Hewlêr (Rûdaw) – Serokê Herêma Kurdistanê Nêçîrvan Barzanî piştgirî da Serokê Encûmena Bilind a Dadweriyê ya Îraqê Fayeq Zêdan.
Endamê Komariyan ê Meclîsa Nûneran a Amerîkayê Michael Waltz, Fayeq Zêdan bi piştgirîdayîna Îranê tohmetbar kiribû.
Michael Waltz destnîşan kiribû ku ew dê ji bo Fayeq Zêdan wekî “hevkarekî Îranê” were naskirin projeyasayekê pêşniyar bike.
“Em qedir didin hewlên Fayeq Zêdan”
Serokê Herêma Kurdistanê Nêçîrvan Barzanî bi rêya hesabê xwe yê Xê piştgirî da Fayeq Zêdan û got:
“Em qedir didin hewlên wî yên mezin û xizmeta wî ya ji dil a ji bo welêt û dadgehê.
Em hemû hewl û hedefnîşandanan red dikin ku xisarê bighînin nav û dengê Fayeq Zêdan an jî pozîsyona wî kêm bikin.”
Fayeq Zêdan ji 2017an ve Serokê Encûmena Bilind a Dadweriyê ya Îraqê ye ku li Îraqê desthilata herî bihêz a dadweriyê ye.
نؤكد دعمنا ومساندتنا لسيادة القاضي فائق زيدان، رئيس مجلس القضاء الأعلى. نثمن جهوده الكبيرة وخدمته المخلصة للقضاء والوطن، ونرفض أي استهداف أو طعن او تصريح تمس سمعته أو تنال من مكانته.
— Nechirvan Barzani (@IKRPresident) June 30, 2024
