hezaz û rewşên din ên neyînî.
Zêdeyî hefteyekê ye li çend parêzgehên Bakurê Kurdistanê barîna berf û baranê berdewam e û pileya germê jî li gorî destpêka demsalê daketiye.
